Éxodo 20:4 - Õꞌacʉ̃ Yere Ucũrĩ Turi

⁴ ”Ne queosere yee, ẽjõpeoticãꞌña. Ʉꞌmʉarõ cjase queosere, ne docapʉ aꞌti diꞌtapʉ nisere, maa pajiri maajopʉ nise queose quẽꞌrãrẽ yee ẽjõpeoticãꞌña.

Éxodo 20:4 Iomraidhean Croise

Éxodo 32:1

Beꞌro Israe curuacjãrã Moisé cʉ̃ ʉ̃rʉ̃gʉ̃pʉ mʉjãaꞌcʉre yoogocã ĩꞌarã, Aarṍ tiropʉ nerẽcãrã niwã. Cʉ̃rẽ aꞌtiro nicãrã niwã: —Sõꞌonícʉ Moisé marĩrẽ Egiptopʉ níꞌcãrãrẽ miitiꞌcʉ waro ¿deꞌro waꞌapari cʉ̃rẽ? Marĩ ne masĩtisaꞌa. Tojo weegʉ ʉ̃sã ẽjõpeoatje queosere yeebosaya. Marĩ dʉporo wʉamʉꞌtãrãsama. Na marĩ waꞌatji maꞌarẽ ĩꞌorãsama, nicãrã niwã.

Éxodo 32:23

Na yʉꞌʉre aꞌtiro niama: “Niꞌcʉ̃ ʉ̃sã ẽjõpeoacjʉ queose marĩrẽ sʉꞌori miacjʉre weebosaya. Sõꞌonícʉ Moisé marĩrẽ Egiptopʉre sʉꞌori miiwijatiꞌcʉre deꞌro waꞌaro waꞌapã. Masĩtisaꞌa”, niama.

Éxodo 32:4

Cʉ̃ tere ñeꞌe, ʉ̃jʉ̃asipiocʉ niwĩ. Na wecʉ wĩꞌmagʉ̃ queose wééca coꞌropʉ piosãcãrã niwã. Beꞌro te bʉꞌáca beꞌro wecʉ wĩꞌmagʉ̃ queose weronojõ bajugʉ wijacʉ niwĩ. Cʉ̃rẽ ĩꞌarã, masã aꞌtiro nicãrã niwã: —Israe curuacjãrã, ãꞌrĩ marĩ ẽjõpeogʉ nimi. Cʉ̃ta marĩrẽ Egiptopʉ níꞌcãrãrẽ sʉꞌori miiwijawĩ.

Éxodo 32:8

Na maata waro yʉꞌʉ weedutiꞌquere duꞌucãꞌma. Niꞌcʉ̃ wecʉ wĩꞌmagʉ̃ queosere uru meꞌrã ʉ̃jʉ̃asipio wĩorẽama. Cʉ̃rẽ eꞌcatipeorã, ejaqueꞌama. Tojo nicã, waꞌicʉrãrẽ wẽjẽ, cʉ̃rẽ ʉ̃jʉ̃amorõpeoama. Aꞌtiro ni ucũama: “Israe curuacjãrã, ãꞌrĩ marĩ ẽjõpeogʉ nimi. Cʉ̃ta Egipto diꞌtapʉre marĩrẽ sʉꞌori miiwijawĩ”, niama, nicʉ niwĩ Õꞌacʉ̃.

Éxodo 34:17

”Mʉsã ne cãꞌrõ Õꞌacʉ̃ nitirãrẽ cõme meꞌrã ʉ̃jʉ̃asipio wĩorẽꞌquere ẽjõpeoticãꞌña”, nicʉ niwĩ Õꞌacʉ̃. *****

Hechos 17:29

»Marĩ Õꞌacʉ̃ põꞌrã niꞌi nírã, cʉ̃rẽ “Uru, plata wãmetise meꞌrã yeeꞌcʉ nimi”, ni wãcũticãꞌrõʉaꞌa. Tojo nicã “Ʉ̃tãgã meꞌrã queose weeꞌcʉ nimi”, niticãꞌrõʉaꞌa. “Masã na wãcũrõ meꞌrã yeemeꞌrĩꞌcʉ nimi Õꞌacʉ̃”, niticãꞌrõʉaꞌa.

Romanos 1:23

Tojo weerã Õꞌacʉ̃ catinuꞌcũgʉ̃rẽ ẽjõpeotisama. Na apeyenojõ masã yeeꞌque boadijatje peꞌere ẽjõpeosama. Masã queose, mirĩcʉ̃a queose, waꞌicʉrã queose, pĩrõa queosere yee, ẽjõpeosama. Ne waropʉta tere weemʉjãti, niꞌcãrõacã quẽꞌrãrẽ mejãrõta weenuꞌcũma.

Apocalipse 16:2

Nimʉꞌtãgʉ̃ waꞌa, cʉ̃ ya pare diꞌtapʉ piodijowĩ. Tojo wééca beꞌro masã yai weronojõ bajugʉ wãmerẽ ojaõꞌonoꞌcãrãrẽ, cʉ̃ queosere ñubuepeorãrẽ aꞌtiro waꞌawʉ. Nipeꞌtirã ñaꞌase musũrĩtise cãmitirã dojowã. Pũrõ pũrĩnoꞌwã.

Apocalipse 9:20

Ãpẽrã masã pecameꞌe, oꞌme, azufre meꞌrã wẽrĩtirã peꞌe na ñaꞌarõ weesere ne duꞌutiwã. Na wãtĩarẽ ẽjõpeosere duꞌutiwã. Na ẽjõpeose yeeꞌque uru meꞌrã weeꞌque, plata meꞌrã weeꞌque, bronce meꞌrã weeꞌque, ʉ̃tãperi meꞌrã weeꞌque, yucʉpagʉ meꞌrã weeꞌquere ñubuepeoduꞌutiwã. Te queose na ẽjõpeose yeeꞌque peje ne ĩꞌati, ne tʉꞌoti, ne sijaweꞌe. Tojo nimicã, ne ñubuepeoduꞌutiwã.