Éxodo 18:23 - Õꞌacʉ̃ Yere Ucũrĩ Turi

²³ Aꞌte yʉꞌʉ werecasaꞌquere queoro wéégʉ, Õꞌacʉ̃ mʉꞌʉrẽ “Aꞌtere tojota weeya” nicã, mʉꞌʉ te daꞌrasere põtẽomasĩgʉ̃saꞌa. Mʉꞌʉ tojo weecã, masã eꞌcatise meꞌrã na ye wiꞌseripʉ dajatojaarãsama, ni werecasacʉ niwĩ Jetro.

Éxodo 18:23 Iomraidhean Croise

Génesis 18:33

Õꞌacʉ̃ Abrahã meꞌrã ucũtojanʉꞌcõ, waꞌa waꞌacʉ niwĩ. Abrahã quẽꞌrã cʉ̃ ya wiꞌipʉ dajatojaa waꞌacʉ niwĩ.

Génesis 30:25

Raquel Joseré wʉáca beꞌro Jacob mañecʉ̃ Labã́rẽ nicʉ niwĩ: —Yʉꞌʉre ya diꞌtapʉ dajatojaadutiya.

Éxodo 16:29

Aꞌtere masĩña. Yʉꞌʉ, mʉsã wiogʉ, mʉsãrẽ soodutigʉ, niꞌcã nʉmʉ cũuapʉ. Tojo weegʉ seis nʉmʉ nirĩ nʉmʉrẽ pʉa nʉmʉ baꞌasere oꞌogʉti. Ape nʉmʉ peꞌe mʉsãrẽ soodutiri nʉmʉ nicã, nipeꞌtirã mʉsã ye wiꞌseripʉ tojayá. Ne wijaaticãꞌña, nicʉ niwĩ Õꞌacʉ̃.

Éxodo 18:18

Mʉꞌʉ tojo weegʉ caributia waꞌagʉsaꞌa. Masã quẽꞌrã mʉꞌʉ meꞌrã nirã́ caributia waꞌarãsama. Tojo weese mʉꞌʉrẽ tutuayʉꞌrʉaꞌa. Mʉꞌʉ niꞌcʉ̃ta tere põtẽotisaꞌa.

Éxodo 18:22

Na nipeꞌtirã Israe curuacjãrãrẽ “Aꞌtiro peꞌe weeya”, ni dutinuꞌcũrãsama. Apeye na apomasĩtise diasase nicãma, mʉꞌʉ tiropʉ aporã aꞌtirãsama. Mejõ niseacãma, na basu aporãsama. Na aꞌtiro weecã, sõꞌowaro mʉꞌʉ piꞌetisome. Na mʉꞌʉrẽ sʉꞌori tere weetamurãsama.

Éxodo 18:24

Moisére cʉ̃ mañecʉ̃ “Tojo weeapa” níꞌcaronojõta tere queoro weecʉ niwĩ.

Hechos 15:2

Na tojo nicã tʉꞌorã, Pablo, Bernabé na meꞌrã ʉpʉtʉ aꞌmetuꞌticãrã niwã. Tojo weerã Antioquíacjãrã Jerusalẽ́pʉ oꞌórãtirã Pablo, Bernabére, ãpẽrã tocjãrãrẽ neo, besecãrã niwã. Narẽ aꞌtiro níoꞌocãrã niwã: —Jerusalẽ́pʉ waꞌaya. Jesú cʉ̃ ne waro besecṹúꞌcãrã, tojo nicã Jesure ẽjõpeorãrẽ sʉꞌori nirã́ tiro sẽrĩtiñaꞌrã waꞌaya. ¿Diacjʉ̃ta nimiapari to Judeacjãrã marĩrẽ wereꞌque? nicãrã niwã. Topʉ waꞌarã, Fenicia, Samaria waꞌase maꞌarĩpʉ yʉꞌrʉacãrã niwã. To yʉꞌrʉarã, judío masã nitirã Jesure ẽjõpeosere wereyʉꞌrʉamʉjãcãrã niwã. Te quetire tʉꞌorã, Jesure ẽjõpeorã pũrõ eꞌcaticãrã niwã.

Gálatas 2:2

Õꞌacʉ̃ yʉꞌʉre topʉ waꞌadutiwĩ. Tojo weegʉ waꞌawʉ. Jerusalẽ́pʉre eta, Jesucristore ẽjõpeorã wiorã meꞌrã diaꞌcʉ̃ nerẽ, ucũwʉ̃. Judío masã nitirãrẽ Jesucristo masãrẽ yʉꞌrʉomi nise queti, yʉꞌʉ buꞌeꞌquere narẽ werewʉ. Yʉꞌʉ ne waropʉ buꞌenʉꞌcãꞌquere, yʉꞌʉ niꞌcãrõacã buꞌesere ¿deꞌro nirãsari? nígʉ̃, werewʉ. Mʉꞌʉ buꞌese wapamarĩꞌi nirĩ nígʉ̃, wereñaꞌmiwʉ.