Éxodo 34:2 - Õꞌacʉ̃ Yere Ucũrĩ Turi

² Ñamiacã ñamicurero ʉ̃rʉ̃gʉ̃ Sinaípʉ mʉjãgʉ̃tigʉ̃ apoyuya. Tigʉ dʉposãrĩpʉ waꞌa, yʉꞌʉ tiro ejaya.

Éxodo 34:2 Iomraidhean Croise

Éxodo 19:11

Ñamiacã yʉꞌrʉro apoyuꞌquepʉ nitojato. Ti nʉmʉ yʉꞌʉ, mʉsã wiogʉ, nipeꞌtirã ĩꞌorõpʉ ʉ̃rʉ̃gʉ̃ Sinaípʉ dijatagʉsaꞌa.

Éxodo 19:18

Nipeꞌtiro tigʉ ʉ̃rʉ̃gʉ̃ Sinaí wãmeticjʉpʉ oꞌmepuꞌsunuꞌcũcaro niwʉ̃. Õꞌacʉ̃ pecameꞌe ʉ̃jʉ̃rĩ põꞌrã meꞌrã dijatáca beꞌro niyucã, tojo waꞌacaro niwʉ̃. Pã́ ʉ̃jʉ̃arõ weronojõ oꞌme buenuꞌcũcaro niwʉ̃. Nipeꞌtiro tigʉ ʉ̃rʉ̃gʉ̃ ʉpʉtʉ waro narãsãcaro niwʉ̃.

Éxodo 19:20

Õꞌacʉ̃ ʉ̃rʉ̃gʉ̃ Sinaí dʉposãrĩpʉ dijati, ejanʉꞌcãcʉ niwĩ. Beꞌro Moisére cʉ̃ tiropʉ mʉjãtiduticʉ niwĩ. Tere tʉꞌogʉ, Moisé mʉjãcʉ niwĩ.

Éxodo 19:24

Õꞌacʉ̃ peꞌe Moisére nicʉ niwĩ: —Dija, Aarṍrẽ aꞌtopʉ miitia. Paꞌia, tojo nicã masã pũrĩcã aꞌtopʉ aꞌtisĩꞌrĩrã, cãꞌmotaꞌaꞌcarore ne yʉꞌrʉticãꞌto. Tojo weecãma, yʉꞌʉ narẽ buꞌiri daꞌrebosaꞌa, nicʉ niwĩ Õꞌacʉ̃.

Éxodo 24:12

Õꞌacʉ̃ Moisére aꞌtiro nicʉ niwĩ: —Yʉꞌʉ tiro ʉ̃rʉ̃gʉ̃pʉ mʉjãtinemoña. Mʉjãti, topʉ yʉꞌʉre coꞌteya. Yʉꞌʉ ʉ̃tã meꞌrã weeꞌque pjĩrĩrẽ mʉꞌʉrẽ oꞌogʉti. Te pjĩrĩpʉ yʉꞌʉ ojaꞌque nipeꞌtise yʉꞌʉ weedutiꞌquere mʉꞌʉ Israe curuacjãrãrẽ weregʉsaꞌa.