Génesis 1:14 - Õꞌacʉ̃ Yere Ucũrĩ Turi

¹⁴ Iꞌtia nʉmʉ beꞌro Õꞌacʉ̃ nicʉ niwĩ tja: “Ʉꞌmʉsepʉre sĩꞌose cũurõʉaꞌa. Tojo weecã, ʉmʉcore, ñamirẽ dʉcawaarosaꞌa. Te meꞌrã ĩꞌamasĩnoꞌrõsaꞌa ʉmʉcori, ñamirĩ, cʉ̃ꞌmarĩ, puꞌecʉri waꞌasere.

Génesis 1:14 Iomraidhean Croise

Génesis 1:13

Aꞌtere weecʉ niwĩ Õꞌacʉ̃ pʉa nʉmʉ beꞌro cja nʉmʉrẽ.

Génesis 1:15

Aꞌte diꞌtare sĩꞌoatje ʉꞌmʉsepʉ nirõsaꞌa”, nicʉ niwĩ Õꞌacʉ̃. Cʉ̃ níꞌcaronojõta tojacaro niwʉ̃.

Génesis 8:22

Apeye aꞌtiro nicʉ niwĩ: “Aꞌti ʉmʉco nirĩ curare masã ote, te dʉcare mii, baꞌanuꞌcũrãsama. Aꞌti nucũcãpʉre asise, yʉsʉase ninuꞌcũcãꞌrõsaꞌa. Cʉ̃ꞌma, puꞌecʉ quẽꞌrã ninuꞌcũcãꞌrõsaꞌa. Ʉmʉcori, ñamirĩ quẽꞌrã ne peꞌtisome. Tojo ninuꞌcũcãꞌrosaꞌa téé aꞌti ʉmʉco peꞌticãpʉ”, nicʉ niwĩ Õꞌacʉ̃.

Génesis 9:13

Oꞌmecuraripʉ buꞌedare cũugʉ̃ti. Ti da meꞌrã yʉꞌʉ aꞌti nucũcãpʉ nirã́ meꞌrã yʉꞌʉ apoꞌquere ĩꞌogʉ̃saꞌa.

Mateus 2:2

Topʉ etarã, sẽrĩtiñaꞌcãrã niwã: —Judío masã wiogʉ niacjʉ wĩꞌmagʉ̃ ¿noꞌopʉ bajuapari? Ʉ̃sã ya macã mujĩpũ mʉjãtiro peꞌe dʉporopʉ ñocõawʉ̃ ʉ̃sã ĩꞌatiꞌcʉre ĩꞌawʉ̃. Cʉ̃rẽ ĩꞌarã, “Wiogʉ niacjʉ bajuatojapĩ”, niwʉ̃. Tojo weerã cʉ̃rẽ ẽjõpeorã aꞌtiapʉ, nicãrã niwã.

Mateus 24:29

Jesú aꞌtiro ninemowĩ: —Te piꞌetise nʉmʉrĩ yʉꞌrʉ́ca beꞌro mujĩpũ ʉmʉcocjʉ̃ naꞌitĩꞌa waꞌagʉsami. Ñamicjʉ̃ quẽꞌrã boꞌreyusome. Ñocõa bʉrʉdijarãsama. Nipeꞌtirã ʉꞌmʉarõpʉ nirã́ narãsãcã weenoꞌrãsama.

Marcos 13:24

Jesú aꞌtiro ni werenemocʉ niwĩ: —Te piꞌetise nʉmʉrĩ yʉꞌrʉ́ca beꞌro mujĩpũ ʉmʉcocjʉ̃ naꞌitĩꞌa waꞌagʉsami. Ñamicjʉ̃ quẽꞌrã boꞌreyusome.

Apocalipse 6:12

Beꞌro Õꞌacʉ̃ macʉ̃ oveja wĩꞌmagʉ̃ weronojõ bajugʉ apero piꞌrabiꞌaꞌcarore pãawĩ tja. Cʉ̃ pãacã, diꞌta pũrõ narãsãwʉ̃. Mujĩpũ ʉmʉcocjʉ̃ naꞌitĩꞌa waꞌawĩ. Wẽrĩꞌcãrãrẽ bʉjawetirã suꞌti ñise sãñarõ weronojõ waꞌawĩ. Mujĩpũ ñamicjʉ̃ dí weronojõ pũrõ sõꞌawĩ.

Apocalipse 8:12

Iꞌtiarã beꞌrocjʉ̃ putiwĩ tja. Cʉ̃ puticã, mujĩpũ ʉmʉcocjʉ̃ decobocure dojowĩ. Ʉmʉcore decobocure boꞌreyutiwĩ. Ñamicjʉ̃ tojota waꞌawĩ. Ñocõa quẽꞌrã pãjãrã decobocure dojowã. Na decobocure ñamipʉre ne boꞌreyutiwã.

Apocalipse 9:2

Beꞌro cʉ̃ ti pere pãowĩ. Pã́oca beꞌro oꞌme pajiro wijawʉ. Ti pe cjase oꞌme mujĩpũrẽ tuubiꞌacãꞌwʉ̃. Naꞌitĩꞌa waꞌawʉ.