Gálatas 3:19 - Õꞌacʉ̃ Yere Ucũrĩ Turi

¹⁹ To pũrĩcãrẽ ¿deꞌro weegʉ Õꞌacʉ̃ Moisére sõꞌoníꞌque dutisere cũupari? Aꞌtiro niꞌi. Marĩrẽ “Ñaꞌarã niꞌi, buꞌiri cʉoꞌo” ni masĩdutigʉ cũucʉ niwĩ. Õꞌacʉ̃ tere Abrahã pãrãmi nituriagʉ Jesucristo aꞌtiri curapʉ cũutʉocʉ niwĩ. Jesucristo meꞌrã Õꞌacʉ̃ “Aꞌti turicjãrãrẽ añurõ weegʉti” níꞌque queoro waꞌawʉ. Te dutisere Õꞌacʉ̃ cʉ̃rẽ werecoꞌterã ʉꞌmʉsecjãrã meꞌrã Moisére weredutioꞌocʉ niwĩ. Moisé peꞌe quẽꞌrã tere tʉꞌogʉ, wereturiacʉ niwĩ masãpʉre tja.

Tukano

¹⁹ Too pũríkãre de'ró weégɨ Õ'âkɨ̃hɨ Moisére sõ'ó niî'ke dutisére kũûpari? A'tîro niî'. Marîre “Yã'arã́ niî', bu'îri kɨó'” niî masî dutigɨ kũûkɨ niîwĩ. Õ'âkɨ̃hɨ teeré Abraão paramí niî turiagɨ Jesu Cristo a'tirí kurapɨ kũû tɨokɨ niîwĩ. Jesu Cristo me'ra Õ'âkɨ̃hɨ “A'ti nukúkãkãharãre ãyuró weegɨ́ti” niî'ke keoró wa'âwɨ. Teé dutisére Õ'âkɨ̃hɨ kɨ̃ɨ̂re werê ko'terã ɨ'mɨ̂sekãharã me'ra Moisére werê duti o'okɨ niîwĩ. Moisé pe'e kẽ'ra teeré tɨ'ógɨ, werê turiakɨ niîwĩ masapɨ́re taha.

Gálatas 3:19 Iomraidhean Croise

San Lucas 16:31

Abrahã cʉ̃rẽ nicʉ niwĩ: “Moisé cʉ̃ níꞌquere, Õꞌacʉ̃ ye queti weremʉꞌtãrĩ masã na níꞌquere ẽjõpeotirã, wẽrĩꞌcʉpʉ masãa, weregʉ waꞌacã quẽꞌrãrẽ, ẽjõpeotisama”, nicʉ niwĩ.

San Juan 1:17

Õꞌacʉ̃ dutise Moisé meꞌrã oꞌonoꞌcaro niwʉ̃. Jesucristo meꞌrã peꞌe Õꞌacʉ̃ marĩrẽ maꞌisere masĩnoꞌo. Tojo nicã diacjʉ̃ cjasere masĩnoꞌo.

San Juan 15:22

»Yʉꞌʉ aꞌti diꞌtapʉre narẽ weregʉ aꞌtiticãma, buꞌiri moobosama. Na niꞌcãrõacãrẽ buꞌiri cʉoma. “Ʉ̃sã buꞌiri mooꞌo”, nímasĩtisama.

Hechos 7:38

Marĩ ñecʉ̃sʉmʉa na yucʉ marĩrõpʉ nicã, Moisé na meꞌrã nicʉ niwĩ. Topʉ ʉ̃rʉ̃gʉ̃ Sinaí wãmeticjʉpʉ Õꞌacʉ̃rẽ werecoꞌtegʉ bajua, cʉ̃rẽ wereꞌquere narẽ wereturiacʉ niwĩ. Marĩ quẽꞌrã cʉ̃ wereturiaꞌquepʉreta cʉoꞌo. Te tojo ninuꞌcũcãꞌrõsaꞌa. Ne peꞌtisome.

Hechos 7:53

Mʉsãrẽ Õꞌacʉ̃ cʉ̃rẽ werecoꞌterã meꞌrã cʉ̃ dutisere oꞌócʉ niwĩ. Tere oꞌónoꞌcãrã nimirã, mʉsã yʉꞌrʉnʉꞌcãyʉꞌrʉaꞌa, ni tuꞌticʉ niwĩ narẽ Esteba.

Romanos 2:13

Moisé dutisere tʉꞌose meꞌrã diaꞌcʉ̃ Õꞌacʉ̃ “Buꞌiri marĩrã nima”, nitisami. Cʉ̃ dutisere weerã́ peꞌere “Buꞌiri marĩrã nima”, nisami.

Romanos 4:15

Marĩ Õꞌacʉ̃ Moisére dutise cũuꞌquere weepeꞌomasĩtisaꞌa. Tojo weegʉ cʉ̃ dutisere masĩmirã yʉꞌrʉnʉꞌcãcã, marĩrẽ buꞌiri daꞌregʉsami. Te dutise marĩcã pũrĩcãrẽ, te dutisere yʉꞌrʉnʉꞌcãse marĩbopã.

Gálatas 3:16

Õꞌacʉ̃ cʉ̃ Abrahãrẽ níꞌque aꞌte weronojõta niwʉ̃. Aꞌtiro nicʉ niwĩ: “Aꞌti turicjãrãrẽ mʉꞌʉ pãrãmi nituriagʉpʉ meꞌrã añurõ weegʉti”, nicʉ niwĩ. “Mʉꞌʉ pãrãmerã nituriarã pãjãrã meꞌrã añurõ weegʉti”, niticʉ niwĩ. Mejõ “Mʉꞌʉ pãrãmi nituriagʉ niꞌcʉ̃ meꞌrã diaꞌcʉ̃ weegʉti”, nicʉ niwĩ. Tojo nígʉ̃, Jesucristore ucũgʉ̃ weecʉ niwĩ.

Hebreos 2:2

Dʉporopʉre Õꞌacʉ̃ cʉ̃rẽ werecoꞌterã ʉꞌmʉsecjãrãrẽ cʉ̃ ye quetire wereduticʉ niwĩ. “Na wereꞌque diacjʉ̃ niꞌi”, ninoꞌcaro niwʉ̃. Tojo nimicã, masã peꞌe na wereꞌquere ẽjõpeoti, yʉꞌrʉnʉꞌcãcãrã niwã. Õꞌacʉ̃ nipeꞌtirã na dutisere weetirãrẽ queoro buꞌiri daꞌrecʉ niwĩ.

Hebreos 2:5

Aꞌti turi peꞌtíca beꞌro ape turi nirõsaꞌa. Ti turipʉre Õꞌacʉ̃rẽ werecoꞌterã ʉꞌmʉsecjãrã dutise doca nisome.