Éxodo 18:21 - Õꞌacʉ̃ Yere Ucũrĩ Turi

²¹ Israe curuacjãrã waꞌteropʉ ʉmʉa añurõ tʉꞌomasĩrãnojõrẽ, Õꞌacʉ̃rẽ wiopesase meꞌrã tʉꞌoñaꞌrãrẽ, tojo nicã queoro ucũ weesetirãnojõrẽ, “Noꞌo ʉaro weese meꞌrã wapataꞌarãti” ni wãcũtirãnojõrẽ beseya. Narẽ besegʉ, ãpẽrãrẽ mil masãrẽ dutiajãrẽ bese sõrõña. Ãpẽrãrẽ cien masãrẽ dutiajãrẽ beseya. Ãpẽrãrẽ cincuenta masãrẽ dutiajãrẽ beseya. Ãpẽrãrẽ diez masãrẽ dutiajãrẽ beseya.

Éxodo 18:21 Iomraidhean Croise

Génesis 22:12

—Mʉꞌʉ macʉ̃rẽ ne mejẽcã weeticãꞌña. Niꞌcãrõacã yʉꞌʉ masĩꞌi. Mʉꞌʉ yʉꞌʉre, “Yʉꞌʉ macʉ̃ niꞌcʉ̃ nigʉ̃rẽ mʉꞌʉrẽ oꞌosome”, ne nitiapʉ. Tojo weegʉ yʉꞌʉ masĩꞌi mʉꞌʉ yʉꞌʉre wiopesase meꞌrã ĩꞌaꞌa, nicʉ niwĩ.

Génesis 42:18

Iꞌtia nʉmʉ beꞌro José narẽ aꞌtiro nicʉ niwĩ: —Yʉꞌʉ Õꞌacʉ̃rẽ wiopesase meꞌrã ĩꞌaꞌa. Mʉsã aꞌtiro wéérã, catirãsaꞌa.

Génesis 47:6

Mʉꞌʉ aꞌti diꞌta Egiptore dutigʉ niꞌi. Tojo weegʉ Gosén añurĩ diꞌtare narẽ oꞌoya. Na ti diꞌtapʉ niato. Noꞌo mʉꞌʉ maꞌmisʉmʉa na wecʉa coꞌtemeꞌrĩrã nicã, narẽ te coꞌtesere sõrõña. Yarã wecʉa quẽꞌrãrẽ coꞌteato, nicʉ niwĩ.

Éxodo 17:9

Tojo weegʉ Moisé Josuére aꞌtiro nicʉ niwĩ: —Niꞌcãrẽrã ʉmʉarẽ beseya. Bese, amaleca masã meꞌrã aꞌmewẽjẽgʉ̃ waꞌaya. Yʉꞌʉ ñamiacãrẽ aꞌtigʉ ʉ̃rʉ̃gʉ̃ dʉposãrĩpʉ nigʉ̃ti. Topʉre tuacjʉ Õꞌacʉ̃ yʉꞌʉre miadutiꞌcʉ meꞌrã nuꞌcũgʉ̃ti, nicʉ niwĩ.

Éxodo 18:25

Tojo weegʉ Israe curuacjãrãrẽ “Ãꞌrãta tʉꞌomasĩma”, ni besecʉ niwĩ. Narẽ dutise cṹúgʉ̃, mil masãrẽ, cien masãrẽ, cincuenta masãrẽ, diez masãrẽ dutiajãrẽ besecʉ niwĩ.

San Lucas 18:2

Aꞌtiro nicʉ niwĩ: —Niꞌcã macãpʉ niꞌcʉ̃ beseri masʉ̃ uamʉ Õꞌacʉ̃rẽ ẽjõpeotigʉ, ãpẽrãrẽ ne wãcũmaꞌatigʉ nisami.

San Lucas 18:4

Yoacã pejetiri beseri masʉ̃ core weetamusĩꞌrĩtisami. Beꞌro aꞌtiro wãcũsami: “Yʉꞌʉ Õꞌacʉ̃rẽ ẽjõpeoweꞌe, ẽjõpeogʉ. Ne ãpẽrã quẽꞌrãrẽ ‘Na nima,’ ni ẽjõpeoweꞌe.

Hechos 20:33

Yʉꞌʉ ne ʉotiwʉ ãpẽrã ye niyerure, na ye suꞌtire.

Hechos 6:3

Tojo weerã ʉmʉa baꞌase etiajãrẽ mʉsã waꞌtero nirãrẽ beseya. Siete beseya añurõ masĩrãrẽ, Espíritu Santu dutiro weenuꞌcũrãrẽ. Masã “Náta nima añurã” ninoꞌrãrẽ beseya. Mʉsã beseꞌcãrãrẽ baꞌase etirã sõrõnoꞌrõsaꞌa.

1 Timoteo 3:3

Tojo nicã queꞌagʉ, cumucabʉcʉ niticãꞌrõʉaꞌa. Tojo weronojõ oꞌogʉ, tuꞌtiro marĩrõ masãrẽ queoro weegʉnojõ nirõʉaꞌa. Aꞌmequẽsere ʉatigʉ, niyerure ʉaripejatigʉnojõ nirõʉaꞌa.