Éxodo 33:7 - Õꞌacʉ̃ Yere Ucũrĩ Turi

⁷ Moisé Õꞌacʉ̃ suꞌti caseri meꞌrã wééca wiꞌiacãrẽ mia, masã na nirṍ yoacureropʉ cũucʉ niwĩ. Ti wiꞌiacãrẽ “Õꞌacʉ̃ meꞌrã bocaejari wiꞌi niꞌi”, nicʉ niwĩ. Noꞌo niꞌcʉ̃ Õꞌacʉ̃rẽ cʉ̃ weeatjere sẽrĩtiñaꞌsĩꞌrĩgʉ̃nojõ topʉ waꞌacʉ niwĩ. Ti wiꞌiacã na masã nirṍ yʉꞌrʉro nicaro niwʉ̃.

Éxodo 33:7 Iomraidhean Croise

Éxodo 18:12

Beꞌro Jetro niꞌcʉ̃ waꞌicʉre wẽjẽ, Õꞌacʉ̃rẽ eꞌcatipeogʉ ʉ̃jʉ̃amorõpeocʉ niwĩ. Tojo nicã apeye Õꞌacʉ̃rẽ oꞌosenojõrẽ ʉ̃jʉ̃amorõpeonemocʉ niwĩ. Tojo wééca beꞌro Aarṍ, nipeꞌtirã Israe curuacjãrã wiorã Õꞌacʉ̃ ĩꞌorõpʉ, Moisé mañecʉ̃ meꞌrã baꞌarã waꞌacãrã niwã.

Éxodo 18:7

Cʉ̃ etacã, Moisé suꞌti caseri meꞌrã wééca wiꞌi poꞌpeapʉ níꞌcʉ wijaa, cʉ̃ mañecʉ̃rẽ põtẽrĩgʉ̃ waꞌacʉ niwĩ. Cʉ̃rẽ añudutigʉ, paamuꞌrĩqueꞌa, miꞌmicʉ niwĩ. Aꞌmerĩ añudutíca beꞌro cʉ̃ ya wiꞌipʉ narẽ sʉꞌori pijisãjãacʉ niwĩ.

Éxodo 33:6

Tojo weerã Israe curuacjãrã Horeb wãmeticjʉ ʉ̃rʉ̃gʉ̃pʉ wijáca beꞌro bʉsanemoti, oꞌmeperi yosanemoticãrã niwã.

Éxodo 33:8

Moisé ti wiꞌiacãpʉ waꞌacã ĩꞌarã, masã nipeꞌtirã na ye wiꞌseri sope pʉꞌtopʉ nuꞌcũcãrã niwã. Téé ti wiꞌipʉ sãjãcãpʉ cʉ̃rẽ ĩꞌasirutuduꞌucãrã niwã.

Hebreos 8:2

Cʉ̃ ʉꞌmʉsepʉ Õꞌacʉ̃ Nibutiari Tucũpʉre paꞌia wiogʉ weronojõ nisami. Ti wiꞌi Õꞌacʉ̃ wééca wiꞌi niꞌi. Masã mejẽta weecãrã niwã.