Éxodo 18:4 - Õꞌacʉ̃ Yere Ucũrĩ Turi

⁴ Cʉ̃ acabiji peꞌe Eliezer wãmeticʉ niwĩ. Moisé aꞌtiro ni ucũyutojacʉ niwĩ: “Õꞌacʉ̃ yʉꞌʉ pacʉ ẽjõpeoꞌcʉ yʉꞌʉre weetamuwĩ. Faraṍ yʉꞌʉre wẽjẽboꞌcʉre yʉꞌrʉweticã weewĩ.” Tojo weegʉ dʉꞌsagʉre tojo wãme õꞌocʉ niwĩ.

Éxodo 18:4 Iomraidhean Croise

Génesis 49:25

Mʉꞌʉ pacʉ Jacob ẽjõpeogʉ Õꞌacʉ̃ mʉꞌʉrẽ weetamuato. Õꞌacʉ̃ tutuayʉꞌrʉnʉꞌcãgʉ̃, nipeꞌtise mʉꞌʉrẽ añurõ waꞌacã weeato. Nipeꞌtise añuse ʉꞌmʉse cjase meꞌrã mʉꞌʉrẽ añurõ waꞌacã weeato. Tojo nicã nipeꞌtise aco ʉ̃ꞌcʉ̃arõpʉ nise meꞌrã tojo weeato. Mʉꞌʉ pãrãmerã nituriarã pãjãrã masãputicã weeato. Tojo nicã, mʉꞌʉ ecarã quẽꞌrã mejãrõta pãjãrã masãputiato.

Éxodo 10:28

Apeyema faraṍ Moisére aꞌtiro nicʉ niwĩ: —Waꞌaya aꞌtore. Ne apaturi yʉꞌʉ tiro aꞌtiticãꞌña. Apaturi yʉꞌʉ tiro aꞌtigʉ, boa waꞌagʉsaꞌa.

Éxodo 2:15

Faraṍ cʉ̃ Egiptocjʉ̃rẽ wẽjẽꞌquere tʉꞌogʉ, Moisére wẽjẽsĩꞌrĩgʉ̃, cʉ̃rẽ ñeꞌeduticʉ nimiwĩ. Moisé peꞌe faraṍrẽ duꞌtigʉ, Madiã́ wãmetiropʉ nisetigʉ waꞌacʉ niwĩ. Topʉ etagʉ, aco wijari pe na seꞌéca pe pʉꞌto ejanujãcʉ niwĩ.

Éxodo 2:22

Beꞌro co nijĩpaco waꞌa, niꞌcʉ̃ macʉ̃tico niwõ. Moisé cʉ̃rẽ Gersón wãme õꞌocʉ niwĩ. “Yʉꞌʉ ãpẽrã ye diꞌtapʉre aperocjʉ̃ weronojõ tʉꞌoñaꞌa. Tojo weegʉ cʉ̃rẽ Gersón wãme õꞌoꞌo”, nicʉ niwĩ.

Éxodo 4:20

Cʉ̃ tojo nicã tʉꞌogʉ, Moisé cʉ̃ nʉmorẽ, cʉ̃ põꞌrãrẽ “Teꞌa” nígʉ̃, niꞌcʉ̃ wĩꞌmagʉ̃ burro buꞌipʉ narẽ miipeo, Egiptopʉ sʉꞌori dajatojaacʉ niwĩ. Tojo nicã tuacjʉ, Õꞌacʉ̃ cʉ̃rẽ miadutiꞌcʉre miacʉ niwĩ.

Hechos 12:11

Beꞌro cʉ̃ bajuduticãpʉta añurõ tʉꞌomasĩcʉ niwĩ. —Diacjʉ̃ta niapã yʉꞌʉ ĩꞌaꞌque. Nirõta Õꞌacʉ̃ yʉꞌʉre yʉꞌrʉdutigʉ, niꞌcʉ̃ cʉ̃rẽ werecoꞌtegʉre oꞌoapĩ Herode ñaꞌarõ weeticãꞌto nígʉ̃. Tojo nicã judío masã Jesure ẽjõpeotirã nipeꞌtise yʉꞌʉre ñaꞌarõ weesĩꞌrĩsere cãꞌmotaꞌagʉ oꞌoapĩ, nicʉ niwĩ Pedro.

Hechos 7:29

»Cʉ̃ tojo nicã tʉꞌogʉ, Moisé, ãꞌrã yʉꞌʉre tere masĩpeꞌtitojasama nígʉ̃, uiwãꞌcã waꞌacʉ niwĩ. Beꞌro ape diꞌtapʉ Madiã́ wãmetiropʉ duꞌtiwãꞌcãcʉ niwĩ. Topʉ omocã dʉꞌte, nicãꞌcʉ niwĩ. Pʉarã ʉmʉa põꞌrãticʉ niwĩ.

2 Timoteo 4:17

Õꞌacʉ̃ pũrĩcã yʉꞌʉre weetamuwĩ. Yʉꞌʉre tutuase oꞌowĩ. Tojo weegʉ wiorãrẽ yʉꞌʉ aꞌtiro werewʉ. Jesucristo masã ñaꞌarõ nisetiꞌquere yʉꞌrʉomi nise quetire narẽ werepeꞌocãꞌwʉ̃. Nipeꞌtirã aꞌti ʉmʉcocjãrã judío masã nitirã te quetire tʉꞌoato nígʉ̃ tojo werewʉ. Apeye quẽꞌrãrẽ Õꞌacʉ̃ yʉꞌʉre aꞌtiro weewĩ. Yaiwa baꞌanoꞌboꞌcʉre weronojõ wiose waꞌteropʉ nigʉ̃rẽ yʉꞌrʉweticã weewĩ.

Hebreos 11:34

Masãrẽ buꞌiri daꞌrerã, asipo ʉ̃jʉ̃awʉaropʉ sõrõcã quẽꞌrãrẽ, ne ʉ̃jʉ̃ticãrã niwã. Ãpẽrã narẽ diꞌpjĩ meꞌrã wẽjẽsĩꞌrĩcã, yʉꞌrʉweticãꞌcãrã niwã. Tutuatimiꞌcãrã, tutuarã waꞌacãrã niwã. Ape diꞌtacjãrã meꞌrã aꞌmequẽrã narẽ wapataꞌarã, nemorõ tutuayʉꞌrʉarã waꞌacãrã niwã. Narẽ ĩꞌatuꞌtirãrẽ docaqueꞌacã weecãrã niwã.

Hebreos 13:6

Tojo weerã diacjʉ̃ta ẽjõpeose meꞌrã aꞌtiro nímasĩꞌi: Marĩ wiogʉ yʉꞌʉre weetamumi. Ne niꞌcʉ̃ yʉꞌʉre ñaꞌarõ weesĩꞌrĩsere uiweꞌe, nímasĩꞌi.