Éxodo 34:27 - Õꞌacʉ̃ Yere Ucũrĩ Turi

²⁷ Õꞌacʉ̃ Moisére cʉ̃ dutise wéréca beꞌro cʉ̃rẽ nicʉ niwĩ: “Yʉꞌʉ ucũsere ojaya. Te yʉꞌʉ mʉꞌʉ meꞌrã, Israe curuacjãrã meꞌrã apoꞌque niꞌi”, nicʉ niwĩ.

Éxodo 34:27 Iomraidhean Croise

Éxodo 17:14

Beꞌro Õꞌacʉ̃ Moisére nicʉ niwĩ: —Aꞌtere acobojoticãꞌto nígʉ̃, niꞌcã tũrũpʉ ojaya. Josuére aꞌtiro niña: “Nipeꞌtirã amaleca masãrẽ peꞌocãꞌgʉ̃saꞌa. Tojo weerã ne niꞌcʉ̃ aꞌti ʉmʉcocjãrã narẽ wãcũsome.” Tere Josuére wereturiacʉ niwĩ.

Éxodo 24:4

Tere tʉꞌogʉ, Moisé nipeꞌtise Õꞌacʉ̃ dutiꞌquere ojaõꞌocʉ niwĩ. Ape nʉmʉ peꞌe ñamiñaꞌcũrõ wãꞌcã, niꞌcãrõ Õꞌacʉ̃rẽ ẽjõpeorã waꞌicʉrãrẽ ʉ̃jʉ̃amorõpeoatjore ʉ̃rʉ̃gʉ̃ dʉꞌpocã́pʉ niꞌcã mesã ʉ̃tã meꞌrã seeneocũucʉ niwĩ. Tojo nicã docepaga ʉ̃tãpaga te Israe curarinʉcʉ̃rẽ niꞌcãrẽpaga miinʉꞌcõcʉ niwĩ.

Éxodo 24:7

Tuꞌajanʉꞌcõ, Moisé “Õꞌacʉ̃ masã meꞌrã aꞌtiro apogʉti” ni ojáca turipʉre mii, masãrẽ buꞌeĩꞌocʉ niwĩ. Tere tʉꞌorã, na peꞌe aꞌtiro nicãrã niwã: —Nipeꞌtise marĩ wiogʉ Õꞌacʉ̃ marĩrẽ weedutiꞌquere weerãti. Cʉ̃ dutisere yʉꞌtirãti, nicãrã niwã.

Éxodo 34:10

Õꞌacʉ̃ Moisé sẽrĩꞌquere tʉꞌóca beꞌro aꞌtiro nicʉ niwĩ: “Añurõ tʉꞌoya. Niꞌcãrõacãrẽ yʉꞌʉ nipeꞌtirã mʉsã Israe curuacjãrã meꞌrã ‘Aꞌtiro weegʉti’ ni apoꞌquere cũugʉ̃ti. Nipeꞌtirã masã ĩꞌorõpʉ añubutiasere weeĩꞌogʉ̃saꞌa. Te todʉporopʉ ne ape diꞌtapʉ aꞌti turipʉre weeĩꞌonoꞌña marĩꞌquere ĩꞌogʉ̃ti. Noꞌo nipeꞌtirã mʉsã waꞌtero nirã́ yʉꞌʉ mʉsã wiogʉ mʉsãrẽ añubutiaro weeatjere ĩꞌarãsama.