Gálatas 1:23 - Õꞌacʉ̃ Yere Ucũrĩ Turi

²³ Yé quetipʉ diaꞌcʉ̃rẽ tʉꞌocãrã niwã. “Sõꞌonícatero marĩrẽ ñaꞌarõ weesĩꞌrĩgʉ̃ sirutuꞌcʉ niꞌcãrõacãrẽ ‘Jesucristore ẽjõpeoya’, nicusiagʉta weeapʉba. Todʉporopʉre Jesucristore ẽjõpeosere peꞌocãꞌsĩꞌrĩmiꞌcʉta niapʉba”, ni ucjacãrã niwã.

Tukano

²³ Yee kití di'akɨ̃re tɨ'ókãrã niîwã. “Sõ'ó niîka tero marîre yã'âro weé sĩ'rigɨ siru tuú'kɨ ni'kâroakãre ‘Jesu Cristore ẽho peóya’, niî kusiagɨta weeápɨ'. Too dɨpóropɨre Jesu Cristore ẽho peósere pe'ókã' sĩ'rimi'kɨta niiápɨ'”, niî uukahákãrã niîwã.

Gálatas 1:23 Iomraidhean Croise

Hechos 19:13

Titareta ãpẽrã masã wãtĩa cõꞌawĩrõ sijari masã Éfesopʉre etacãrã niwã. Na siete nicãrã niwã. Esceva wãmetigʉ põꞌrã niꞌcʉ̃ põꞌrãta nicãrã niwã. Cʉ̃ niꞌcʉ̃ judío masã paꞌia wiogʉ nicʉ niwĩ. Na Jesure ẽjõpeotimirã, Pablo weronojõ na quẽꞌrã Jesú wãmerẽ pisurã, wãtĩarẽ cõꞌawĩrõsĩꞌrĩmicãrã niwã. Tojo weerã wãtĩa sãjãnoꞌcãrãrẽ cõꞌawĩrõrãtirã aꞌtiro nicãrã niwã: —Wãtĩa mʉsã masãpʉre nirãrẽ wijaadutiꞌi Jesú, Pablo weresijagʉ wãme meꞌrã.

Hechos 6:7

To beꞌro nipeꞌtiropʉ Jesú ye queti seꞌsa waꞌacaro niwʉ̃. Pãjãrã Jerusalẽ́cjãrã cʉ̃rẽ ẽjõpeonemocãrã niwã. Paꞌia quẽꞌrã pãjãrã ẽjõpeocãrã niwã.

Hechos 9:13

Cʉ̃ tojo nicã tʉꞌogʉ, “Yʉꞌʉ wiogʉ, pãjãrã masã quetiwereama cʉ̃ Jerusalẽ́pʉ nígʉ̃ mʉꞌʉrẽ ẽjõpeorãrẽ ñaꞌarõ weeꞌquere.

Hechos 9:20

Damascopʉ nígʉ̃, maata judío masã nerẽse wiꞌseripʉ Jesucristo Õꞌacʉ̃ macʉ̃ nimi nisere werecusiagʉ waꞌacʉ niwĩ.

Hechos 9:21

Cʉ̃ tojo nicã tʉꞌorã, nipeꞌtirã tʉꞌomarĩa waꞌacãrã niwã. Aꞌtiro nicãrã niwã: —Ãꞌrĩ Jerusalẽ́pʉ nígʉ̃, Jesure ẽjõpeorãrẽ ñaꞌarõ weesetiꞌcʉta nimiba. Aꞌti macãpʉ quẽꞌrãrẽ Jesure ẽjõpeorãrẽ ñeꞌegʉ̃ aꞌtigʉ weeapʉ Jerusalẽ́pʉ narẽ mia, paꞌia wiorãpʉre buꞌiri daꞌredutiacjʉ, nicãrã niwã.

Hechos 9:26

Beꞌro Saulo Damascopʉ níꞌcʉ Jerusalẽ́pʉ dajatojaa waꞌacʉ niwĩ. Topʉre etagʉ, ãpẽrã Jesure ẽjõpeorã meꞌrã baꞌpatisĩꞌrĩcʉ nimiwĩ. Na peꞌe cʉ̃rẽ ui nicãrã niwã. —Cʉ̃ quẽꞌrã Jesure ẽjõpeogʉta nisami, ni ẽjõpeoticãrã niwã.

Gálatas 6:10

Tojo weerã nipeꞌtirãrẽ marĩ põtẽorõ añurõ weerã. Jesucristore ẽjõpeorã peꞌere añurõ weeyʉꞌrʉnʉꞌcãrã.