Éxodo 3:1 - Õꞌacʉ̃ Yere Ucũrĩ Turi

¹ Moisé cʉ̃ mañecʉ̃ Jetro yarã ovejare coꞌtecũcʉ niwĩ. Jetro Madiã́cjʉ̃ paꞌi nicʉ niwĩ. Niꞌcã nʉmʉ Moisé Jetro yarã ovejare masã marĩrõpʉ yʉꞌrʉa, téé Õꞌacʉ̃ yagʉ ʉ̃rʉ̃gʉ̃ Horeb wãmeticjʉpʉ miacʉ niwĩ.

Éxodo 3:1 Iomraidhean Croise

Éxodo 17:6

Yʉꞌʉ mʉꞌʉ dʉporo ʉ̃rʉ̃gʉ̃ Horeb wãmeticjʉ pʉꞌto ʉ̃tãgãpʉ nuꞌcũgʉ̃ti. Mʉꞌʉ tigare doteya. Mʉꞌʉ dotecã, masã sĩꞌrĩcã, aco wijarosaꞌa, nicʉ niwĩ Õꞌacʉ̃. Moisé Israe curuacjãrã wiorã ĩꞌorõpʉ Õꞌacʉ̃ weedutiꞌcaronojõta dotecʉ niwĩ.

Éxodo 18:12

Beꞌro Jetro niꞌcʉ̃ waꞌicʉre wẽjẽ, Õꞌacʉ̃rẽ eꞌcatipeogʉ ʉ̃jʉ̃amorõpeocʉ niwĩ. Tojo nicã apeye Õꞌacʉ̃rẽ oꞌosenojõrẽ ʉ̃jʉ̃amorõpeonemocʉ niwĩ. Tojo wééca beꞌro Aarṍ, nipeꞌtirã Israe curuacjãrã wiorã Õꞌacʉ̃ ĩꞌorõpʉ, Moisé mañecʉ̃ meꞌrã baꞌarã waꞌacãrã niwã.

Éxodo 19:11

Ñamiacã yʉꞌrʉro apoyuꞌquepʉ nitojato. Ti nʉmʉ yʉꞌʉ, mʉsã wiogʉ, nipeꞌtirã ĩꞌorõpʉ ʉ̃rʉ̃gʉ̃ Sinaípʉ dijatagʉsaꞌa.

Éxodo 19:3

Beꞌro Moisé Õꞌacʉ̃ meꞌrã ucũgʉ̃ waꞌagʉ, tigʉpʉ mʉjãcʉ niwĩ. Õꞌacʉ̃ tigʉpʉ nígʉ̃, Moisére pisucʉ niwĩ. Aꞌtiro nicʉ niwĩ: —Aꞌte yʉꞌʉ ucũsereta Jacob pãrãmerã nituriarã, Israe curuacjãrãrẽ wereya:

Éxodo 2:16

Madiã́cjʉ̃ paꞌi, Reuel wãmetigʉ siete numia põꞌrãticʉ niwĩ. Ti nʉmʉrẽta na numia ti pepʉ aco waarã waꞌacãrã niwã. Na pacʉ yarã ovejare tĩarãtirã, sĩꞌrĩse coꞌripʉ aco pio muꞌmuorã aꞌticãrã nimiwã.

Éxodo 2:18

Na numia pacʉ tiropʉ dajacã, narẽ sẽrĩtiñaꞌcʉ niwĩ: —¿Deꞌro weerã niꞌcãcãrẽ maata dajati?

Éxodo 2:21

Tojo wee Moisé Reuel ya wiꞌipʉ eja, baꞌacʉ niwĩ. Cʉ̃ “Ʉ̃sã meꞌrã tojayá” nicã, “Jaʉ” ni, na meꞌrã niseticʉ niwĩ. Beꞌro Reuel cʉ̃ macõ Séforare Moisére numisocʉ niwĩ.

Éxodo 24:13

Tere tʉꞌogʉ, Moisé, cʉ̃rẽ weetamugʉ̃ Josué meꞌrã ʉ̃rʉ̃gʉ̃ Õꞌacʉ̃ nirõpʉ mʉjãnemocʉ niwĩ.

