Éxodo 7:3 - Õꞌacʉ̃ Yere Ucũrĩ Turi

^3-4 Yʉꞌʉ peꞌe cʉ̃rẽ mʉsãrẽ yʉꞌrʉnʉꞌcãcã weegʉti. Peje apeyenojõ ĩꞌa ʉcʉasenojõrẽ Egiptopʉre weeĩꞌomicã, faraṍ mʉsã sẽrĩsere yʉꞌtisome. Egiptopʉre yʉꞌʉ tutuasere ĩꞌogʉ̃ti. Queoro narẽ buꞌiri daꞌregʉ, to Egiptopʉ nirã́ yarã masãrẽ wijacã weegʉti.

Éxodo 7:3 Iomraidhean Croise

Éxodo 11:10

Moisé, Aarṍ meꞌrã Õꞌacʉ̃ níꞌcaronojõta faraṍrẽ peje weeĩꞌonemocãrã niwã. Õꞌacʉ̃ peꞌe faraṍrẽ narẽ yʉꞌrʉnʉꞌcãcã weecʉ niwĩ. Tojo weegʉ faraṍ Israe curuacjãrãrẽ duꞌuoꞌoticʉ niwĩ.

Éxodo 11:9

Beꞌro Õꞌacʉ̃ Moisére nicʉ niwĩ: —Faraṍ mʉsã sẽrĩsere yʉꞌtisome. Cʉ̃ oꞌóticãma, yʉꞌʉ tutuasere weeĩꞌonemonoꞌrõsaꞌa Egipto diꞌtapʉre, nicʉ niwĩ Õꞌacʉ̃.

Éxodo 14:4

Faraṍrẽ yʉꞌʉre yʉꞌrʉnʉꞌcãcã weegʉti. Tojo weegʉ Israe curuacjãrãrẽ ñeꞌesĩꞌrĩgʉ̃, sirutugʉsami. Cʉ̃ tojo weecã, yʉꞌʉ peꞌe cʉ̃rẽ, cʉ̃ yarã surarare docaqueꞌacã weegʉ, yʉꞌʉ tutuasere ĩꞌogʉ̃ti. Nipeꞌtirã Egiptocjãrã tojo waꞌacã ĩꞌarã, ‘Yʉꞌʉ wiogʉ niꞌi’ nisere masĩrãsama”, nicʉ niwĩ Õꞌacʉ̃. Israe curuacjãrã cʉ̃ tojo dutiꞌcaronojõta weecãrã niwã.

Éxodo 3:20

Tojo weegʉ yʉꞌʉ tutuasere ĩꞌogʉ̃, peje ĩꞌa ʉcʉase meꞌrã Egiptocjãrãrẽ buꞌiri daꞌregʉti. Tojo wééca beꞌro faraṍ mʉsãrẽ duꞌuwĩrõgʉ̃sami.

Éxodo 4:21

Beꞌro Õꞌacʉ̃ Moisére aꞌtiro nicʉ niwĩ: —Yʉꞌʉ mʉꞌʉrẽ peje ĩꞌa ʉcʉasere weeĩꞌomasĩcã weeapʉ. Tojo weegʉ mʉꞌʉ Egiptopʉre etagʉ, faraṍ ĩꞌorõpʉ te pejere weeĩꞌoña. Yʉꞌʉ peꞌe faraṍrẽ mʉsãrẽ yʉꞌrʉnʉꞌcãcã weegʉti. Tojo weegʉ Israe curuacjãrãrẽ duꞌuwĩrõsome.

Éxodo 4:29

Tuꞌajanʉꞌcõ, na pʉarãpʉta Israe curuacjãrã wiorãrẽ neocũurã waꞌacãrã niwã.

Éxodo 4:7

Tere ĩꞌagʉ̃, Õꞌacʉ̃ nicʉ niwĩ: —Apaturi mʉꞌʉ ya omocãrẽ mʉꞌʉ ya suꞌtiro doca cutiro tiropʉ sĩosõrõña tja. Õꞌacʉ̃ dutironojõta Moisé weecʉ niwĩ. Cʉ̃ ya omocãrẽ miiwĩrõcãta, nipeꞌtiro cʉ̃ upʉ weronojõ añurĩ omocã tojacaro niwʉ̃.

