Filemón 1:19 - Õꞌacʉ̃ Yere Ucũrĩ Turi

¹⁹ Yʉꞌʉ basuta aꞌtere ojaꞌa. Wapayegʉti. Tojo nimigʉ̃, mʉꞌʉrẽ aꞌtiro nímasĩsaꞌa. Yʉꞌʉ Jesucristo ye quetire mʉꞌʉrẽ ẽjõpeocã weewʉ. Tojo weeꞌque wapa mʉꞌʉ yʉꞌʉre wapamooꞌo.

Tukano

¹⁹ Yɨ'ɨ̂ basita a'teré ohâ'. Wapa yeégɨti. Tohô niîmigɨ, mɨ'ɨ̂re a'tîro niî masisa'. Yɨ'ɨ̂ Jesu Cristo yee kitire mɨ'ɨ̂re ẽho peókã weewɨ́. Tohô weé'ke wapa mɨ'ɨ̂ yɨ'ɨ̂re wapa moó'.

Filemón 1:19 Iomraidhean Croise

Génesis 43:9

Yʉꞌʉ basu cʉ̃rẽ coꞌtegʉti. Cʉ̃ mʉꞌʉ macʉ̃rẽ mejẽcã waꞌacãma, aꞌtopʉ cʉ̃ dajaticã, yʉꞌʉre “Mʉꞌʉ buꞌiritiꞌi” niapa. Téé yʉꞌʉ catiro põtẽorõ tojo buꞌiritigʉsaꞌa.

Romanos 16:22

Yʉꞌʉ aꞌti pũrĩrẽ Pablore ojabosagʉ, Tercio wãmetiꞌi. Yʉꞌʉ Jesucristore ẽjõpeogʉ mʉsãrẽ añudutiꞌi.

1 Corintios 4:15

Mʉsã pãjãrã diez mil Cristo ye quetire buꞌerã cʉorã, cʉomasĩꞌi. Tojo pãjãrã cʉota basiomicã, niꞌcʉ̃ta nisami mʉsãrẽ weremʉꞌtãꞌcʉ. Te Jesucristo masãrẽ yʉꞌrʉogʉ aꞌticʉ niwĩ nise quetire yʉꞌʉta weremʉꞌtãwʉ̃. Mʉsã te quetire tʉꞌorã, cʉ̃rẽ ẽjõpeonʉꞌcãwʉ̃. Tojo weegʉ yʉꞌʉ mʉsã pacʉ weronojõ niꞌi. Mʉsã quẽꞌrã yʉꞌʉ põꞌrã weronojõ niꞌi.

2 Corintios 10:1

Yʉꞌʉ Pablo mʉsãrẽ apeyenojõ weregʉti. Cristo tuꞌtiro marĩrõ cʉ̃ añurõ pajañaꞌse meꞌrã ucũrõnojõta mʉsãrẽ ojasĩꞌrĩsaꞌa. Ãpẽrã yʉꞌʉre aꞌtiro nisama: “Cʉ̃ marĩ tiropʉ tutuatigʉ, pajasecʉogʉ weronojõ ucũmeꞌrĩcãꞌmi”, nisama. “Yoaropʉ papera oꞌógʉ peꞌe, tutuaro meꞌrã ojaoꞌomi”, nisama.

2 Corintios 3:2

Mʉsã Jesucristore ẽjõpeoꞌo. Tojo weese meꞌrã ʉ̃sã mʉsãrẽ queoro buꞌeꞌquere ĩꞌoꞌo. Tojo weerã ãpẽrã ojabosaca pũrĩrẽ ʉaweꞌe. Ʉ̃sã mʉsãrẽ “Ti pũrĩ weronojõ nima”, ni ejeripõꞌrãtiꞌi. Aꞌtiro niꞌi. Nipeꞌtirã mʉsãrẽ ĩꞌarã, masĩsama. “Na narẽ diacjʉ̃ta werepã”, nisama.

2 Corintios 9:4

Apetero yʉꞌʉ mʉsã tiropʉ waꞌacã, Macedoniacjãrã yʉꞌʉ meꞌrã waꞌabosama. Ʉ̃sã topʉ etacã, mʉsã neoyuticã, yʉꞌʉ ʉpʉtʉ bopoyasãbosaꞌa. Yʉꞌʉ “Na neonʉꞌcãtojawã” níꞌque ye buꞌiri tojo weebosaꞌa. Mʉsã quẽꞌrã mejãrõta bopoyabosaꞌa.

Gálatas 5:2

Tʉꞌoñaꞌrẽ mʉsã. Yʉꞌʉ mʉsãrẽ weregʉti. Mʉsã “Õꞌrẽcjʉ yapa caserore yejecõꞌase meꞌrã Õꞌacʉ̃ ʉ̃sãrẽ yʉꞌrʉogʉsami”, niticãꞌña. Mʉsã tojo nicã, mʉsãrẽ Jesucristo wẽrĩbosaꞌque ne wapamarĩrõsaꞌa.

Gálatas 6:11

Mʉsãrẽ añurõ ĩꞌadutigʉ pacase ojagʉti. Aꞌte nitʉose daripʉre yʉꞌʉ basuta ojaꞌa.

1 Timoteo 1:2

Timoteo, mʉꞌʉrẽ ojaꞌa. Mʉꞌʉ Jesucristore ẽjõpeoyucã, yʉꞌʉ macʉ̃ waro weronojõ niꞌi. Õꞌacʉ̃ marĩ pacʉ, tojo nicã Jesucristo marĩ wiogʉ mʉꞌʉrẽ añurõ weeato. Pajañaꞌto. Mʉꞌʉrẽ ejerisãjãcã weeato.

Tito 1:4

Tito, mʉꞌʉ yʉꞌʉ macʉ̃ weronojõ niꞌi. Marĩ niꞌcãrõnojõ ẽjõpeose cʉoꞌo. Mʉꞌʉrẽ aꞌti pũrĩrẽ ojaꞌa. Õꞌacʉ̃ marĩ pacʉ, tojo nicã Jesucristo marĩ ñaꞌarõ weeꞌquere yʉꞌrʉogʉ añurõ weeato mʉꞌʉrẽ. Pajañaꞌto. Mʉꞌʉrẽ ejerisãjãcã weeato.

Filemón 1:18

Cʉ̃ apeyenojõ dojorẽcãma, o wapamoocã, yʉꞌʉre tere wapaseeya.