Éxodo 34:5 - Õꞌacʉ̃ Yere Ucũrĩ Turi

⁵ To cʉ̃ mʉjãejacã, Õꞌacʉ̃ oꞌmecurua meꞌrã dijati, Moisé tiropʉ ejacʉ niwĩ. Cʉ̃ wãmerẽ weregʉ, “Wiogʉ niꞌi”, nicʉ niwĩ.

Éxodo 34:5 Iomraidhean Croise

Éxodo 19:18

Nipeꞌtiro tigʉ ʉ̃rʉ̃gʉ̃ Sinaí wãmeticjʉpʉ oꞌmepuꞌsunuꞌcũcaro niwʉ̃. Õꞌacʉ̃ pecameꞌe ʉ̃jʉ̃rĩ põꞌrã meꞌrã dijatáca beꞌro niyucã, tojo waꞌacaro niwʉ̃. Pã́ ʉ̃jʉ̃arõ weronojõ oꞌme buenuꞌcũcaro niwʉ̃. Nipeꞌtiro tigʉ ʉ̃rʉ̃gʉ̃ ʉpʉtʉ waro narãsãcaro niwʉ̃.

Éxodo 19:9

Moisé wereꞌquere tʉꞌóca beꞌro Õꞌacʉ̃ cʉ̃rẽ nicʉ niwĩ: —Masã yʉꞌʉ mʉꞌʉ meꞌrã ucũcã tʉꞌoato nígʉ̃, oꞌmecurua poꞌpeapʉ mʉꞌʉ tiro dijatagʉsaꞌa. Tojo weerã mʉꞌʉrẽ ẽjõpeonuꞌcũcãꞌrãsama, nicʉ niwĩ. Cʉ̃ tojo níca beꞌro Moisé Õꞌacʉ̃rẽ masã níꞌquere werecʉ niwĩ.

Éxodo 33:19

Õꞌacʉ̃ cʉ̃rẽ yʉꞌticʉ niwĩ: —Nipeꞌtise yʉꞌʉ asistesere mʉꞌʉ dʉporo yʉꞌrʉacã weegʉti. Tojo yʉꞌrʉacã, nipeꞌtise yʉꞌʉ añubutiase nisere ĩꞌagʉ̃saꞌa. Tojo nicã mʉꞌʉ ĩꞌorõpʉ yʉꞌʉ wãmerẽ weregʉti. Noꞌo yʉꞌʉ pajañaꞌsĩꞌrĩgʉ̃rẽ pajañaꞌgʉ̃ti.

Éxodo 33:9

Moisé ti wiꞌipʉ sãjãcãta, oꞌmepõꞌrã dijati, ti wiꞌi sãjãrĩ sopepʉ ejanʉꞌcãcaro niwʉ̃. Õꞌacʉ̃ Moisé meꞌrã ucũrĩ cura tojo tojanʉꞌcãcaro niwʉ̃.