Gálatas 4:4 - Õꞌacʉ̃ Yere Ucũrĩ Turi

⁴ Tojo nimicã, Õꞌacʉ̃ peꞌe cʉ̃ queoca nʉmʉ nicã, queoro aꞌti turipʉre cʉ̃ macʉ̃rẽ oꞌócʉ niwĩ. Cʉ̃ Õꞌacʉ̃ macʉ̃ nimigʉ̃, niꞌcõ numiopʉre bajuacʉ niwĩ. Cʉ̃ judío masʉ̃ nígʉ̃, Moisé dutise doca nicʉ niwĩ.

Tukano

⁴ Tohô niîmikã, Õ'âkɨ̃hɨ pe'e kɨ̃ɨ̂ keóka nɨmɨ niikã́, keoró a'ti nukúkãpɨre kɨ̃ɨ̂ makɨré o'ôo'kɨ niîwĩ. Kɨ̃ɨ̂ Õ'âkɨ̃hɨ makɨ niîmigɨ, ni'kó numiôpɨre bahuákɨ niîwĩ. Kɨ̃ɨ̂ Judeu masɨ niîgɨ, Moisé dutisé doka niîkɨ niîwĩ.

Gálatas 4:4 Iomraidhean Croise

Génesis 3:15

Numio mʉꞌʉrẽ ne ĩꞌasĩꞌrĩtigosamo. Co põꞌrã, co pãrãmerã nituriarã quẽꞌrã mejãrõta weerãsama. Niꞌcãcã meꞌrã aꞌmerĩ ĩꞌatuꞌtinʉꞌcãrãsaꞌa. Mʉꞌʉ, co macʉ̃ ya dʉꞌpodiare cũꞌrĩgʉ̃saꞌa. Cʉ̃ peꞌe mʉꞌʉ dʉpoare ʉꞌtamʉtõgʉ̃sami, ni werecʉ niwĩ.

Génesis 49:10

Judá, mʉꞌʉ dutisere ne niꞌcʉ̃ mʉꞌʉrẽ ẽꞌmasome. Téé nipeꞌtirocjãrãrẽ dutiacjʉ aꞌticãpʉ ninuꞌcũgʉ̃saꞌa. Mʉꞌʉrẽ nipeꞌtise macãrĩcjãrã yʉꞌtirãsama.

Mateus 1:23

Aꞌtiro ni ojaduticʉ niwĩ: Niꞌcõ numio ʉmʉ meꞌrã nitimigõ, nijĩpaco ni, beꞌro põꞌrãtigosamo. Cʉ̃ Emanuel wãmetigʉsami, ni ojanoꞌcaro niwʉ̃. Emanuel “Õꞌacʉ̃ marĩ meꞌrã nimi”, nisĩꞌrĩrõ weecaro niwʉ̃.

Mateus 3:15

Cʉ̃ tojo nicã tʉꞌogʉ, Jesú “Wãmeyeya. Nipeꞌtise Õꞌacʉ̃ marĩrẽ weedutiꞌcaronojõta weeroʉaꞌa. Añucãꞌrõsaꞌa”, nicʉ niwĩ. Cʉ̃ tojo nicã tʉꞌogʉ, Juã “Jaʉ” ni, cʉ̃rẽ wãmeyecʉ niwĩ.

Mateus 5:17

”Aꞌtiro wãcũticãꞌña yʉꞌʉre. ‘Jesú Moisé dutiꞌquere, tojo nicã Õꞌacʉ̃ ye quetire weremʉꞌtãrĩ masã na wereyuꞌquere cõꞌagʉ̃ aꞌtigʉ weepĩ’, niticãꞌña. Tere cõꞌagʉ̃ mejẽta aꞌtiwʉ. Tere queoro weepeꞌogʉ aꞌtigʉ weewʉ.

Marcos 1:15

Aꞌtiro nicʉ niwĩ: —Niꞌcãrõacãrẽ mʉsã todʉporopʉ yoacã coꞌteꞌcʉ etatojami. Cʉ̃ cãꞌrõacã beꞌro wiogʉ sãjãgʉ̃́sami. Tojo weerã mʉsã ñaꞌarõ weesetisere bʉjaweti, duꞌuya. Mʉsã wãcũsere dʉcayuya. Õꞌacʉ̃ masãrẽ yʉꞌrʉogʉsami nisere ẽjõpeoya, ni buꞌecʉ niwĩ.

