Gálatas 5:23 - Õꞌacʉ̃ Yere Ucũrĩ Turi

²³ “Ãpẽrã yʉꞌrʉoro niꞌi”, ni tʉꞌoñaꞌtisaꞌa. Ñaꞌarõ weesere weesĩꞌrĩmirã, weetisaꞌa. Aꞌte Espíritu Santu meꞌrã weese añuse diaꞌcʉ̃ niꞌi. Tojo weero aꞌtere ne niꞌcãrõ dutiro “Weeticãꞌña” ni cãꞌmotaꞌaro marĩꞌi.

Tukano

²³ “Ãpêrã yɨ'rɨóro niî'”, niî tɨ'ó yã'atisa'. Yã'âro weesére weé sĩ'rimirã, weetísa'. A'té Espírito Santo me'ra weesé ãyusé di'akɨ̃ niî'. Tohô weéro a'teré neê ni'kâro dutiró “Weetíkã'ya” niî ka'mú ta'aro marí'.

Gálatas 5:23 Iomraidhean Croise

Hechos 24:25

Pablo aꞌtere werecʉ niwĩ cʉ̃rẽ: —Õꞌacʉ̃ marĩrẽ cʉ̃ dutiꞌquere añurõ weesetiduticʉ niwĩ. Õꞌacʉ̃ “Mʉsã basu ñaꞌarõ weesĩꞌrĩrã, weeticãꞌña, wãcũtutuaya”, nicʉ niwĩ. Beꞌropʉ besegʉsami Õꞌacʉ̃ marĩ weesetiꞌquere, nicʉ niwĩ. Pablo cʉ̃ aꞌtere nicã tʉꞌogʉ, Féli tʉꞌomarĩa waꞌacʉ niwĩ. Tojo weegʉ Pablore “Wijaagʉsaꞌa. Apetero noꞌo apeyenojõ weese móógʉ̃, mʉꞌʉrẽ pijiogʉti tja mʉꞌʉ ucũsere tʉꞌoacjʉ”, nicʉ niwĩ.

1 Corintios 9:25

Nipeꞌtirã na omati dʉporo añurõ omabuꞌesama. Tojo weerã na queoro baꞌasama. Na upʉre dojorẽsere weetisama. Na pũrĩ meꞌrã wééca beꞌtore wapataꞌasĩꞌrĩrã, tojo weeyusama. Ti beꞌto maata boadija waꞌasaꞌa. Marĩ quẽꞌrã Õꞌacʉ̃ ʉatisere, ñaꞌasere duꞌurã, Õꞌacʉ̃ yere weeꞌe. Cʉ̃ oꞌoatje wapataꞌasĩꞌrĩrã, tojo weeꞌe. Cʉ̃ oꞌose ne peꞌtisome.

Gálatas 5:18

Marĩrẽ Espíritu Santu sʉꞌori añurõ weeseticã, “Moisé dutise meꞌrã marĩ yʉꞌrʉrãsaꞌa”, ni wãcũtisaꞌa majã.

1 Timoteo 1:9

Õꞌacʉ̃ tere cṹúgʉ̃, queoro weerãrẽ cũuticʉ niwĩ. Cʉ̃rẽ yʉꞌrʉnʉꞌcãrãrẽ, cʉ̃ dutiro weetirãrẽ cũucʉ niwĩ. Tojo nicã ñaꞌabutiaro weeri masãrẽ, ñaꞌarõ weenuꞌcũrĩ masãrẽ cũucʉ niwĩ. Õꞌacʉ̃rẽ ẽjõpeotirãrẽ, cʉ̃ ye buꞌese cjasere ʉatirãrẽ cũucʉ niwĩ. Apeyere, noꞌo pacʉre, pacore wẽjẽcõꞌarãrẽ, nipeꞌtirã noꞌo wẽjẽsebʉcʉrãrẽ cũucʉ niwĩ.

Tito 1:8

Aꞌtiro peꞌe niato. Sijari masã cʉ̃ ya wiꞌipʉ waꞌacã, añurõ põtẽrĩgʉ̃nojõ niato. Añusere weegʉnojõ niato. Tojo nicã añurõ wãcũyu weesetigʉnojõ, ãpẽrãrẽ queoro weegʉnojõ niato. Õꞌacʉ̃ ʉaro diaꞌcʉ̃ weegʉ́ niato. Queoro weesetigʉnojõ niato.

Tito 2:2

Aꞌtiro buꞌeya. Bʉcʉrã ʉmʉa wiopesase meꞌrã weesetiato. Na wiopesase meꞌrã ĩꞌanoꞌato. Añurõ wãcũyu weesetirãnojõ niato. Apeyere queoro ẽjõpeoato. Aꞌmerĩ maꞌisetiato. Mejẽcã waꞌacã, nʉꞌcãpoato.