Éxodo 19:8 - Õꞌacʉ̃ Yere Ucũrĩ Turi

⁸ Moisé tere werecã tʉꞌorã, Israe curuacjãrã niꞌcãrõnojõ wãcũseti, yʉꞌticãrã niwã: —Nipeꞌtise Õꞌacʉ̃ ʉ̃sãrẽ weedutiꞌquere weerãti, nicãrã niwã. Na tojo ni yʉꞌticã tʉꞌogʉ, Moisé na níꞌquere Õꞌacʉ̃rẽ weregʉ mʉjãcʉ niwĩ.

Éxodo 19:8 Iomraidhean Croise

Éxodo 20:19

Tojo weerã Moisére aꞌtiro nicãrã niwã: —Mʉꞌʉ ʉ̃sãrẽ ucũña. Mʉꞌʉ dutisere yʉꞌtirãti. Õꞌacʉ̃ cʉ̃ basu ʉ̃sãrẽ ucũticãꞌto. Cʉ̃ ʉ̃sã meꞌrã ucũcã pũrĩcãrẽ, ʉ̃sã wẽrĩbosaꞌa, nicãrã niwã.

Éxodo 24:3

Moisé masã tiropʉ waꞌa, nipeꞌtise Õꞌacʉ̃ níꞌquere, tojo nicã cʉ̃ dutiꞌquere masãrẽ weregʉ waꞌacʉ niwĩ. Cʉ̃ tojo werecã tʉꞌorã, nipeꞌtirãpʉta niꞌcãrõnojõ wãcũseti, yʉꞌticãrã niwã: —Nipeꞌtise Õꞌacʉ̃ ʉ̃sãrẽ weedutiꞌquere weerãti, nicãrã niwã.

Éxodo 24:7

Tuꞌajanʉꞌcõ, Moisé “Õꞌacʉ̃ masã meꞌrã aꞌtiro apogʉti” ni ojáca turipʉre mii, masãrẽ buꞌeĩꞌocʉ niwĩ. Tere tʉꞌorã, na peꞌe aꞌtiro nicãrã niwã: —Nipeꞌtise marĩ wiogʉ Õꞌacʉ̃ marĩrẽ weedutiꞌquere weerãti. Cʉ̃ dutisere yʉꞌtirãti, nicãrã niwã.

Éxodo 4:31

Masã tere ĩꞌarã, cʉ̃ níꞌquere ẽjõpeocãrã niwã. Õꞌacʉ̃ na piꞌetisere ĩꞌa, narẽ pajañaꞌcã tʉꞌorã, cʉ̃rẽ eꞌcatipeorã, ejaqueꞌacãrã niwã.

Josué 24:21

Masã Josuére aꞌtiro ni yʉꞌticãrã niwã: —Mʉꞌʉ tojo nírõnojõ waꞌasome. Ʉ̃sã Õꞌacʉ̃rẽ ẽjõpeo, cʉ̃ dutiro weerãti, nicãrã niwã.

Josué 24:24

Masã Josuére aꞌtiro yʉꞌticãrã niwã tja: —Ʉ̃sã Õꞌacʉ̃ marĩ wiogʉre ẽjõpeo, siruturãti. Cʉ̃ dutiro weerãti, nicãrã niwã.