San Lucas 1:31

Niꞌcãrõacãrẽ mʉꞌʉ nijĩpaco tojagósaꞌa. Niꞌcʉ̃ põꞌrãtigosaꞌa. Cʉ̃rẽ Jesú wãme õꞌoña.

San Lucas 1:35

Õꞌacʉ̃rẽ werecoꞌtegʉ core yʉꞌticʉ niwĩ: —Espíritu Santu mʉꞌʉpʉre dijatagʉsami. Õꞌacʉ̃ ʉꞌmʉsecjʉ̃ cʉ̃ tutuase mʉꞌʉpʉre oꞌmecurua weronojõ dijati, tuubiꞌarosaꞌa. Tojo weegʉ mʉꞌʉ macʉ̃ Õꞌacʉ̃ yagʉ añugʉ̃ waro tojagʉ́sami. Cʉ̃ “Õꞌacʉ̃ macʉ̃ nimi”, ninoꞌgʉ̃sami.

San Lucas 2:7

Topʉre na cãrĩrĩ wiꞌi bocaticãrã niwã. Tojo weerã ecarã na cãrĩrĩ wiꞌipʉ waꞌacãrã niwã. Topʉ co ne waro wĩꞌmagʉ̃ wʉaco niwõ. Cʉ̃rẽ suꞌti caseri meꞌrã oma, ecarã na baꞌari coꞌropʉ cũuco niwõ.

San Lucas 20:44

Davi basuta Õꞌacʉ̃ beseꞌcʉ Cristore “Yʉꞌʉ wiogʉ nimi”, nicʉ niwĩ. Tojo weegʉ cʉ̃ pãrãmi seꞌsaro nirṍnojõ oꞌogʉ, cʉ̃ wiogʉ nicʉ niwĩ, nicʉ niwĩ Jesú.

San Juan 1:14

Õꞌacʉ̃ macʉ̃ Õꞌacʉ̃ nisetisere ĩꞌogʉ̃, aꞌti turipʉre aꞌticʉ niwĩ. Masʉ̃ ẽjãtjĩagʉ̃, ʉ̃sã meꞌrã niwĩ. Masãrẽ maꞌiyʉꞌrʉwĩ. Nipeꞌtise cʉ̃ ucũꞌque, tojo nicã cʉ̃ weeꞌque diacjʉ̃ niwʉ̃. Cʉ̃ Õꞌacʉ̃ weronojõ tutuayʉꞌrʉgʉ, añuyʉꞌrʉgʉ niwĩ. Cʉ̃ tojo weesetisere ĩꞌawʉ̃. Cʉ̃ Õꞌacʉ̃ macʉ̃ niꞌcʉ̃ta nimi. Tojo weegʉ cʉ̃ pacʉ weronojõ nimi.

San Juan 10:36

Õꞌacʉ̃ yʉꞌʉre besetjĩagʉ̃, aꞌti turipʉre oꞌówĩ. Tojo nimicã, “Yʉꞌʉ Õꞌacʉ̃ macʉ̃ niꞌi” níꞌque buꞌiri mʉsã peꞌe yʉꞌʉre “Õꞌacʉ̃rẽ ñaꞌarõ ucũami”, niapʉ. Tojo niweꞌe.

San Juan 3:16

Õꞌacʉ̃ aꞌti nucũcãcjãrãrẽ ʉpʉtʉ maꞌígʉ̃, cʉ̃ macʉ̃ niꞌcʉ̃ nigʉ̃rẽ oꞌócʉ niwĩ. Te meꞌrã nipeꞌtirã cʉ̃ macʉ̃rẽ ẽjõpeorã, pecameꞌepʉ waꞌasome. Na cʉ̃ meꞌrã catinuꞌcũcãꞌrãsama.

San Juan 6:38

Ʉꞌmʉsepʉ níꞌcʉ yʉꞌʉ ʉaro weegʉ aꞌtitiwʉ. Yʉꞌʉre oꞌóꞌcʉ dutiro peꞌere weegʉ aꞌtiwʉ.

