Éxodo 4:1 - Õꞌacʉ̃ Yere Ucũrĩ Turi

¹ Moisé Õꞌacʉ̃rẽ yʉꞌticʉ niwĩ: —Na yʉꞌʉ tojo nisere ẽjõpeosome. Tojo nicã yʉꞌʉ dutisere yʉꞌtisome. Yʉꞌtironojõ oꞌorã, aꞌtiro peꞌe nirãsama: “Õꞌacʉ̃ mʉꞌʉrẽ bajuatiapĩ”, nirãsama, nicʉ niwĩ Moisé.

Éxodo 4:1 Iomraidhean Croise

Éxodo 2:14

Cʉ̃ peꞌe yʉꞌticʉ niwĩ: —¿Noa mʉꞌʉrẽ ʉ̃sãrẽ beseacjʉ, wiogʉ sõrõati? ¿Mʉꞌʉ Egiptocjʉ̃rẽ wẽjẽꞌcaro weronojõ yʉꞌʉre wẽjẽsĩꞌrĩsari? nicʉ niwĩ. Tere tʉꞌogʉ, Moisé pũrõ uicʉ niwĩ. “¡Acoe! Yʉꞌʉ Egiptocjʉ̃rẽ wẽjẽꞌquere masĩtojapã”, nicʉ niwĩ.

Éxodo 3:15

Apeye Õꞌacʉ̃ Moisére nicʉ niwĩ tja: —Israe curuacjãrãrẽ aꞌtiro ni wereya: “Õꞌacʉ̃, mʉsã ñecʉ̃sʉmʉa Abrahã, Isaa, Jacob wiogʉta mʉsã tiropʉ yʉꞌʉre oꞌoámi”, ni wereya. Aꞌte yʉꞌʉ wãme ninuꞌcũcãꞌrõsaꞌa. Nipeꞌtirã beꞌrocjãrãpʉ aꞌti wãmerẽ yʉꞌʉre pisunuꞌcũcãꞌrãsama.

Éxodo 3:16

Egiptopʉ waꞌa weetjĩagʉ̃, Israe curuacjãrã wiorãrẽ neocũu, aꞌtiro niña: “Õꞌacʉ̃, mʉsã ñecʉ̃sʉmʉa Abrahã, Isaa, Jacob wiogʉ, yʉꞌʉre bajuami. Mʉsã ye cjasere aꞌtiro niami: ‘Narẽ añurõ ĩꞌanʉrʉ̃apʉ. Egiptocjãrã narẽ ñaꞌarõ weepesere ĩꞌapʉ’, niami.

Éxodo 3:18

Mʉꞌʉ wiorãrẽ tojo werecã, mʉꞌʉrẽ yʉꞌtirãsama. Tojo weegʉ Egiptocjʉ̃ wiogʉ tiropʉ na meꞌrã waꞌaya. Cʉ̃rẽ aꞌtiro ni wereya: “Õꞌacʉ̃, hebreo masã wiogʉ, ʉ̃sãrẽ põtẽrĩgʉ̃ ejami. Tojo weegʉ iꞌtia nʉmʉ waꞌaro ʉ̃sãrẽ yucʉ marĩrõ, masã marĩrõpʉ duꞌuoꞌoya. Topʉ Õꞌacʉ̃ ʉ̃sã wiogʉre waꞌicʉrãrẽ wẽjẽ ʉ̃jʉ̃amorõpeorã waꞌarãti”, niña.

Éxodo 4:10

—Acoe, yʉꞌʉ wiogʉ. Yʉꞌʉ ucũmeꞌrĩgʉ̃ niweꞌe. Todʉporopʉ, tojo nicã mʉꞌʉ niꞌcãrõacã yʉꞌʉ mʉꞌʉ meꞌrã ucũcã quẽꞌrãrẽ añurõ ucũmasĩtisaꞌa. Nipeꞌtisetiri ucũgʉ̃, cuꞌcu nisaꞌa, nicʉ niwĩ Moisé.

Éxodo 4:30

Na tiropʉ ejacã, Aarṍ nipeꞌtise Õꞌacʉ̃ Moisére níꞌquere werepeꞌocãꞌcʉ niwĩ. Tojo nicã, masã ĩꞌorõpʉre, ĩꞌa ʉcʉase Õꞌacʉ̃ narẽ weeĩꞌodutiꞌquere weeĩꞌocʉ niwĩ.

Éxodo 4:31

Masã tere ĩꞌarã, cʉ̃ níꞌquere ẽjõpeocãrã niwã. Õꞌacʉ̃ na piꞌetisere ĩꞌa, narẽ pajañaꞌcã tʉꞌorã, cʉ̃rẽ eꞌcatipeorã, ejaqueꞌacãrã niwã.

Éxodo 6:12

Moisé peꞌe Õꞌacʉ̃rẽ aꞌtiro yʉꞌticʉ niwĩ: —Israe curuacjãrã yʉꞌʉre ne cãꞌrõ yʉꞌtitima. Nemorõ faraṍ pũrĩcã yʉꞌtitisami. Yʉꞌʉ ucũgʉ̃ ne meꞌrĩtisaꞌa, nicʉ niwĩ.

Éxodo 6:30

Moisé peꞌe cʉ̃rẽ yʉꞌticʉ niwĩ: —Wiogʉ, yʉꞌʉma yʉꞌʉ ucũse ne, to waꞌaweꞌe. Tojo weegʉ faraṍ yʉꞌʉ ucũsere ne yʉꞌtitigʉsami, nicʉ niwĩ Moisé.

Hechos 7:25

Cʉ̃ basu Moisé peꞌe aꞌtiro ni wãcũcʉ niwĩ: “Yʉꞌʉ meꞌrãta Õꞌacʉ̃ yʉꞌʉ acawererãrẽ na aꞌti diꞌtacjãrã peorã nisere wijacã weegʉsami. Yʉꞌʉre na aꞌtere masĩsama”, ni wãcũcʉ nimiwĩ. Cʉ̃ acawererã peꞌe cʉ̃ weronojõ wãcũticãrã niwã.

Jueces 6:17

Cʉ̃ tojo nicã tʉꞌogʉ, Gedeṍ nicʉ niwĩ: —Yʉꞌʉre niꞌcãrõacã eꞌcatise meꞌrã ĩꞌagʉ̃, “Diacjʉ̃ta yʉꞌʉ Õꞌacʉ̃ niꞌi” nígʉ̃a, mʉꞌʉ tutuase meꞌrã apeyenojõ weeĩꞌoña.