Éxodo 19:5 - Õꞌacʉ̃ Yere Ucũrĩ Turi

⁵ Tojo weerã mʉsã yʉꞌʉ dutisere queoro yʉꞌtirã, marĩ niꞌcãrõ meꞌrã apoꞌquere queoro wéérã, nipeꞌtirã ãpẽrã masã yʉꞌrʉoro, yarã, yʉꞌʉ tʉꞌsarã nirãsaꞌa. Nipeꞌtirocjãrã yarãta nima, nírã peꞌe.

Éxodo 19:5 Iomraidhean Croise

Génesis 17:9

Apeyere ninemocʉ niwĩ tja: —Mʉꞌʉ peꞌema, aꞌtiro weecã ʉaꞌa. Tojo nicã mʉꞌʉ põꞌrã, mʉꞌʉ pãrãmerã nituriarã yʉꞌʉ weedutisere weerãsama.

Éxodo 15:26

Aꞌtiro nicʉ niwĩ: “Yʉꞌʉ Õꞌacʉ̃, mʉsã wiogʉ niꞌi. Mʉsãrẽ dutire yʉꞌrʉogʉ niꞌi. Mʉsã diacjʉ̃ta yʉꞌʉ dutisere yʉꞌticã, yʉꞌʉ tʉꞌsasenojõrẽ, yʉꞌʉ dutise cũuꞌquere queoro weecã, yʉꞌʉ Egiptocjãrãrẽ buꞌiri daꞌreꞌquenojõrẽ mʉsãrẽ ne cãꞌrõ weesome”, nicʉ niwĩ Õꞌacʉ̃.

Éxodo 24:7

Tuꞌajanʉꞌcõ, Moisé “Õꞌacʉ̃ masã meꞌrã aꞌtiro apogʉti” ni ojáca turipʉre mii, masãrẽ buꞌeĩꞌocʉ niwĩ. Tere tʉꞌorã, na peꞌe aꞌtiro nicãrã niwã: —Nipeꞌtise marĩ wiogʉ Õꞌacʉ̃ marĩrẽ weedutiꞌquere weerãti. Cʉ̃ dutisere yʉꞌtirãti, nicãrã niwã.

Éxodo 34:9

Cʉ̃rẽ eꞌcatipeogʉ, aꞌtiro ni sẽrĩcʉ niwĩ: —Wiogʉ, diacjʉ̃ta yʉꞌʉ weesere tʉꞌsagʉ, ʉ̃sãrẽ baꞌpatiya. Ãꞌrã masã yʉꞌrʉnʉꞌcãsepijarã nima. Tojo nimicã, ʉ̃sã ñaꞌasere, ʉ̃sã ñaꞌarõ weesere acobojoya. Ʉ̃sãrẽ mʉꞌʉ yarã masã tojacã weeya, ni sẽrĩcʉ niwĩ.

Éxodo 6:7

Mʉsã, yarã masã nirãsaꞌa. Yʉꞌʉ Õꞌacʉ̃, mʉsã wiogʉ nigʉ̃saꞌa. Tojo weese meꞌrã mʉsã yʉꞌʉre ‘Õꞌacʉ̃, ʉ̃sã wiogʉ nimi’, nirãsaꞌa. ‘Cʉ̃ta ʉ̃sãrẽ Egiptocjãrã dutise doca níꞌcãrãrẽ wijacã weeami; na tutuaro meꞌrã daꞌradutipesere wijataꞌami’, nirãsaꞌa.

Éxodo 8:22

Tojo waꞌari curare Gosén diꞌta peꞌema, yarã masã na nirõrẽ ne niꞌcʉ̃ nurũrũ marĩgʉ̃sami. Mʉꞌʉ faraṍ, te meꞌrã yʉꞌʉ Õꞌacʉ̃, aꞌti diꞌtapʉ nisere masĩgʉ̃saꞌa.

Éxodo 9:29

Moisé cʉ̃rẽ yʉꞌticʉ niwĩ: —Maata aꞌti macãpʉre wijagʉ, Õꞌacʉ̃rẽ sẽrĩ ñubuegʉ, ya omocãrẽ sĩomorõgʉ̃ti. Tojo weecã, aco bʉꞌaꞌque peri paca bʉrʉnemosome. Bʉpo paanemosome. Te meꞌrã nipeꞌtiro aꞌti nucũcã “Õꞌacʉ̃ ye niꞌi” nisere masĩrãsaꞌa.

