Éxodo 33:11 - Õꞌacʉ̃ Yere Ucũrĩ Turi

¹¹ Õꞌacʉ̃ Moisé meꞌrã aꞌmerĩ ĩꞌapõtẽo, niꞌcʉ̃, cʉ̃ meꞌrãcjʉ̃rẽ ucũgʉ̃ weronojõ ucũcãrã niwã. Na ucṹca beꞌro Moisé masã tiropʉre dajatojaacʉ niwĩ. Cʉ̃rẽ weetamucoꞌtegʉ maꞌmʉ Josué, Nun macʉ̃ peꞌe pũrĩcã ti wiꞌiacã poꞌpeapʉ toja, ninuꞌcũcãꞌcʉ niwĩ.

Éxodo 33:11 Iomraidhean Croise

Génesis 32:30

Jacob aꞌtiro nicʉ niwĩ: “Yʉꞌʉ basuta Õꞌacʉ̃rẽ bajuyoropʉ ĩꞌapʉ. Tojo nimigʉ̃, catiꞌi yujupʉ.” Tojo weegʉ to na aꞌmerĩ ñadiꞌocũupeꞌcarore Jacob Peniel wãme õꞌocʉ niwĩ.

Éxodo 17:9

Tojo weegʉ Moisé Josuére aꞌtiro nicʉ niwĩ: —Niꞌcãrẽrã ʉmʉarẽ beseya. Bese, amaleca masã meꞌrã aꞌmewẽjẽgʉ̃ waꞌaya. Yʉꞌʉ ñamiacãrẽ aꞌtigʉ ʉ̃rʉ̃gʉ̃ dʉposãrĩpʉ nigʉ̃ti. Topʉre tuacjʉ Õꞌacʉ̃ yʉꞌʉre miadutiꞌcʉ meꞌrã nuꞌcũgʉ̃ti, nicʉ niwĩ.

Éxodo 24:13

Tere tʉꞌogʉ, Moisé, cʉ̃rẽ weetamugʉ̃ Josué meꞌrã ʉ̃rʉ̃gʉ̃ Õꞌacʉ̃ nirõpʉ mʉjãnemocʉ niwĩ.

Éxodo 32:17

Josué masã na caricũsere tʉꞌogʉ, Moisére aꞌtiro nicʉ niwĩ: —Masã aꞌmewẽjẽrã caricũrõ weronojõ bʉsʉrocoro marĩ cãrĩse uꞌturi waꞌteropʉre, nicʉ niwĩ.

Éxodo 33:10

Masã oꞌmepõꞌrã ti wiꞌi sopepʉ ejanʉꞌcãcã ĩꞌarã, nipeꞌtirã na ye wiꞌseri sope pʉꞌto paamuꞌrĩqueꞌacãrã niwã. Õꞌacʉ̃rẽ eꞌcatipeorã, tojo weecãrã niwã.

Éxodo 33:9

Moisé ti wiꞌipʉ sãjãcãta, oꞌmepõꞌrã dijati, ti wiꞌi sãjãrĩ sopepʉ ejanʉꞌcãcaro niwʉ̃. Õꞌacʉ̃ Moisé meꞌrã ucũrĩ cura tojo tojanʉꞌcãcaro niwʉ̃.

San Juan 11:11

Beꞌro Jesú ʉ̃sãrẽ niwĩ: —Marĩ meꞌrãcjʉ̃ Lázaro cãrĩa waꞌapʉ. Yʉꞌʉ cʉ̃rẽ wãꞌcõgʉ̃ waꞌagʉsaꞌa.

San Juan 3:29

Aꞌtiro peꞌe niꞌi. Niꞌcʉ̃ omocã dʉꞌtecã, cʉ̃ nʉmo cʉ̃ yago seꞌsaro nisamo. Cʉ̃ meꞌrãcjʉ̃ cʉ̃ dʉꞌtecã ĩꞌagʉ̃, eꞌcatitamusami. Jesú ãꞌrĩ omocã dʉꞌteꞌcʉ weronojõ nimi. Masã cʉ̃rẽ siruturã cʉ̃ nʉmo weronojõ nima. Tojo weegʉ yʉꞌʉ cʉ̃ meꞌrãcjʉ̃ masã cʉ̃rẽ sirutucã ĩꞌagʉ̃, eꞌcatitamuꞌu.

Santiago 2:23

Cʉ̃ añurõ weecã, dʉporocjãrãpʉ Õꞌacʉ̃ ye queti weremʉꞌtãrĩ masã na ojaꞌque queoro waꞌacaro niwʉ̃. Na Abrahãrẽ aꞌtiro ojacãrã niwã: “Abrahã Õꞌacʉ̃rẽ ẽjõpeocʉ niwĩ. Tojo weegʉ Õꞌacʉ̃ cʉ̃rẽ ‘Añugʉ̃ nimi’, ni ĩꞌacʉ niwĩ”, ni ojanoꞌcaro niwʉ̃. Abrahãrẽ masã “Õꞌacʉ̃ meꞌrãcjʉ̃ nimi”, nicãrã niwã.