Éxodo 20:5 - Õꞌacʉ̃ Yere Ucũrĩ Turi

⁵ Ne narẽ ẽjõpeorã, paamuꞌrĩqueꞌaticãꞌña. Ne narẽ ñubuepeoticãꞌña. Yʉꞌʉ Õꞌacʉ̃ mʉsã wiogʉ niꞌi. Mʉsã ãpẽrãrẽ ẽjõpeosirutucã, ne ʉaweꞌe. Yʉꞌʉre ĩꞌasĩꞌrĩtirã tojo weema. Tojo weegʉ na põꞌrãrẽ, na pãrãmerãrẽ, na pãrãmerã nituriarãrẽ buꞌiri daꞌregʉsaꞌa.

Éxodo 20:5 Iomraidhean Croise

Éxodo 34:14

”Ne apĩ Õꞌacʉ̃ nitigʉre ẽjõpeoticãꞌña. Ãpẽrãrẽ ẽjõpeosirutucã ne ʉaweꞌe. Yʉꞌʉ diaꞌcʉ̃rẽ ẽjõpeocã ʉaꞌa.

Mateus 4:9

Ĩꞌogʉ̃, cʉ̃rẽ nicʉ niwĩ: —Nipeꞌtise aꞌte mʉꞌʉrẽ ĩꞌoꞌquere oꞌogʉti mʉꞌʉ yʉꞌʉre ejaqueꞌa ẽjõpeocã, nicʉ niwĩ.

San Juan 15:18

Jesú ʉ̃sãrẽ aꞌtiro ninemowĩ: —Aꞌti nucũcãcjãrã yʉꞌʉre ẽjõpeotirã mʉsãrẽ ĩꞌatuꞌticã, yʉꞌʉre ĩꞌatuꞌtimʉꞌtãꞌquere wãcũña.

San Juan 7:7

Aꞌti ʉmʉcocjãrã ñaꞌarõ weerã́ mʉsãrẽ ĩꞌatuꞌtitima. Na ñaꞌarõ nisetiꞌquere werecã, yʉꞌʉre ĩꞌatuꞌtima.

San Juan 9:2

Cʉ̃rẽ ĩꞌarã, ʉ̃sã Jesure sẽrĩtiñaꞌwʉ̃: —Ʉ̃sãrẽ buꞌegʉ, ¿deꞌro weegʉ ãꞌrĩ caperi ĩꞌatigʉ bajuapari? ¿Noa ye buꞌiri nipari? ¿Cʉ̃ pacʉsʉmʉa ye buꞌiri o cʉ̃ ye buꞌiri?

Romanos 1:30

Ãpẽrãrẽ ñaꞌarõ weesĩꞌrĩrã, diacjʉ̃ nitimicã, weresãsama. Õꞌacʉ̃rẽ ʉatisama. Ãpẽrãrẽ ĩꞌamuisama. “Yʉꞌʉ peꞌe ãpẽrã yʉꞌrʉoro niyʉꞌrʉnʉꞌcãꞌa”, nisama. Ñaꞌasere weebocasama. Na pacʉsʉmʉarẽ yʉꞌrʉnʉꞌcãsama.

Romanos 8:7

Marĩ ʉaronojõ diaꞌcʉ̃rẽ weesetirã, Õꞌacʉ̃ meꞌrã aꞌpepũrĩrã weesaꞌa. Cʉ̃ dutiro ne weesĩꞌrĩti, ne weemasĩtisaꞌa.

1 Corintios 10:22

Marĩ, wãtĩarẽ buꞌipejatamurã, marĩ wiogʉ Õꞌacʉ̃rẽ doecã weebosaꞌa. Cʉ̃ marĩ meꞌrã uacã, marĩ põtẽotisaꞌa. Cʉ̃ tutuagʉ nimi.

Santiago 4:4

Tojo weerã mʉsã niꞌcõ numio marãpʉtigo nimigõta, apĩrẽ tʉꞌsago weronojõ niꞌi. Mʉsã Õꞌacʉ̃ põꞌrã nimirãta, aꞌti diꞌta cjasere wãcũyʉꞌrʉnʉꞌcãsaꞌa. Tojo weerã Õꞌacʉ̃rẽ yabirã weronojõ niꞌi. Noꞌo aꞌti diꞌta cjasere ʉaripejayʉꞌrʉnʉꞌcãgʉ̃nojõ Õꞌacʉ̃ meꞌrã aꞌpepũrĩgʉ̃ weesami.

Josué 23:16

Mʉsã Õꞌacʉ̃ marĩ wiogʉ meꞌrã apoꞌquere yʉꞌrʉnʉꞌcãcã, ãpẽrãnojõrẽ ejaqueꞌa ẽjõpeocã, Õꞌacʉ̃ mʉsã meꞌrã uagʉsami. Aꞌti diꞌta añurĩ diꞌta marĩrẽ oꞌóca diꞌtapʉ ninemosome majã”, nicʉ niwĩ Josué.

Josué 23:7

Mʉsã ãpẽrã masã, cõꞌawĩrõnoꞌña marĩrã aꞌti diꞌtapʉ dʉꞌsarã meꞌrã ne aꞌmesʉꞌaticãꞌña. Na ẽjõpeorãrẽ Õꞌacʉ̃ nitirãrẽ ne cãꞌrõacã ẽjõpeo, ejaqueꞌaticãꞌña. Na wãmerẽ pisu, wãmepeoticãꞌña.

Josué 24:19

Na tojo nicã tʉꞌogʉ, Josué aꞌtiro nicʉ niwĩ: —Mʉsã Õꞌacʉ̃rẽ añurõ ẽjõpeo, sirutupõtẽosome. Cʉ̃ añugʉ̃ waro, ñaꞌase moogʉ̃ nimi. Cʉ̃ diaꞌcʉ̃rẽ marĩ ẽjõpeocã ʉami. Ãpẽrãnojõrẽ ẽjõpeocã, doesami. Mʉsã cʉ̃rẽ yʉꞌrʉnʉꞌcãcã, mʉsã ñaꞌarõ weesere nʉꞌcãsome.

Jueces 2:19

Sʉꞌori nisetiri masʉ̃ wẽ́rĩ́ca beꞌro masã apaturi ñaꞌarõ weedojacãrã niwã. Na pacʉsʉmʉa yʉꞌrʉoro ñaꞌarõ weeseti, ãpẽrãnojõ Õꞌacʉ̃ nitirãnojõrẽ ẽjõpeoseticãrã niwã. Na ñaꞌarõ weesetisere ne duꞌuti, na wãcũsere dʉcayusĩꞌrĩticãrã niwã.