Gálatas 3:15 - Õꞌacʉ̃ Yere Ucũrĩ Turi

¹⁵ Niꞌcãrõacãrẽ masã na weewʉasenojõrẽ mʉsãrẽ niꞌcã queose oꞌogʉti. Masã “Aꞌtiro weerã́” ni, wiorã tiro papera apoyusama. Beꞌro na tere apóca beꞌro ne niꞌcʉ̃ “Ti pũrĩrẽ cõꞌacãꞌña, aꞌtiro ojanemoña”, nímasĩtisami.

Tukano

¹⁵ Ni'kâroakãre masá naâ wee wɨáse nohore mɨsâre werêgɨti. Masá “A'tîro weerã́” niî, wiôrã tiro papéra apo yuúsama. Be'ró naâ teeré apóka be'ro neê ni'kɨ́ “Tii pũríre kõ'âkã'ya, a'tîro ohâ nemoya”, niî masitisami.

Gálatas 3:15 Iomraidhean Croise

Hechos 1:15

Niꞌcã nʉmʉ Jesure ẽjõpeorã nerẽcãrã niwã ti wiꞌipʉta tja. Ciento veinte waꞌtero nicãrã niwã. Pedro na nerẽrĩ cura wãꞌcãnʉꞌcã, narẽ werecʉ niwĩ. Aꞌtiro nicʉ niwĩ:

Romanos 1:13

Acawererã, mʉsãrẽ aꞌtere masĩcã ʉasaꞌa. Pejetiri mʉsã tiropʉ waꞌasĩꞌrĩmiꞌi. Apesecjãrãmarĩcã judío masã nitirã yʉꞌʉ Jesucristo ye quetire werecã, ẽjõpeowã. Mʉsã ya macãcjãrã quẽꞌrãrẽ Jesucristore ẽjõpeocã ʉasãgʉ̃, weregʉ waꞌasĩꞌrĩsaꞌa. Tojo weesĩꞌrĩmicã, basioweꞌe yujupʉ.

Romanos 3:5

Tere tʉꞌorã, ãpẽrã aꞌtiro nimaꞌasama. “Ʉ̃sã ñaꞌarõ weecã, Õꞌacʉ̃ añurõ weesere nemorõ ĩꞌonoꞌrõsaꞌa.” ¿To pũrĩcãrẽ “Õꞌacʉ̃ ʉ̃sã ñaꞌarõ weesere buꞌiri daꞌregʉ, queoro weetimi”, nirã weesari?

Romanos 6:19

Mʉsãrẽ tʉꞌomasĩcã ʉagʉ, masã na ucũwʉasenojõ meꞌrã wereꞌe. Mʉsã todʉporopʉre ñaꞌasere mʉsã upʉre wiapecãrã niwʉ̃. Siape meꞌrã ñaꞌarõ weedojacãrã niwʉ̃. Niꞌcãrõacã peꞌere añusere wiarã, Õꞌacʉ̃rẽ mʉsã upʉre wiaya. Cʉ̃ meꞌrã nibutiarã, siape meꞌrã cʉ̃ ʉaro diaꞌcʉ̃rẽ weeya.

1 Corintios 15:32

Yʉꞌʉ Jesucristo ye quetire werese buꞌiri Éfesocjãrã yʉꞌʉre waꞌicʉrã yaiwa weronojõ ñaꞌarõ weewã. “Wẽrĩꞌcãrã masãsome” nicã, mejõ waro na weesere piꞌetibopã. “Wẽrĩꞌcãrã masãsome” nise diacjʉ̃ nicãma, marĩ quẽꞌrã ãpẽrã ucũwʉaronojõ ucũbosaꞌa. Aꞌtiro nibosaꞌa: “Teꞌa baꞌarã, teꞌa sĩꞌrĩrã. Maata wẽrĩdojarãsaꞌa. Marĩ wẽrĩati dʉporo weeweꞌorã”, nibosaꞌa.

Gálatas 6:18

Marĩ wiogʉ Jesucristo mʉsã nipeꞌtirãrẽ añurõ weeato. Mʉsãrẽ yʉꞌʉ acawererãrẽ weronojõ maꞌiꞌi. Tocãꞌrõta ojaꞌa. Pablo

Hebreos 6:13

Masã “Diacjʉ̃ta niꞌi” nírã, na yʉꞌrʉoro nigʉ̃́ meꞌrã wãmepeorã weesama. Na tojo ni wãmepeocã, narẽ “Tojo niweꞌe”, nita basiotisaꞌa. Õꞌacʉ̃ pũrĩcã Abrahãrẽ “Mʉꞌʉrẽ añurõ weegʉti” nígʉ̃, apĩ wãme meꞌrã wãmepeoticʉ niwĩ. Ne niꞌcʉ̃ Õꞌacʉ̃ nemorõ niyʉꞌrʉnʉꞌcãgʉ̃ marĩmi. Tojo weegʉ “Aꞌtiro weegʉti” nígʉ̃, cʉ̃ basu wãmepeocʉ niwĩ. Aꞌtiro nicʉ niwĩ: “Diacjʉ̃ta niꞌi. Mʉꞌʉrẽ añubutiaro weegʉti. Mʉꞌʉ pãrãmerã pãjãrã nituriarãsama”, nicʉ niwĩ. Abrahã cʉ̃ tojo níꞌquere sojaticʉ niwĩ. Tojo weegʉ Õꞌacʉ̃ cʉ̃rẽ “Tojo weegʉti” níꞌquere ñeꞌecʉ niwĩ.

Hebreos 9:17

Cʉ̃ wẽrĩse dʉporo cʉ̃ “Oꞌogʉti” níꞌquere ñeꞌemasĩtisami. Cʉ̃ wẽ́rĩ́ca beꞌropʉ diaꞌcʉ̃ ñeꞌemasĩsami.