Gálatas 1:10 - Õꞌacʉ̃ Yere Ucũrĩ Turi

¹⁰ Yʉꞌʉ aꞌtere weregʉ, masã yʉꞌʉre “Añubutiaro weremeꞌrĩmi” niato nígʉ̃ mejẽta wereꞌe. Õꞌacʉ̃ peꞌere “Queoro buꞌemi” nidutigʉ wereꞌe. Yʉꞌʉ todʉporopʉre “Masã yʉꞌʉ meꞌrã eꞌcatiato”, ninuꞌcũwʉ̃. Tojo ninuꞌcũgʉ̃ pũrĩcã, Jesucristo ʉaro weetibosaꞌa. Cʉ̃rẽ daꞌracoꞌtegʉ mejẽta nibosaꞌa.

Tukano

¹⁰ Yɨ'ɨ̂ a'teré werêgɨ, masá yɨ'ɨ̂re “Ãyú butia'ro werê me'rimi” niiáto niîgɨ meheta werê'. Õ'âkɨ̃hɨ pe'ere “Keoró bu'êmi” niî dutigɨ werê'. Yɨ'ɨ̂ too dɨpóropɨre “Masá yɨ'ɨ̂ me'ra e'katiáto”, niî nu'kuwɨ. Tohô niî nu'kugɨ pũrikã, Jesu Cristo ɨaró weetí boosa'. Kɨ̃ɨ̂re da'rá ko'tegɨ meheta niî boosa'.

Gálatas 1:10 Iomraidhean Croise

Mateus 22:16

Tojo weerã na buꞌesere siruturãrẽ, tojo nicã ãpẽrã Herode ya curuacjãrã meꞌrã Jesú tiropʉ oꞌócãrã niwã. Na cʉ̃ tiropʉ etarã, niwã: —Masãrẽ buꞌegʉ, ʉ̃sã mʉꞌʉ nisetisere masĩꞌi. Mʉꞌʉ diacjʉ̃ ucũꞌu. Masã yʉꞌʉre ¿deꞌro wãcũrãsari? nirṍ marĩrõ diacjʉ̃ ucũꞌu. Õꞌacʉ̃ yere diacjʉ̃ wereꞌe. Ãpẽrã wiorã nima nirṍ marĩrõ nipeꞌtirãrẽ niꞌcãrõnojõ ĩꞌaꞌa.

Mateus 28:14

Apeye quẽꞌrãrẽ ninemocãrã niwã: —Pilato Judea diꞌta wiogʉ aꞌtere masĩcã, ʉ̃sã “Diacjʉ̃ta tojo waꞌacaro niapʉ”, nitamurãti. Ʉ̃sã tojo nicã, mʉsãrẽ suꞌrisome. Mʉsãrẽ buꞌiri daꞌresome, nicãrã niwã.

Mateus 6:24

”Niꞌcʉ̃ ãpẽrãrẽ daꞌracoꞌtegʉ pʉarã dutisere weemasĩtisami. Niꞌcʉ̃rẽ maꞌígʉ̃, apĩrẽ maꞌitisami. Tojo nicã niꞌcʉ̃ dutisere yʉꞌtigʉ, apĩ dutise peꞌere yʉꞌtitisami. Ãꞌrã weronojõ niyeru, aꞌti nucũcã cjasere maꞌírã, Õꞌacʉ̃ peꞌere maꞌimasĩtisaꞌa.

Hechos 12:20

Herode ʉpʉtʉ uacʉ niwĩ Tiro, Sidṍ wãmetise macãrĩcjãrã meꞌrã. Herode ya diꞌta cjase nicaro niwʉ̃ te macãrĩcjãrã na baꞌase peꞌe. Cʉ̃ na meꞌrã uagʉ, tocjãrãrẽ ne baꞌase duadutiticʉ niwĩ. Tojo weerã baꞌase apaturi duato tja nírã, tere Herode tiropʉ aporã waꞌacãrã niwã. Herode meꞌrã daꞌragʉ Blasto wãmetigʉre ucũmʉꞌtãcãrã niwã. —Ʉ̃sãrẽ ucũbosagʉ waꞌaya Herode tiropʉ, nicãrã niwã. Cʉ̃ narẽ weetamusĩꞌrĩgʉ̃, “Jaʉ”, nicʉ niwĩ.

Hechos 5:29

Tojo nicãta, Pedro, ãpẽrã cʉ̃ meꞌrãcjãrã cʉ̃rẽ yʉꞌticãrã niwã: —Wiorã dutise yʉꞌrʉoro Õꞌacʉ̃ ye peꞌere nemorõ weeroʉaꞌa. Ʉ̃sã mʉsã dutiro wéérã, Õꞌacʉ̃ dutiro peꞌere weetibosaꞌa.

Romanos 1:1

Yʉꞌʉ Pablo mʉsã Roma wãmetiri macãcjãrã Jesucristore ẽjõpeorãrẽ ojaꞌa. Jesucristo dutiro weewãꞌñacoꞌtegʉ niꞌi. Cʉ̃ yʉꞌʉre Õꞌacʉ̃ masãrẽ yʉꞌrʉose quetire weredutigʉ besecṹúwĩ.

