Gálatas 5:17 - Õꞌacʉ̃ Yere Ucũrĩ Turi

¹⁷ Marĩ ñaꞌarõ weesĩꞌrĩse, marĩ ʉaro weese niꞌi. Espíritu Santu cʉ̃ ʉase mejẽta niꞌi. Te niꞌcãrõnojõ niweꞌe. Espíritu Santu cʉ̃ weedutise añuse niꞌi. Ñaꞌarõ weesĩꞌrĩ, ʉaripejase niweꞌe. Aꞌte pʉ́aperi aꞌmequẽꞌe. Tojo weerã marĩ añurõ weesĩꞌrĩmirã, weetisaꞌa. Espíritu Santu cʉ̃ ʉasere wéérã, ñaꞌarõ ʉaripejase peꞌere weeweꞌe.

Tukano

¹⁷ Marî yã'âro weé sĩ'rise, marî ɨaró weesé niî'. Espírito Santo kɨ̃ɨ̂ ɨasé meheta niî'. Teé ni'kâro noho nií wee'. Espírito Santo kɨ̃ɨ̂ wee dutíse ãyusé niî'. Yã'âro weé sĩ'ri, ɨâri pehase nií wee'. A'té pɨ̂a pe'eseri a'me kẽé'. Tohô weérã marî ãyuró weé sĩ'rimirã, weetísa'. Espírito Santo kɨ̃ɨ̂ ɨasére weérã, yã'âro ɨâri pehase pe'ere weé wee'.

Gálatas 5:17 Iomraidhean Croise

Génesis 6:3

Õꞌacʉ̃ peꞌe aꞌtiro nicʉ niwĩ: “Yʉꞌʉ masãrẽ aꞌti nucũcãpʉ catinuꞌcũcã weesome. Na boacjãrã diaꞌcʉ̃ nima. Ciento veinte cʉ̃ꞌmarĩta catirãsama”, nicʉ niwĩ Õꞌacʉ̃.

Mateus 12:30

Jesú ninemowĩ: —Yʉꞌʉre ʉatirã yʉꞌʉre ĩꞌatuꞌtirã nima. Yʉꞌʉre seeneotamutigʉnojõ doquestewãꞌcãgʉ̃ weronojõ nimi. Yʉꞌʉre ẽjõpeotirã masãrẽ Õꞌacʉ̃rẽ ẽjõpeocã weetamurã mejẽta weema.

Mateus 16:17

Jesú cʉ̃rẽ niwĩ: —Simó, Joná macʉ̃, mʉꞌʉ tojo ucũgʉ̃, diacjʉ̃ta ucũꞌu. Ne niꞌcʉ̃ masʉ̃ mʉꞌʉrẽ tere weretiapĩ. Yʉꞌʉ pacʉ ʉꞌmʉsepʉ nigʉ̃́ mʉꞌʉrẽ tere masĩse oꞌoapĩ. Tojo weegʉ eꞌcatiya.

Mateus 16:23

Beꞌro Jesú majãminʉꞌcã, cʉ̃rẽ nicʉ niwĩ: —Wãtĩ waꞌaya. Mʉꞌʉ tojo nígʉ̃, Õꞌacʉ̃ yʉꞌʉre dutisere cãꞌmotaꞌasĩꞌrĩgʉ̃ weeꞌe. Õꞌacʉ̃ cʉ̃ ʉasere wãcũweꞌe. Masã na wãcũwʉaronojõ peꞌe wãcũꞌu, nicʉ niwĩ.

Mateus 26:41

Cãrĩticãꞌña. Wãtĩ ʉ̃sãrẽ niquesãticãꞌto nírã, Õꞌacʉ̃rẽ sẽrĩña. Mʉsã wãcũsepʉ meꞌrãma yʉꞌʉre ẽjõpeonuꞌcũsĩꞌrĩmisaꞌa. Mʉsã seꞌsaro tojo weesĩꞌrĩmirã, wãcũtutuamasĩtisaꞌa. Tojo weerã Õꞌacʉ̃rẽ sẽrĩña, nicʉ niwĩ.

Mateus 5:6

”Õꞌacʉ̃ ye, diacjʉ̃ nisere masĩsĩꞌrĩrã, ʉjaboa, acowʉoꞌcãrã weronojõ nisama. Tojo ʉjaboa, acowʉorã weronojõ masĩsĩꞌrĩrãrẽ Õꞌacʉ̃ eꞌcatise oꞌogʉsami. Na Õꞌacʉ̃ yere masĩ́ca beꞌro baꞌa, sĩꞌrĩtuurã weronojõ nisama.

San Lucas 22:33

Cʉ̃ tojo nicã tʉꞌogʉ, Pedro yʉꞌticʉ niwĩ: —Yʉꞌʉ wiogʉ, yʉꞌʉ quẽꞌrã mʉꞌʉrẽ buꞌiri daꞌreri wiꞌipʉ miacã, waꞌagʉti. Mʉꞌʉ wẽrĩcã quẽꞌrãrẽ, wẽrĩmasĩꞌi, nicʉ niwĩ.

San Lucas 22:46

Narẽ nicʉ niwĩ: —¿Deꞌro weerã tocãꞌrõ cãrĩti? Wãꞌcãnʉꞌcãña. Wãtĩ mʉsãrẽ niquesãticãꞌto nírã Õꞌacʉ̃rẽ sẽrĩña, nicʉ niwĩ.

San Juan 3:6

Masã põꞌrã masãta nima. Náta tja Espíritu Santu meꞌrã bajuaaporã, Õꞌacʉ̃ põꞌrã waꞌasama.

Romanos 8:13

Marĩ ʉaro weesetirã, pecameꞌepʉ buꞌiri daꞌre bajurionoꞌrãsaꞌa. Te ñaꞌasere Espíritu Santu weetamurõ meꞌrã weeduꞌurã pũrĩcã, catinuꞌcũrãsaꞌa.

Gálatas 3:21

To pũrĩcãrẽ Abrahãrẽ cʉ̃ níꞌque wapatiyʉꞌrʉnʉꞌcãcã, ¿Moisére cʉ̃ dutiꞌque peꞌe wapamarĩpari? Niticaro niwʉ̃. Masã nipeꞌtise Moisé cʉ̃ dutisere weeta basiocãma, marĩrẽ Õꞌacʉ̃ meꞌrã añurõ nita basio nibopã. Basioticaro niwʉ̃.

Santiago 3:2

Marĩ nipeꞌtirã pejetiri ñaꞌarõ weesaꞌa. Noꞌo niꞌcʉ̃ ne cãꞌrõacã ñaꞌarõ ucũtigʉ, añugʉ̃ waro nimi. Cʉ̃ ñaꞌarõ ucũse ʉserire cãꞌmotaꞌamasĩgʉ̃, cʉ̃ ñaꞌarõ ʉaripejasere cãꞌmotaꞌamasĩmi.