Gálatas 4:21 - Õꞌacʉ̃ Yere Ucũrĩ Turi

²¹ Mʉsã aꞌtiro wãcũmisaꞌa. “Moisé dutisere wéérã, Õꞌacʉ̃ meꞌrã añurõ nicãꞌrãsaꞌa”, nimisaꞌa. Tojo wãcũmirã, Moisé dutisere queoro masĩtisaꞌa. Queoro masĩrã pũrĩcã, mʉsã wãcũrõnojõ wãcũtibopã.

Tukano

²¹ Mɨsâ a'tîro wãkûmisa'. “Moisé dutisére weérã, Õ'âkɨ̃hɨ me'ra ãyuró niîkã'rãsa'”, niîmisa'. Tohô wãkûmirã, Moisé dutisére keoró masîtisa'. Keoró masîrã pũrikã, mɨsâ wãkuró noho wãkûti boopã.

Gálatas 4:21 Iomraidhean Croise

Marcos 10:3

Jesú narẽ yʉꞌticʉ niwĩ: —¿Moisé deꞌro dutipari?

San Lucas 16:29

Abrahã cʉ̃rẽ nicʉ niwĩ: “Na Moisé ojaꞌquere, Õꞌacʉ̃ ye queti weremʉꞌtãrĩ masã ojaꞌquere cʉosama. Tere buꞌe ẽjõpeoato”, nicʉ niwĩ.

San Juan 10:34

Jesú narẽ niwĩ: —Mʉsã dutise waꞌteropʉre Õꞌacʉ̃ níꞌquere aꞌtiro ojanoꞌcaro niwʉ̃: “Mʉsã Õꞌacʉ̃ weronojõ niꞌi.”

San Juan 12:34

Masã tere tʉꞌorã, aꞌtiro niwã: —Õꞌacʉ̃ ye queti ojáca pũrĩpʉ na buꞌeĩꞌocã, aꞌtiro tʉꞌonoꞌwʉ̃: “Õꞌacʉ̃ beseꞌcʉ Cristo catinuꞌcũcʉ̃sami.” ¿Deꞌro weeacjʉ mʉꞌʉ peꞌe tja “Õꞌacʉ̃ macʉ̃ masʉ̃ weronojõ upʉtigʉ ʉꞌmʉarõpʉ tuumorõnʉꞌcõnoꞌgʉ̃sami”, niti? Õꞌacʉ̃ macʉ̃ masʉ̃ weronojõ upʉtigʉ ¿noanojõ niti? ni sẽrĩtiñaꞌwã.

San Juan 15:25

Õꞌacʉ̃ ye queti ojáca pũrĩpʉ nírõnojõta queoro waꞌaro weeꞌe. Aꞌtiro niꞌi: “Buꞌiri moomicã, yʉꞌʉre ĩꞌatuꞌtiwã”, ni ojanoꞌwʉ̃.

Romanos 3:19

Marĩ masĩꞌi, Moisé cʉ̃ dutisere ʉ̃sã judío masãrẽ cũucʉ niwĩ. Ʉ̃sã te dutisere masĩmirã, tere weetirã, buꞌiritirã tojasaꞌa. Cʉ̃ dutise cũuꞌque aꞌtiro niꞌi. Nipeꞌtirã judío masãrẽ, judío masã nitirãrẽ buꞌiritirã nima, ni masĩdutiro tojo niꞌi.

Romanos 6:14

Moisé dutiꞌque doca nírã, tere weetirã, buꞌiri daꞌrenoꞌrãsama. Marĩ cʉ̃ dutise doca niweꞌe. Õꞌacʉ̃ marĩrẽ buꞌiri daꞌreronojõ oꞌogʉ, marĩrẽ maꞌígʉ̃, acobojocʉ niwĩ. Tojo weero ñaꞌarõ weese marĩrẽ deꞌro põtẽomasĩtisaꞌa.

Gálatas 3:10

Ãpẽrã pũrĩcãrẽ Õꞌacʉ̃ buꞌiri daꞌresami. Na aꞌtiro wãcũsama. “Moisé dutiꞌquere wéérã, yʉꞌrʉrãsaꞌa”, nisama. Tojo wãcũmirã, nipeꞌtise tere weepeꞌotisama. Õꞌacʉ̃ ye queti ojáca pũrĩpʉre aꞌtiro niwʉ̃: “Nipeꞌtise Moisé dutiꞌquere weepeꞌotigʉnojõ buꞌiri daꞌrenoꞌgʉ̃sami”, niwʉ̃. Tojo weerã “Moisé dutiꞌque meꞌrã yʉꞌrʉrãsaꞌa”, nimisama. Niweꞌe. Õꞌacʉ̃ narẽ buꞌiri daꞌregʉsami.

Gálatas 4:9

Niꞌcãrõacãrẽ mʉsã Õꞌacʉ̃rẽ masĩꞌi. Cʉ̃ peꞌe mʉsãrẽ masĩmʉꞌtãcʉ niwĩ. Cʉ̃rẽ ẽjõpeoca beꞌro todʉporopʉ mʉsã ẽjõpeoꞌquere duꞌucãꞌcãrã niwʉ̃. Mʉsã ẽjõpeomʉꞌtãꞌque mejõ nise niꞌi. Wapamarĩꞌi. Niꞌcãrõacãrẽ Moisé dutisere wéérã, mʉsã ẽjõpeomʉꞌtãꞌquere ẽjõpeorã weronojõ weerã weesaꞌa. ¿Todʉporopʉ daꞌrawãꞌñacoꞌteꞌcãrã weronojõ nisĩꞌrĩsari tja?