San Juan 8:42

Jesú narẽ niwĩ: —Mʉsã diacjʉ̃ta Õꞌacʉ̃ ʉ̃sã pacʉ nimi nírã, yʉꞌʉre ʉabosaꞌa. Yʉꞌʉ cʉ̃ meꞌrã níꞌcʉta aꞌtiwʉ. Yʉꞌʉ ʉaro aꞌtitiwʉ. Õꞌacʉ̃ta yʉꞌʉre oꞌówĩ.

Hechos 1:7

Na sẽrĩtiñaꞌcã tʉꞌogʉ, aꞌtiro yʉꞌticʉ niwĩ: —Õꞌacʉ̃ marĩ pacʉ diaꞌcʉ̃ masĩsami. Cʉ̃ “Tojota waꞌato” nicã, tojota waꞌarosaꞌa. Aꞌte mʉsã ye cjase niweꞌe.

Romanos 1:3

Na ojaꞌque marĩ wiogʉ Jesucristo Õꞌacʉ̃ macʉ̃ ye queti niꞌi. Cʉ̃ aꞌti nucũcãpʉre marĩ weronojõ upʉtigʉ bajuacʉ niwĩ. Masʉ̃ nígʉ̃, dʉporocjʉ̃pʉ wiogʉ Davi pãrãmi nituriagʉpʉ nicʉ niwĩ.

Romanos 15:8

Yʉꞌʉ ucũgʉ̃, “Õꞌacʉ̃ marĩ ñecʉ̃sʉmʉarẽ cʉ̃ ‘Weegʉti’ níꞌquere queoro weegʉ weemi”, nigʉ̃ weeꞌe. Jesucristota judío masãrẽ weetamugʉ̃ aꞌticʉ niwĩ nígʉ̃, tojo niꞌi. Cʉ̃ tojo weese meꞌrã Õꞌacʉ̃ cʉ̃ diacjʉ̃ nisere ĩꞌocʉ niwĩ.

Romanos 5:6

Õꞌacʉ̃ marĩrẽ marĩ basu deꞌro yʉꞌrʉta basioticã ĩꞌacʉ niwĩ. Tojo weegʉ cʉ̃ besecatero ejacã, Jesucristo marĩ ñaꞌarãrẽ wẽrĩbosacʉ niwĩ.

Romanos 8:3

Marĩ ñaꞌarõ weerã́ niyucã, Moisé dutiꞌque deꞌro weepeꞌota basiotipã. Moisé dutiꞌque meꞌrã yʉꞌrʉmasĩweꞌe. Õꞌacʉ̃ peꞌe yʉꞌrʉomasĩmi. Cʉ̃ marĩ ñaꞌarõ weeꞌquere wẽrĩ wapayedutigʉ cʉ̃ macʉ̃rẽ oꞌócʉ niwĩ. Cʉ̃ macʉ̃ marĩ ñaꞌarõ weerã́ upʉtiro weronojõ upʉticʉ niwĩ. Ti upʉ meꞌrã wẽrĩgʉ̃, ñaꞌasere cõꞌawapayepeꞌocãꞌcʉ niwĩ.

Romanos 9:5

Ʉ̃sã ñecʉ̃sʉmʉa Israe curuacjãrã nimʉꞌtãꞌcãrã pãrãmerã nituriarãpʉ niꞌi. Abrahã, Isaa, Jacob, cʉ̃ põꞌrã doce pãrãmerã nituriarãpʉ niꞌi. Jesucristo quẽꞌrã masʉ̃ niyugʉ, ti curuapʉ bajuasirutugʉ, Israe curuacjʉ̃ na acaweregʉ nicʉ niwĩ. Cʉ̃ Õꞌacʉ̃ nimi. Nipeꞌtise yʉꞌrʉoro nimi. Cʉ̃rẽ “Mʉꞌʉ añuyʉꞌrʉagʉ niꞌi” ni, eꞌcatise oꞌonuꞌcũcãꞌrõʉaꞌa. Tojota weeroʉaꞌa.

