Génesis 15:7 - Õꞌacʉ̃ Yere Ucũrĩ Turi

⁷ Cʉ̃ tojo ẽjõpeocã ĩꞌagʉ̃, cʉ̃rẽ aꞌtiro nicʉ niwĩ: —Yʉꞌʉ mʉꞌʉ wiogʉ niꞌi. Yʉꞌʉta mʉꞌʉ Ur caldeo masã ya macãpʉ nimiꞌcʉre miiwijawʉ. Aꞌti diꞌta mʉꞌʉ ya diꞌta niato nígʉ̃, tojo weewʉ.

Génesis 15:7 Iomraidhean Croise

Génesis 12:1

Niꞌcã nʉmʉ Õꞌacʉ̃ Abrãrẽ pijio weetjĩagʉ̃, aꞌtiro nicʉ niwĩ: “Mʉꞌʉ ya diꞌtare, mʉꞌʉ acawererãrẽ, mʉꞌʉ pacʉ ya wiꞌire wijayá. Ape diꞌtapʉ mʉꞌʉ waꞌagʉsaꞌa. Yʉꞌʉ mʉꞌʉrẽ ti diꞌtare ĩꞌogʉ̃ti.

Génesis 12:7

Cʉ̃ topʉ nicã, Õꞌacʉ̃ cʉ̃rẽ bajuacʉ niwĩ. Abrãrẽ aꞌtiro nicʉ niwĩ: “Aꞌti diꞌta yʉꞌʉ mʉꞌʉ pãrãmerã nituriarãrẽ oꞌoatji diꞌta niꞌi”, nicʉ niwĩ. Cʉ̃ tojo nicã tʉꞌogʉ, Abrã to cʉ̃rẽ bajuaꞌcaropʉta waꞌicʉrãrẽ ʉ̃jʉ̃amorõpeorore niꞌcã mesã ʉ̃tã meꞌrã seeneocũucʉ niwĩ. Õꞌacʉ̃rẽ ẽjõpeogʉ, tojo weecʉ niwĩ.

Génesis 28:4

Abrahãrẽ Õꞌacʉ̃ “Añurõ weegʉti” níꞌquere mʉꞌʉrẽ, mʉꞌʉ pãrãmerãrẽ oꞌoato. Aꞌti diꞌta mʉsã ya diꞌta waro tojato nígʉ̃, tojo niꞌi. Niꞌcãrõacãrẽ aꞌti diꞌtapʉ ape diꞌtacjãrã weronojõ niꞌi yujupʉ, nicʉ niwĩ.

Génesis 50:24

Beꞌro José cʉ̃ maꞌmisʉmʉarẽ nicʉ niwĩ: —Yʉꞌʉ wẽrĩatjo cãꞌrõ dʉꞌsaꞌa. Õꞌacʉ̃ mʉsãrẽ weetamugʉ̃ aꞌtigʉsami. Cʉ̃ Abrahãrẽ, Isaare, Jacore “Canaá diꞌtare oꞌogʉti” níꞌcaronojõta weegʉsami. Aꞌti diꞌtapʉ níꞌcãrãrẽ topʉ miagʉ̃sami.

Éxodo 32:13

Mʉꞌʉrẽ daꞌracoꞌterã Abrahãrẽ, Isaare, Jacore níꞌquere wãcũña. Mʉꞌʉ basuta mʉꞌʉ wãme meꞌrã narẽ aꞌtiro nicũpã: “Mʉsã pãrãmerã nituriarãrẽ ñocõa weronojõ pãjãrã masãputicã weegʉti. Tojo nicã, aꞌti diꞌta mʉsãrẽ oꞌogʉti níꞌque diꞌtare mʉsã pãrãmerã nituriarãrẽ oꞌogʉsaꞌa. Na ye diꞌta ninuꞌcũcãꞌrõsaꞌa”, nicũpã.

Romanos 4:13

Õꞌacʉ̃ Abrahãrẽ “Mʉꞌʉrẽ, mʉꞌʉ pãrãmerã nituriarãrẽ aꞌti diꞌtare oꞌogʉti”, nicʉ niwĩ. Õꞌacʉ̃ cʉ̃ dutisere wééca beꞌro mejẽta tojo nicʉ niwĩ. Abrahã cʉ̃rẽ ẽjõpeocã peꞌe, cʉ̃rẽ “Añugʉ̃, buꞌiri marĩgʉ̃ nimi”, nicʉ niwĩ. Tojo weegʉ cʉ̃rẽ “Aꞌti diꞌtare oꞌogʉti”, nicʉ niwĩ.