Éxodo 32:35 - Õꞌacʉ̃ Yere Ucũrĩ Turi

³⁵ Beꞌro Õꞌacʉ̃ masãrẽ buꞌiri daꞌregʉ, duti ñaꞌabutiase oꞌócʉ niwĩ. Aarṍ wecʉ wĩꞌmagʉ̃ queose yeeꞌcʉre eꞌcatipeoꞌque buꞌiri tojo weecʉ niwĩ.

Éxodo 32:35 Iomraidhean Croise

Génesis 12:17

Saraire faraṍ tiropʉ miaꞌque buꞌiri Õꞌacʉ̃ faraṍrẽ, cʉ̃ ya wiꞌicjãrãrẽ dutitícã weecʉ niwĩ.

Éxodo 32:24

Na tojo nicã, narẽ yʉꞌtiapʉ: “Noꞌo oꞌmeperi yosase uru meꞌrã weeꞌquere cʉorãnojõ tuweemii miitia”, niapʉ. Na yʉꞌʉre miiti, tere oꞌoama. Yʉꞌʉ tere pecameꞌepʉ doquetĩapʉ. Wãcũña marĩrõ ãꞌrĩ wecʉ wĩꞌmagʉ̃ queose wijamajãmi, nicʉ niwĩ Aarṍ.

Éxodo 32:25

Moisé na noꞌo ʉaro weesere ĩꞌacʉ niwĩ. Tere ĩꞌamigʉ̃, Aarṍ peꞌe narẽ “Tojo weeticãꞌña”, niticʉ niwĩ. Tojo weerã na ñaꞌarõ weesere ĩꞌarã, narẽ ĩꞌatuꞌtirã bujicãꞌcãrã niwã.

Éxodo 32:28

Leví ya curuacjãrã Moisé tojo weedutiꞌquere queoro weecãrã niwã. Ti nʉmʉrẽ iꞌtiati mil ʉmʉa wẽrĩcãrã niwã.

Éxodo 32:4

Cʉ̃ tere ñeꞌe, ʉ̃jʉ̃asipiocʉ niwĩ. Na wecʉ wĩꞌmagʉ̃ queose wééca coꞌropʉ piosãcãrã niwã. Beꞌro te bʉꞌáca beꞌro wecʉ wĩꞌmagʉ̃ queose weronojõ bajugʉ wijacʉ niwĩ. Cʉ̃rẽ ĩꞌarã, masã aꞌtiro nicãrã niwã: —Israe curuacjãrã, ãꞌrĩ marĩ ẽjõpeogʉ nimi. Cʉ̃ta marĩrẽ Egiptopʉ níꞌcãrãrẽ sʉꞌori miiwijawĩ.

Hechos 1:18

Ʉ̃sã meꞌrã nimigʉ̃, Jesure ĩꞌowĩ wiorãpʉre. Cʉ̃ Jesure wiorãrẽ ĩꞌoꞌque wapa na cʉ̃rẽ niyerure wapayecãrã niwã. Beꞌro narẽ tere wiacãꞌcʉ niwĩ cʉ̃ ñaꞌarõ weeꞌque wapare. Niyeru cʉ̃ wiaꞌque meꞌrã paꞌia wiorã diꞌta cãꞌrõacã duucãrã niwã. Beꞌro cʉ̃ basu peꞌe bʉrʉqueꞌa, cʉ̃ paaga tʉ̃ꞌrʉ̃ste, cʉ̃ ʉꞌtamisĩ nimiꞌque wijaastea waꞌacaro niwʉ̃. Tojo wee wẽrĩa waꞌacʉ niwĩ Juda.

Hechos 7:41

Na tojo nicã tʉꞌogʉ, Aarṍ na dutiꞌcaronojõta niꞌcʉ̃ wecʉ wĩꞌmagʉ̃ queose daꞌrecʉ niwĩ. Beꞌro cʉ̃rẽ ẽjõpeorã, ecarãrẽ wẽjẽ ʉ̃jʉ̃amorõ, ñubuepeocãrã niwã. Tojo nicã na yeeꞌcʉreta bosenʉmʉ wee, eꞌcatipeocãrã niwã.