Efesios 1:10

Aꞌti ʉmʉco peꞌticã, nipeꞌtise Õꞌacʉ̃ “Aꞌtiro waꞌarosaꞌa” níꞌcaronojõta waꞌarosaꞌa. Tojo waꞌacã, cʉ̃ ʉaꞌcaronojõta weegʉsami. Aꞌtiro weegʉsami. Cʉ̃ nipeꞌtirã ʉꞌmʉsepʉ nirã́, aꞌti nucũcãpʉ nirãrẽ Cristore na dʉpoá sõrõgʉ̃sami.

Colosenses 2:14

Õꞌacʉ̃ cʉ̃ dutiꞌquere yʉꞌrʉnʉꞌcãcã, marĩrẽ buꞌiri daꞌrebopĩ. Te marĩ peje ñaꞌase cʉomiꞌquere cʉ̃ macʉ̃ curusapʉ wẽrĩse meꞌrã acobojocʉ niwĩ.

1 Timoteo 2:6

Jesucristo nipeꞌtirã masãrẽ yʉꞌrʉogʉ wẽrĩbosacʉ niwĩ. Marĩ ñaꞌarõ weeꞌque wapare wapayegʉ tojo weecʉ niwĩ. Aꞌte quetire “Tojo waꞌarosaꞌa” nícatero ejacã, werebajurẽnoꞌcaro niwʉ̃.

1 Timoteo 3:16

Diacjʉ̃ta niꞌi. Marĩ ẽjõpeose todʉporo masã masĩtiꞌque niꞌi. Mejõ nise niweꞌe. Añuse waro niꞌi. Aꞌtiro niꞌi: Õꞌacʉ̃ macʉ̃ masʉ̃ weronojõ upʉtigʉ aꞌti nucũcãpʉre bajuacʉ niwĩ. Espíritu Santu cʉ̃rẽ “Añugʉ̃ waro nimi”, ni werebajurẽcʉ niwĩ. Õꞌacʉ̃rẽ werecoꞌterã ʉꞌmʉsepʉ nirã́ cʉ̃rẽ ĩꞌacãrã niwã. Cʉ̃ ye queti aꞌti nucũcãpʉre wereseꞌsanoꞌo. Aꞌti nucũcãpʉre masã cʉ̃rẽ ẽjõpeoma. Beꞌro Õꞌacʉ̃ ʉꞌmʉsepʉ cʉ̃rẽ miacʉ niwĩ.

Hebreos 2:14

Marĩ wẽrĩdijati upʉre cʉoꞌo. Tojo weronojõ Jesú quẽꞌrã marĩ weronojõ upʉticʉ niwĩ. Cʉ̃ marĩ weronojõ upʉtigʉ, wẽrĩcʉ niwĩ. Cʉ̃ wẽrĩse meꞌrã wãtĩ wẽrĩse oꞌogʉre docaqueꞌacã weecʉ niwĩ.

Hebreos 9:10

Te na weesetiꞌque aꞌtiro nicaro niwʉ̃. Sĩꞌrĩse, baꞌase, tojo nicã na Õꞌacʉ̃rẽ ñubuese dʉporo na ñaꞌarõ weeꞌquere coesetise nicaro niwʉ̃. Te dutise buꞌicjase diaꞌcʉ̃ nicaro niwʉ̃. Tojo weese téé Õꞌacʉ̃ tere dʉcayúca beꞌropʉ añucaro niwʉ̃.

1 João 4:14

Õꞌacʉ̃ macʉ̃rẽ ʉ̃sã basuta ĩꞌawʉ̃. Cʉ̃rẽ aꞌti turipʉre marĩ ñaꞌarõ wee nisetimiꞌcãrãrẽ yʉꞌrʉweticã weedutigʉ oꞌócʉ niwĩ. Tojo weerã mʉsãrẽ aꞌtere wereꞌe.

1 João 4:2

Mʉsã na diacjʉ̃ wererãrẽ aꞌtiro ĩꞌabeseya. Na “Jesucristo aꞌti upʉ meꞌrã bajuacʉ nimi”, nisama. Tojo ẽjõpeorã, Espíritu Santure cʉorã nima. Narẽ ẽjõpeoya.