Éxodo 32:4 - Õꞌacʉ̃ Yere Ucũrĩ Turi

⁴ Cʉ̃ tere ñeꞌe, ʉ̃jʉ̃asipiocʉ niwĩ. Na wecʉ wĩꞌmagʉ̃ queose wééca coꞌropʉ piosãcãrã niwã. Beꞌro te bʉꞌáca beꞌro wecʉ wĩꞌmagʉ̃ queose weronojõ bajugʉ wijacʉ niwĩ. Cʉ̃rẽ ĩꞌarã, masã aꞌtiro nicãrã niwã: —Israe curuacjãrã, ãꞌrĩ marĩ ẽjõpeogʉ nimi. Cʉ̃ta marĩrẽ Egiptopʉ níꞌcãrãrẽ sʉꞌori miiwijawĩ.

Éxodo 32:4 Iomraidhean Croise

Éxodo 20:2

“Yʉꞌʉ Õꞌacʉ̃, mʉsã wiogʉ niꞌi. Yʉꞌʉta mʉsãrẽ Egiptopʉre miiwijawʉ. Topʉre mʉsã narẽ daꞌracoꞌterã niwʉ̃.

Éxodo 20:4

”Ne queosere yee, ẽjõpeoticãꞌña. Ʉꞌmʉarõ cjase queosere, ne docapʉ aꞌti diꞌtapʉ nisere, maa pajiri maajopʉ nise queose quẽꞌrãrẽ yee ẽjõpeoticãꞌña.

Éxodo 32:1

Beꞌro Israe curuacjãrã Moisé cʉ̃ ʉ̃rʉ̃gʉ̃pʉ mʉjãaꞌcʉre yoogocã ĩꞌarã, Aarṍ tiropʉ nerẽcãrã niwã. Cʉ̃rẽ aꞌtiro nicãrã niwã: —Sõꞌonícʉ Moisé marĩrẽ Egiptopʉ níꞌcãrãrẽ miitiꞌcʉ waro ¿deꞌro waꞌapari cʉ̃rẽ? Marĩ ne masĩtisaꞌa. Tojo weegʉ ʉ̃sã ẽjõpeoatje queosere yeebosaya. Marĩ dʉporo wʉamʉꞌtãrãsama. Na marĩ waꞌatji maꞌarẽ ĩꞌorãsama, nicãrã niwã.

Éxodo 32:24

Na tojo nicã, narẽ yʉꞌtiapʉ: “Noꞌo oꞌmeperi yosase uru meꞌrã weeꞌquere cʉorãnojõ tuweemii miitia”, niapʉ. Na yʉꞌʉre miiti, tere oꞌoama. Yʉꞌʉ tere pecameꞌepʉ doquetĩapʉ. Wãcũña marĩrõ ãꞌrĩ wecʉ wĩꞌmagʉ̃ queose wijamajãmi, nicʉ niwĩ Aarṍ.

Éxodo 32:3

Cʉ̃ tojo nicã tʉꞌorã, nipeꞌtirãpʉta na oꞌmeperi yosase uru meꞌrã weeꞌquere tuweemii, Aarṍ tiropʉ miacãrã niwã.

Éxodo 32:35

Beꞌro Õꞌacʉ̃ masãrẽ buꞌiri daꞌregʉ, duti ñaꞌabutiase oꞌócʉ niwĩ. Aarṍ wecʉ wĩꞌmagʉ̃ queose yeeꞌcʉre eꞌcatipeoꞌque buꞌiri tojo weecʉ niwĩ.

Éxodo 32:5

Na tojo weecã ĩꞌagʉ̃, Aarṍ wecʉ wĩꞌmagʉ̃ queose põtẽorõpʉ waꞌicʉrãrẽ ʉ̃jʉ̃amorõpeorore niꞌcã mesã ʉ̃tã meꞌrã seeneocũucʉ niwĩ. Tuꞌajanʉꞌcõ, masãrẽ werecʉ niwĩ: —Ñamiacã marĩ wiogʉ Õꞌacʉ̃rẽ bosenʉmʉ wee eꞌcatipeorãsaꞌa, nicʉ niwĩ.

