Éxodo 16:21 - Õꞌacʉ̃ Yere Ucũrĩ Turi

²¹ Beꞌro ʉmʉcorinʉcʉ̃ ñamicurere nipeꞌtirã na baꞌaro ejatuaro seeneocãrã niwã. Mujĩpũ asiro meꞌrã te acoapeꞌtiacaro niwʉ̃.

Éxodo 16:21 Iomraidhean Croise

Éxodo 16:20

Moisé tojo nimicã, ãpẽrã cʉ̃ níꞌquere yʉꞌrʉnʉꞌcãcãrã niwã. “Ape nʉmʉpʉ baꞌarãti” nírã, dʉꞌacãrã niwã. Te na dʉꞌaꞌque becoa boa waꞌa, ʉ̃rĩa waꞌacaro niwĩ. Tere ĩꞌagʉ̃, Moisé na meꞌrã ua waꞌacʉ niwĩ.

Éxodo 16:22

Niꞌcãmocʉse nʉmʉrĩ beꞌro cja nʉmʉrẽ pʉa nʉmʉ baꞌatjere weronojõ seeneocãrã niwã. Baꞌparitise kilo niꞌcʉ̃ baꞌatjere seeneocãrã niwã. Na tojo weecã ĩꞌarã, Israe curuacjãrãrẽ sʉꞌori nisetiri masã Moisé tiropʉ waꞌa, cʉ̃rẽ werecãrã niwã.

Mateus 6:33

Tojo weerã Õꞌacʉ̃ yere wãcũyʉꞌrʉnʉꞌcãña. Tojo nicã cʉ̃ dutisere weesirutuya. Tojo weecã, nipeꞌtise mʉsãrẽ dʉꞌsasenojõrẽ oꞌobuꞌipeogʉsami.

San Juan 12:35

Jesú narẽ niwĩ: —Yʉꞌʉ aꞌti nucũcãcjãrãrẽ sĩꞌose weronojõ niꞌi. Yʉꞌʉ masãrẽ Õꞌacʉ̃ yere añurõ masĩcã weeꞌe. Yoaticã mʉsã meꞌrã nigʉ̃saꞌa. Yʉꞌʉ aꞌtopʉ nirĩ curare mʉsã yʉꞌʉ buꞌesere ẽjõpeoya. Tojo weerã mʉsã wãcũña marĩrõ naꞌitĩꞌarõpʉ sijarã weronojõ waꞌasome. Yʉꞌʉre ẽjõpeotirã naꞌitĩꞌarõpʉ nirã́ weronojõ nima. Na weesere “Aꞌtiro peꞌe ʉaꞌa”, nímasĩtisama.

2 Corintios 6:2

Õꞌacʉ̃ ye queti ojáca pũrĩpʉ cʉ̃ ucũꞌquere aꞌtiro ni ojanoꞌwʉ̃: Yʉꞌʉ masãrẽ añurõ weeritero nicã, mʉꞌʉ sẽrĩsere tʉꞌowʉ. Yʉꞌʉ yʉꞌrʉoritero nicã quẽꞌrãrẽ, mʉꞌʉrẽ yʉꞌrʉowʉ, nicʉ niwĩ Õꞌacʉ̃. Tʉꞌoya. Niꞌcãrõacã cʉ̃ tojo weeritero niꞌi. Niꞌcãrõacã cʉ̃ yʉꞌrʉosĩꞌrĩsami.