Éxodo 24:11 - Õꞌacʉ̃ Yere Ucũrĩ Turi

¹¹ Ãꞌrã Israe curuacjãrã wiorã Õꞌacʉ̃rẽ ĩꞌamicã, narẽ ne mejẽcã waꞌacã weeticʉ niwĩ. Na niꞌcãrõ meꞌrã baꞌa, sĩꞌrĩ weecãrã niwã.

Éxodo 24:11 Iomraidhean Croise

Génesis 16:13

Tojo weego majã Agar Õꞌacʉ̃ meꞌrã ucũ weetjĩagõ, aꞌtiro cʉ̃rẽ wãme õꞌoco niwõ: “Õꞌacʉ̃ yʉꞌʉre ĩꞌagʉ̃ nimi”. Tojo nígõ, aꞌtiro nisĩꞌrĩgõ weeco niwõ: “Õꞌacʉ̃ yʉꞌʉre ĩꞌaꞌcʉre ĩꞌapʉ. Tojo weemigõ, catiꞌi yujupʉ”.

Génesis 31:54

Beꞌro ti buꞌapʉ waꞌicʉre wẽjẽ, Õꞌacʉ̃rẽ ʉ̃jʉ̃amorõpeocʉ niwĩ. Tuꞌajanʉꞌcõ, nipeꞌtirã cʉ̃ acawererãrẽ baꞌadutigʉ pijiocʉ niwĩ. Nipeꞌtirã baꞌacãrã niwã. Baꞌatoja, ti buꞌapʉ cãrĩcãrã niwã.

Éxodo 18:12

Beꞌro Jetro niꞌcʉ̃ waꞌicʉre wẽjẽ, Õꞌacʉ̃rẽ eꞌcatipeogʉ ʉ̃jʉ̃amorõpeocʉ niwĩ. Tojo nicã apeye Õꞌacʉ̃rẽ oꞌosenojõrẽ ʉ̃jʉ̃amorõpeonemocʉ niwĩ. Tojo wééca beꞌro Aarṍ, nipeꞌtirã Israe curuacjãrã wiorã Õꞌacʉ̃ ĩꞌorõpʉ, Moisé mañecʉ̃ meꞌrã baꞌarã waꞌacãrã niwã.

Éxodo 19:21

Õꞌacʉ̃ cʉ̃rẽ nicʉ niwĩ: —Dijaya. Masãrẽ wiopesase meꞌrã weregʉ waꞌaya: “Yʉꞌʉre ĩꞌasĩꞌrĩrã, aꞌtigʉ ʉ̃rʉ̃gʉ̃ dʉꞌpocã́pʉ cãꞌmotaꞌaꞌcarore ne yʉꞌrʉticãꞌto. Yʉꞌrʉrã pũrĩcã, pãjãrã wẽrĩrãsama.

Éxodo 24:1

Õꞌacʉ̃ dutise cũuꞌquere wéréca beꞌro Moisére nicʉ niwĩ: —Aarṍ, cʉ̃ põꞌrã Nadab, Abihú, ãpẽrã setenta Israe curuacjãrã wiorã meꞌrã aꞌto yʉꞌʉ nirõpʉ mʉjãtia. Mejõ yoacurero tojato. Topʉ paamuꞌrĩqueꞌato.

Jueces 13:22

Tojo weegʉ cʉ̃ nʉmorẽ nicʉ niwĩ: —Marĩ Õꞌacʉ̃rẽ ĩꞌapʉ. Tojo weerã marĩ wẽrĩrãsaꞌa, nicʉ niwĩ.