Éxodo 7:13

Tojo waꞌamicã, faraṍ peꞌe Õꞌacʉ̃rẽ yʉꞌrʉnʉꞌcãcʉ niwĩ. Õꞌacʉ̃ “Tojo waꞌarosaꞌa” níꞌcaronojõta ne yʉꞌtiticʉ niwĩ.

Éxodo 9:16

Mʉꞌʉrẽ yʉꞌʉ tutuasere ĩꞌato nígʉ̃, wẽjẽtiwʉ. Tojo nicã masã nipeꞌtise diꞌtacjãrã yʉꞌʉre masĩato nígʉ̃, tojo weewʉ.

San Juan 4:48

Jesú cʉ̃rẽ niwĩ: —Mʉsã yʉꞌʉ weeĩꞌoticãma, ẽjõpeoweꞌe.

Hechos 2:22

Apeye narẽ Pedro aꞌtiro werenemocʉ niwĩ: —Mʉsã añurõ tʉꞌoya yʉꞌʉ ucũsere. Õꞌacʉ̃ marĩ pacʉ, Jesú Nazarecjʉ̃rẽ oꞌócʉ niwĩ. Cʉ̃ meꞌrã cʉ̃ tutuasere ĩꞌocʉ niwĩ marĩrẽ. Aꞌtere marĩ tiropʉre weeĩꞌowĩ. Tojo weerã cʉ̃ tojo weeꞌquere ĩꞌatjĩarã, marĩ masĩꞌi Jesucristo Õꞌacʉ̃ oꞌóꞌcʉta nicʉ niwĩ nisere. Dʉporopʉ marĩ pacʉ Õꞌacʉ̃ “Yʉꞌʉ macʉ̃rẽ masã ñaꞌarã wẽjẽrãsama”, ni masĩtojacʉ niwĩ. Tojo waꞌatjere masĩgʉ̃, “Tojota waꞌarosaꞌa”, nicʉ niwĩ. Cʉ̃rẽ, marĩ pacʉ oꞌóꞌcʉ nimicã, mʉsã ñaꞌarãrẽ curusapʉ paabiꞌpe wẽjẽdutiwʉ.

Hechos 7:36

Cʉ̃ Egiptopʉ nígʉ̃, pajiri maa Aco sõꞌarĩ maapʉ nígʉ̃, Õꞌacʉ̃ tutuaro meꞌrã peje weeĩꞌocʉ niwĩ. Tojo weegʉ cʉ̃ acawererã Egiptopʉ níꞌcãrãrẽ apeye diꞌtapʉ sʉꞌori miiwijacʉ niwĩ. Cuarenta cʉ̃ꞌmarĩ yucʉ marĩrõ, masã marĩrõpʉ na waꞌacã, Õꞌacʉ̃ tutuaro meꞌrã weeĩꞌonuꞌcũcãꞌcʉ niwĩ.

Romanos 15:19

Apeye quẽꞌrãrẽ Õꞌacʉ̃ tutuaro meꞌrã weesere weeĩꞌowʉ̃. Tojo nicã Espíritu Santu tutuase meꞌrã buꞌewʉ. Aꞌtere wéégʉ, Jerusalẽ́ meꞌrã werenʉꞌcãwʉ̃. Téé Ilírico wãmetiropʉ Jesucristo masãrẽ yʉꞌrʉose quetire weretʉogʉ ejawʉ.

Romanos 9:18

Tojo weegʉ Õꞌacʉ̃ noꞌo cʉ̃ pajañaꞌsĩꞌrĩrãrẽ pajañaꞌsami. Noꞌo ejeripõꞌrã bʉtirãrẽ ejeripõꞌrã bʉticã weesami. Na ʉaro nemorõ ñaꞌarõ weeato nígʉ̃ tojo weesami.