1 Corintios 10:28

Topʉ nirĩ cura niꞌcʉ̃ Jesucristore ẽjõpeogʉ mʉsãrẽ aꞌtiro nibosami: “Aꞌte queose yeeꞌcãrãrẽ na ñubuepeoꞌque diꞌi niꞌi”, nibosami. Cʉ̃ tojo nicã, te diꞌire baꞌaticãꞌña. Cʉ̃ mʉsã baꞌacãma, mejẽcã wãcũbosami. Tojo wãcũticãꞌto nírã tojo weeya.

Tito 2:14

Jesucristo marĩ ñaꞌarõ weesere yʉꞌrʉweticã wéégʉ, wẽrĩbosacʉ niwĩ. Cʉ̃ marĩrẽ cʉ̃ yarã sãjãdutigʉ, ñaꞌase moorã niato nígʉ̃ tojo weecʉ niwĩ. Marĩrẽ eꞌcatise meꞌrã añurõ weeseticã ʉasami. Tojo weegʉ wẽrĩbosacʉ niwĩ.

Hebreos 11:8

Abrahã quẽꞌrã Õꞌacʉ̃rẽ ẽjõpeogʉ, aꞌtiro weecʉ niwĩ. Õꞌacʉ̃ cʉ̃rẽ ape diꞌtapʉ waꞌaduticã, yʉꞌticʉ niwĩ. Õꞌacʉ̃ cʉ̃rẽ oꞌoatjopʉ waꞌacʉ niwĩ. Cʉ̃ ya macãrẽ wijawãꞌcãgʉ̃, “Ti diꞌtapʉ waꞌagʉsaꞌa” nirṍ marĩrõ waꞌacʉ niwĩ.

Hebreos 8:9

Todʉporopʉ na ñecʉ̃sʉmʉa meꞌrã weegʉti ni apoꞌcaronojõ nisome. Narẽ Egiptopʉ níꞌcãrãrẽ yʉꞌʉ basu miiwijawʉ. Narẽ ‘Añurõ weegʉti’, nimiwʉ̃. Na peꞌe yʉꞌʉ dutiꞌquere weetiwã. Tojo weegʉ narẽ cõꞌawãꞌcãwʉ̃”, nicʉ niwĩ marĩ wiogʉ.

Josué 24:24

Masã Josuére aꞌtiro yʉꞌticãrã niwã tja: —Ʉ̃sã Õꞌacʉ̃ marĩ wiogʉre ẽjõpeo, siruturãti. Cʉ̃ dutiro weerãti, nicãrã niwã.

1 Pedro 2:9

Marĩ pũrĩcã na weronojõ niweꞌe. Õꞌacʉ̃ cʉ̃ yarã niato nígʉ̃ marĩrẽ besecʉ niwĩ. Tojo weerã marĩ wiogʉ yarã paꞌia weronojõ cʉ̃ yere daꞌrarã niꞌi. Õꞌacʉ̃ marĩrẽ cʉ̃ ya curuacjãrã sãjãcã weecʉ niwĩ. Ñaꞌase marĩrõ niseticã weecʉ niwĩ. Dʉporopʉ Õꞌacʉ̃ cʉ̃ yarã masã Israe curuacjãrãrẽ yʉꞌʉ wereꞌque pejere weecʉ niwĩ. Mʉsã Jesucristore ẽjõpeorã niꞌi. Tojo weegʉ mʉsãrẽ mejãrõta weemi. Õꞌacʉ̃ marĩrẽ añurõ weeꞌquere ãpẽrãrẽ weredutigʉ tojo weemi. Õꞌacʉ̃ añuyʉꞌrʉagʉ marĩ ñaꞌarõ weeꞌquere acobojomi. Acobojo, naꞌitĩꞌarõpʉ níꞌcãrãrẽ marĩrẽ yʉꞌrʉomi. Tojo weerã niꞌcãrõacãrẽ cʉ̃ põꞌrã boꞌreyuropʉ nirã́ weronojõ niꞌi.