Éxodo 32:7

Na tojo weecã ĩꞌagʉ̃, Õꞌacʉ̃ Moisére nicʉ niwĩ: —Waꞌagʉsaꞌa. Dijaya. Mʉꞌʉ, Egiptopʉ miiwijaꞌcãrã ñaꞌabutiarã dojorã weema.

Éxodo 32:8

Na maata waro yʉꞌʉ weedutiꞌquere duꞌucãꞌma. Niꞌcʉ̃ wecʉ wĩꞌmagʉ̃ queosere uru meꞌrã ʉ̃jʉ̃asipio wĩorẽama. Cʉ̃rẽ eꞌcatipeorã, ejaqueꞌama. Tojo nicã, waꞌicʉrãrẽ wẽjẽ, cʉ̃rẽ ʉ̃jʉ̃amorõpeoama. Aꞌtiro ni ucũama: “Israe curuacjãrã, ãꞌrĩ marĩ ẽjõpeogʉ nimi. Cʉ̃ta Egipto diꞌtapʉre marĩrẽ sʉꞌori miiwijawĩ”, niama, nicʉ niwĩ Õꞌacʉ̃.

Hechos 17:29

»Marĩ Õꞌacʉ̃ põꞌrã niꞌi nírã, cʉ̃rẽ “Uru, plata wãmetise meꞌrã yeeꞌcʉ nimi”, ni wãcũticãꞌrõʉaꞌa. Tojo nicã “Ʉ̃tãgã meꞌrã queose weeꞌcʉ nimi”, niticãꞌrõʉaꞌa. “Masã na wãcũrõ meꞌrã yeemeꞌrĩꞌcʉ nimi Õꞌacʉ̃”, niticãꞌrõʉaꞌa.

Hechos 7:41

Na tojo nicã tʉꞌogʉ, Aarṍ na dutiꞌcaronojõta niꞌcʉ̃ wecʉ wĩꞌmagʉ̃ queose daꞌrecʉ niwĩ. Beꞌro cʉ̃rẽ ẽjõpeorã, ecarãrẽ wẽjẽ ʉ̃jʉ̃amorõ, ñubuepeocãrã niwã. Tojo nicã na yeeꞌcʉreta bosenʉmʉ wee, eꞌcatipeocãrã niwã.

1 Corintios 10:7

Tojo weerã ãpẽrã na yeeꞌquere ẽjõpeoticãꞌña. Todʉporocjãrã weronojõ weeticãꞌña. Õꞌacʉ̃ ye queti ojáca pũrĩpʉ wecʉ queosere ẽjõpeorã daꞌreꞌquere aꞌtiro ojanoꞌwʉ̃: “Masã baꞌa, sĩꞌrĩcãrã niwã. Tuꞌajanʉꞌcõ, na noꞌo ʉaro bosenʉmʉ nʉꞌcãcãrã niwã.”

Jueces 8:24

Narẽ aꞌtiro ninemocʉ niwĩ: —Aꞌtiro peꞌe sẽrĩꞌi. Mʉsãnʉcʉ̃ mʉsã madianita masãrẽ ẽꞌmaꞌquere omopica tuusãase beꞌtorire oꞌoya, nicʉ niwĩ. Titare ismaelita masã yucʉ marĩrõcjãrã na omopica tuusãase beꞌtorire uru meꞌrã weecãrã niwã.

Jueces 8:27

Te uru meꞌrã Gedeṍ niꞌcãrõ camisa, omocãrĩ marĩrõ weecʉ niwĩ. To camisare cʉ̃ ya macã Ofrapʉ cũucʉ niwĩ. Beꞌro nipeꞌtirã Israe curuacjãrã Õꞌacʉ̃rẽ ẽjõpeoronojõ oꞌorã, to camisa peꞌere ẽjõpeocãrã niwã. Tojo weerã Gedeṍ, tojo nicã cʉ̃ acawererã ñaꞌarõ yapaticãrã niwã.