Éxodo 16:31 - Õꞌacʉ̃ Yere Ucũrĩ Turi

³¹ Israe curuacjãrã na baꞌase seeneosere maná wãme pisucãrã niwã. Te cilantro wãmetise cape weronojõ butise peri bajucaro niwʉ̃. Pʉ̃ꞌarṍ ʉsemerĩseacã mumiaco meꞌrã weeꞌque weronojõ iꞌpitimeꞌrĩcãꞌcaro niwʉ̃.

Éxodo 16:31 Iomraidhean Croise

Éxodo 16:14

Beꞌro te ñocõa ʉꞌseco bopóca beꞌro, te diꞌa diaꞌcʉ̃ bʉꞌa bopoqueꞌaꞌque masã marĩrõ, yucʉ marĩrõpʉre nucũcãpʉ cũñacaro niwʉ̃.

Éxodo 16:15

Na Israe curuacjãrã tere ne ĩꞌamasĩtirã, “¿Ñeꞌenojõ niti?”, ni aꞌmerĩ sẽrĩtiñaꞌcãrã niwã. Moisé narẽ nicʉ niwĩ: —Aꞌte mʉsã pã́ weeatje Õꞌacʉ̃ cʉ̃ oꞌose niꞌi.

Éxodo 16:30

Tojo weerã siete nʉmʉ nirĩ nʉmʉrẽ soocãrã niwã.

Éxodo 16:32

Moisé narẽ aꞌtiro nicʉ niwĩ: —Õꞌacʉ̃ aꞌtiro weedutiami: “Pʉa kilo ejatuaro see, nʉrõña. Tere mʉsã pãrãmerã nituriarãpʉre mʉsã masã marĩrõ, yucʉ marĩrõpʉ nícaterore yʉꞌʉ baꞌase oꞌoꞌquere ĩꞌarãsama. Yʉꞌʉ mʉsãrẽ Egiptopʉ miiwijacã oꞌoꞌquere ĩꞌarãsama”, niami, nicʉ niwĩ Moisé.