Éxodo 3:10 - Õꞌacʉ̃ Yere Ucũrĩ Turi

¹⁰ Tojo weegʉ waꞌabaqueꞌoya. Yarã masã Israe curuacjãrãrẽ Egiptopʉre miiwĩrõdutigʉ, faraṍ tiropʉ mʉꞌʉrẽ oꞌógʉtigʉ weeꞌe.

Éxodo 3:10 Iomraidhean Croise

Génesis 15:13

Tojo waꞌacã, Õꞌacʉ̃ cʉ̃rẽ aꞌtiro nicʉ niwĩ: —Mʉꞌʉ pãrãmerã nituriarãrẽ waꞌatjere masĩcã ʉasaꞌa. Na ãpẽrã ya diꞌtapʉ nirãsama. Topʉ na nicã, tocjãrã narẽ daꞌracoꞌterã cʉorãsama. Topʉre ñaꞌarõ weepenoꞌrãsama. Na cuatrocientos cʉ̃ꞌmarĩ piꞌetirãsama.

Génesis 15:14

Narẽ tojo weemicã, yʉꞌʉ tocjãrã narẽ daꞌradutiperãrẽ buꞌiri daꞌregʉti. Beꞌro na tojo piꞌetiꞌcãrã nimirã, ti diꞌtapʉ nimiꞌcãrã wijarãsama. Peje apeque meꞌrã wijarãsama.

Éxodo 12:40

Na Israe curuacjãrã cuatrocientos treinta cʉ̃ꞌmarĩ Egiptopʉre nicãrã niwã.

Éxodo 12:41

Ticʉse cʉ̃ꞌmarĩ waꞌari nʉmʉrẽta Egiptopʉre Õꞌacʉ̃ yarã masã doce curari nirã́ wijapeꞌticãrã niwã.

Éxodo 33:12

Moisé Õꞌacʉ̃rẽ aꞌtiro nicʉ niwĩ: —Mʉꞌʉ yʉꞌʉre “Ãꞌrã masãrẽ sʉꞌori miaña”, niapʉ. Tojo nimigʉ̃, yʉꞌʉ meꞌrã waꞌacjʉre weretiapʉ. Tojo nicã “Mʉꞌʉrẽ añurõ masĩꞌi. Mʉꞌʉ weesere ĩꞌagʉ̃, eꞌcatiꞌi”, niapʉ.

Éxodo 33:13

Diacjʉ̃ta yʉꞌʉ meꞌrã eꞌcatigʉ pũrĩcã, mʉꞌʉ weeatjere yʉꞌʉre wereya. Mʉꞌʉ tojo weecã, mʉꞌʉrẽ masĩnemogʉ̃saꞌa. Tojo nicã, mʉꞌʉ tʉꞌsasere weenuꞌcũgʉ̃saꞌa. Wãcũña. Ãꞌrã masã, mʉꞌʉ yarã nima, nicʉ niwĩ.

Éxodo 6:26

Aarṍ, Moiséreta Õꞌacʉ̃ Israe curuacjãrãrẽ Egipto diꞌtapʉ níꞌcãrãrẽ sʉꞌori miiwijaduticʉ niwĩ. Na ye curari meꞌrã tojo weeduticʉ niwĩ.

Hechos 7:34

Yarã masã Egiptopʉ nirãrẽ na ʉpʉtʉ piꞌeticã ĩꞌapʉ. Na caricũcã tʉꞌoapʉ. Tojo weegʉ mʉꞌʉrẽ Egiptopʉ oꞌógʉtigʉ weeꞌe tja narẽ yʉꞌrʉoacjʉ”, ni werecʉ niwĩ Õꞌacʉ̃ Moisére.

Hechos 7:36

Cʉ̃ Egiptopʉ nígʉ̃, pajiri maa Aco sõꞌarĩ maapʉ nígʉ̃, Õꞌacʉ̃ tutuaro meꞌrã peje weeĩꞌocʉ niwĩ. Tojo weegʉ cʉ̃ acawererã Egiptopʉ níꞌcãrãrẽ apeye diꞌtapʉ sʉꞌori miiwijacʉ niwĩ. Cuarenta cʉ̃ꞌmarĩ yucʉ marĩrõ, masã marĩrõpʉ na waꞌacã, Õꞌacʉ̃ tutuaro meꞌrã weeĩꞌonuꞌcũcãꞌcʉ niwĩ.

Hechos 7:6

Õꞌacʉ̃ cʉ̃rẽ apeye ninemocʉ niwĩ tja: “Mʉꞌʉ pãrãmerã nituriarã ape diꞌtapʉ nirãsama yujupʉ. Cuatrocientos cʉ̃ꞌmarĩ ti diꞌtacjãrã peorã nirãsama. Narẽ daꞌraduti, tãrãperãsama.

Hechos 7:7

Yʉꞌʉ narẽ tojo weecã, ti diꞌtacjãrãrẽ buꞌiri daꞌregʉsaꞌa. Narẽ daꞌretoja, mʉꞌʉ pãrãmerã nituriarã ti diꞌtapʉ níꞌcãrã wija, yʉꞌʉre aꞌtopʉ ñubuepeorã aꞌtirãsama”, nicʉ niwĩ Õꞌacʉ̃.

Jueces 6:14

Õꞌacʉ̃ cʉ̃rẽ majãmiĩꞌa, aꞌtiro nicʉ niwĩ: —Mʉꞌʉ tutuase meꞌrã Israe curuacjãrãrẽ madianita masã dutise doca nirãrẽ yʉꞌrʉogʉ waꞌaya. Yʉꞌʉta mʉꞌʉrẽ waꞌadutigʉ weeꞌe, nicʉ niwĩ.