Éxodo 33:9 - Õꞌacʉ̃ Yere Ucũrĩ Turi

⁹ Moisé ti wiꞌipʉ sãjãcãta, oꞌmepõꞌrã dijati, ti wiꞌi sãjãrĩ sopepʉ ejanʉꞌcãcaro niwʉ̃. Õꞌacʉ̃ Moisé meꞌrã ucũrĩ cura tojo tojanʉꞌcãcaro niwʉ̃.

Éxodo 33:9 Iomraidhean Croise

Génesis 17:22

Cʉ̃ Abrahã meꞌrã ucũtojanʉꞌcõ, waꞌa waꞌacʉ niwĩ.

Génesis 18:33

Õꞌacʉ̃ Abrahã meꞌrã ucũtojanʉꞌcõ, waꞌa waꞌacʉ niwĩ. Abrahã quẽꞌrã cʉ̃ ya wiꞌipʉ dajatojaa waꞌacʉ niwĩ.

Éxodo 31:18

Õꞌacʉ̃ ʉ̃rʉ̃gʉ̃ Sinaípʉ Moisé meꞌrã ucṹca beꞌro cʉ̃rẽ pʉa pjĩ ʉ̃tã meꞌrã weeꞌque pjĩrĩrẽ oꞌocʉ niwĩ. Te pjĩrĩpʉ Õꞌacʉ̃ diez dutise cũuꞌque nicaro niwʉ̃. Õꞌacʉ̃ basuta cʉ̃ omopica meꞌrã tere ojacʉ niwĩ.

Éxodo 33:10

Masã oꞌmepõꞌrã ti wiꞌi sopepʉ ejanʉꞌcãcã ĩꞌarã, nipeꞌtirã na ye wiꞌseri sope pʉꞌto paamuꞌrĩqueꞌacãrã niwã. Õꞌacʉ̃rẽ eꞌcatipeorã, tojo weecãrã niwã.

Éxodo 33:11

Õꞌacʉ̃ Moisé meꞌrã aꞌmerĩ ĩꞌapõtẽo, niꞌcʉ̃, cʉ̃ meꞌrãcjʉ̃rẽ ucũgʉ̃ weronojõ ucũcãrã niwã. Na ucṹca beꞌro Moisé masã tiropʉre dajatojaacʉ niwĩ. Cʉ̃rẽ weetamucoꞌtegʉ maꞌmʉ Josué, Nun macʉ̃ peꞌe pũrĩcã ti wiꞌiacã poꞌpeapʉ toja, ninuꞌcũcãꞌcʉ niwĩ.

Éxodo 33:8

Moisé ti wiꞌiacãpʉ waꞌacã ĩꞌarã, masã nipeꞌtirã na ye wiꞌseri sope pʉꞌtopʉ nuꞌcũcãrã niwã. Téé ti wiꞌipʉ sãjãcãpʉ cʉ̃rẽ ĩꞌasirutuduꞌucãrã niwã.

Éxodo 34:3

Ne apĩ mʉꞌʉ meꞌrã mʉjãticãꞌto. Ne tigʉpʉre ãpẽrã masã marĩato. Tojo nicã oveja, wecʉa tigʉ põtẽorõpʉre baꞌanuꞌcũticãꞌto.

Éxodo 34:5

To cʉ̃ mʉjãejacã, Õꞌacʉ̃ oꞌmecurua meꞌrã dijati, Moisé tiropʉ ejacʉ niwĩ. Cʉ̃ wãmerẽ weregʉ, “Wiogʉ niꞌi”, nicʉ niwĩ.

Éxodo 34:9

Cʉ̃rẽ eꞌcatipeogʉ, aꞌtiro ni sẽrĩcʉ niwĩ: —Wiogʉ, diacjʉ̃ta yʉꞌʉ weesere tʉꞌsagʉ, ʉ̃sãrẽ baꞌpatiya. Ãꞌrã masã yʉꞌrʉnʉꞌcãsepijarã nima. Tojo nimicã, ʉ̃sã ñaꞌasere, ʉ̃sã ñaꞌarõ weesere acobojoya. Ʉ̃sãrẽ mʉꞌʉ yarã masã tojacã weeya, ni sẽrĩcʉ niwĩ.