Romanos 2:29

Moisé dutisere yʉꞌtigʉ mejẽta Õꞌacʉ̃ yagʉ nimi. Espíritu Santure wãcũse dʉcayunoꞌcʉ peꞌe judío masʉ̃ waro nimi. Cʉ̃́ta Õꞌacʉ̃ yagʉ nimi. Cʉ̃rẽ Õꞌacʉ̃ “Añugʉ̃ nimi” ni ĩꞌasami. Masã mejẽta tojo ĩꞌasama.

Romanos 2:8

Ãpẽrã peꞌe Õꞌacʉ̃rẽ yʉꞌrʉnʉꞌcãrã, na ʉaro weesetisama. Diacjʉ̃ cjasere ʉatirã, ñaꞌase peꞌere weesirutusama. Õꞌacʉ̃ ua, narẽ ʉpʉtʉ buꞌiri daꞌregʉsami.

1 Corintios 10:33

Yʉꞌʉ weronojõ weeya. Nipeꞌtise yʉꞌʉ weese meꞌrã Õꞌacʉ̃ yarãrẽ añurõ weesĩꞌrĩꞌi. Nipeꞌtirã Jesucristore ẽjõpeocã ʉasãgʉ̃ na tʉꞌsasere weenuꞌcũsĩꞌrĩꞌi. Yé peꞌere añurõ weesĩꞌrĩweꞌe. Ãpẽrã ye peꞌere na yʉꞌrʉcã ʉasãgʉ̃ wãcũnʉrʉ̃ꞌʉ.

2 Corintios 12:19

Apetero weerã mʉsã ʉ̃sãrẽ “Añurõ wãcũdutirã weema”, nisaꞌa. Tojo niweꞌe. Aꞌtiro peꞌe niꞌi. Ʉ̃sã Õꞌacʉ̃ ĩꞌorõpʉre Cristo dutiro meꞌrã ucũꞌu. Yʉꞌʉ mairã yʉꞌʉ acawererã, mʉsãrẽ Õꞌacʉ̃rẽ nemorõ ẽjõpeonemodutigʉ tojo weeꞌe.

Efesios 6:6

Na ĩꞌorõpʉre añurõ daꞌraya. Na ĩꞌatiropʉ quẽꞌrãrẽ mejãrõta weeya. Mʉsã wiorã ĩꞌorõpʉ diaꞌcʉ̃ añurõ daꞌrarã, nisoorã weebosaꞌa. Mʉsã wiorã “Añurõ daꞌrami”, ni wãcũdutirã weebosaꞌa. Tojo weeticãꞌña. Jesucristore daꞌracoꞌterã weronojõ Õꞌacʉ̃ ʉaronojõ añurõ tʉꞌsase meꞌrã daꞌraya.

Filipenses 1:1

Yʉꞌʉ Pablo, tojo nicã Timoteo Jesucristore daꞌracoꞌterã niꞌi. Ʉ̃sã nipeꞌtirã mʉsãrẽ Jesucristore ẽjõpeorã Filipopʉ nirãrẽ ojaꞌa. Tojo nicã Jesucristore ẽjõpeori curuacjãrã sʉꞌori wejepeorã quẽꞌrãrẽ ojaꞌa. Narẽ weetamucoꞌterã quẽꞌrãrẽ ojaꞌa.

Colosenses 3:22

Daꞌracoꞌteri masã, nipeꞌtise mʉsã wiorã aꞌti nucũcãcjãrã na dutisere yʉꞌtiya. Na ĩꞌorõpʉre, na ĩꞌatiropʉre añurõ daꞌraya. Mʉsã wiorã ĩꞌorõpʉ diaꞌcʉ̃ añurõ daꞌrarã, mʉsã wiogʉ “Añurõ daꞌrama” ni wãcũato, nirã weebosaꞌa. Mʉsã tojo weeticãꞌña. Õꞌacʉ̃rẽ añurõ ẽjõpeotjĩarã, weesooro marĩrõ daꞌraya.

1 Tesalonicenses 2:4

Õꞌacʉ̃ peꞌe ĩꞌabesetojagʉpʉ cʉ̃ ye queti weresere cũugʉ̃tigʉ ʉ̃sãrẽ besecʉ niwĩ. Masã ʉ̃sã meꞌrã eꞌcatiato nírã mejẽta cʉ̃ ye quetire werewʉ. Õꞌacʉ̃ peꞌere eꞌcatidutirã werewʉ. Õꞌacʉ̃ nimi nipeꞌtise marĩ wãcũsere masĩgʉ̃.

Santiago 4:4

Tojo weerã mʉsã niꞌcõ numio marãpʉtigo nimigõta, apĩrẽ tʉꞌsago weronojõ niꞌi. Mʉsã Õꞌacʉ̃ põꞌrã nimirãta, aꞌti diꞌta cjasere wãcũyʉꞌrʉnʉꞌcãsaꞌa. Tojo weerã Õꞌacʉ̃rẽ yabirã weronojõ niꞌi. Noꞌo aꞌti diꞌta cjasere ʉaripejayʉꞌrʉnʉꞌcãgʉ̃nojõ Õꞌacʉ̃ meꞌrã aꞌpepũrĩgʉ̃ weesami.

1 João 3:9

Õꞌacʉ̃ cʉ̃ põꞌrãrẽ cʉ̃ weronojõ niseticã weecʉ niwĩ. Tojo weerã Õꞌacʉ̃ põꞌrã ñaꞌasere weenuꞌcũtima.