Éxodo 3:12

Õꞌacʉ̃ cʉ̃rẽ aꞌtiro ni yʉꞌticʉ niwĩ: —Yʉꞌʉ mʉꞌʉ meꞌrã nigʉ̃saꞌa. Yarã masã Egiptopʉ nirãrẽ miiwĩrṍca beꞌro mʉsã nipeꞌtirã aꞌtigʉ ʉ̃rʉ̃gʉ̃pʉ yʉꞌʉre eꞌcatipeorãsaꞌa. Tojo waꞌacã, “Diacjʉ̃ta Õꞌacʉ̃ yʉꞌʉre oꞌoámi”, ni masĩgʉ̃saꞌa.

Éxodo 3:5

Tojo nitoja, Õꞌacʉ̃ cʉ̃rẽ nicʉ niwĩ: —Pʉꞌtoacãpʉ aꞌtiticãꞌña. Mʉꞌʉ ye sapatu caserire tuweeya. Mʉꞌʉ ʉꞌtacũurõ añurõ yʉꞌʉ nirṍ waro niꞌi.

Éxodo 33:6

Tojo weerã Israe curuacjãrã Horeb wãmeticjʉ ʉ̃rʉ̃gʉ̃pʉ wijáca beꞌro bʉsanemoti, oꞌmeperi yosanemoticãrã niwã.

Éxodo 4:18

Moisé cʉ̃ mañecʉ̃ Jetro ya wiꞌipʉ dajagʉ, cʉ̃rẽ nicʉ niwĩ: —Yʉꞌʉ apaturi Egipto diꞌtapʉ waꞌacã yʉꞌʉre duꞌuoꞌoya. Topʉ yʉꞌʉ acawererã waro nisama. Na catimiti nígʉ̃, narẽ ĩꞌasĩꞌrĩgʉ̃coro, nicʉ niwĩ. —Jaʉ, añurõ waꞌaya, ni yʉꞌticʉ niwĩ Jetro.

Éxodo 4:27

Moisé maꞌapʉ waꞌari curare Õꞌacʉ̃ peꞌe Aarṍrẽ aꞌtiro nicʉ niwĩ: “Masã marĩrõ, yucʉ marĩrõpʉ waꞌa, mʉꞌʉ acabiji Moisére põtẽrĩgʉ̃ waꞌaya.” Tere tʉꞌogʉ, Aarṍ waꞌa, Moisére Õꞌacʉ̃ yagʉ ʉ̃rʉ̃gʉ̃pʉ põtẽrĩgʉ̃ waꞌacʉ niwĩ. Topʉ cʉ̃rẽ bocaejagʉ, põtẽrĩ, añudutigʉ miꞌmicʉ niwĩ.

San Lucas 2:8

Belẽ́ sumutopʉ oveja coꞌterã nicãrã niwã. Na, na yarã ovejare coꞌterã, cãpũpʉ niboꞌreamʉjãcãrã niwã.

Hechos 7:30

»Madiã́ diꞌtapʉre cuarenta cʉ̃ꞌmarĩ nicʉ niwĩ. Cʉ̃ ticʉse cʉ̃ꞌmarĩ níca beꞌro niꞌcã nʉmʉ yucʉ marĩrõ ʉ̃rʉ̃gʉ̃ Sinaí wãmeticjʉ tiropʉ ĩꞌawãꞌcãcʉ niwĩ. Topʉ waꞌacã, niꞌcã siti yucʉsiti ʉ̃jʉ̃cã ĩꞌacʉ niwĩ. Ti pecameꞌe ʉ̃jʉ̃rĩ põꞌrã decopʉ Õꞌacʉ̃rẽ werecoꞌtegʉ weronojõ bajugʉ bajuacʉ niwĩ.

Jueces 4:11

Cedes pʉꞌtopʉ, yucʉgʉ pajicjʉ encina wãmeticjʉ Zaanaípʉ nicaro niwʉ̃. Topʉ Heber, quenita masʉ̃ cʉ̃ ya wiꞌi suꞌti caseri meꞌrã wééca wiꞌi nicaro niwʉ̃. Cʉ̃ ãpẽrã quenita masã meꞌrã níꞌcʉ wijawãꞌcãcʉ niwĩ. Na quenita masã Hobab, Moisé mañecʉ̃ pãrãmerã nituriarã nicãrã niwã.