Éxodo 15:25 - Õꞌacʉ̃ Yere Ucũrĩ Turi

²⁵ Tere tʉꞌogʉ, Moisé Õꞌacʉ̃rẽ weetamuse ʉpʉtʉ sẽrĩcʉ niwĩ. Cʉ̃ peꞌe niꞌcã yucʉdʉpʉ ĩꞌocʉ niwĩ. Moisé ti dʉpʉre acopʉ doqueñocʉ niwĩ. Cʉ̃ tojo weecãta, aco iꞌpitise waꞌacaro niwʉ̃. Õꞌacʉ̃ narẽ “¿Yʉꞌʉ dutiro weerãsari?” nígʉ̃, tojo weecʉ niwĩ. Topʉta niꞌcã dutiro na añurõ weesetiatjere cũucʉ niwĩ.

Éxodo 15:25 Iomraidhean Croise

Éxodo 14:10

Israe curuacjãrã faraṍ, tojo nicã Egiptocjãrã na pʉꞌto aꞌticã ĩꞌarã, ʉcʉacãrã niwã. Tojo weerã Õꞌacʉ̃rẽ weetamuse ʉpʉtʉ sẽrĩcãrã niwã.

Éxodo 16:4

Na tojo ucũcã tʉꞌogʉ, Õꞌacʉ̃ Moisére nicʉ niwĩ: —Yʉꞌʉ mʉsãrẽ ʉꞌmʉse cjase baꞌase acoro pejaro weronojõ dijaticã weegʉti. Masã ʉmʉcorinʉcʉ̃ te baꞌasere miirã waꞌarãsama. Na niꞌcã nʉmʉrẽ baꞌatje ejatuaro seerãsama. Te meꞌrã “¿Noanojõ yʉꞌʉ dutiꞌquere queoro weeti, noa yʉꞌrʉnʉꞌcãti?” nímasĩgʉ̃saꞌa.

Éxodo 17:4

Moisé tere tʉꞌogʉ, Õꞌacʉ̃rẽ ʉpʉtʉ sẽrĩgʉ̃, aꞌtiro nicʉ niwĩ: —¿Yʉꞌʉ deꞌro weegʉsari ãꞌrã masã meꞌrã? Cãꞌrõacã dʉꞌsaꞌa na ʉ̃tãperi meꞌrã yʉꞌʉre doque wẽjẽatjo, nicʉ niwĩ.

Éxodo 20:20

Moisé narẽ yʉꞌticʉ niwĩ: —Mʉsã uiticãꞌña. Õꞌacʉ̃ marĩrẽ diacjʉ̃ta yʉꞌʉre ẽjõpeomiti nígʉ̃, aꞌtiami. Mʉsã cʉ̃rẽ wiopesase meꞌrã wãcũcã ʉagʉ, cʉ̃rẽ yʉꞌrʉnʉꞌcã, ñaꞌarõ weeticãꞌto nígʉ̃, aꞌtiami.

1 Corintios 1:18

Jesucristo ye queti aꞌtiro niꞌi. Cʉ̃ marĩrẽ yʉꞌrʉosĩꞌrĩgʉ̃, curusapʉ wẽrĩcʉ niwĩ. Tereta Jesucristore ẽjõpeotirã pecameꞌepʉ waꞌajã aꞌtiro nisama cʉ̃ wẽrĩꞌquere: “Tojo nimaꞌacãrõ weeꞌe”, nisama. Marĩ cʉ̃ yʉꞌrʉonoꞌcãrã peꞌema Cristo curusapʉ wẽrĩꞌque queti añuse niꞌi. Te queti meꞌrã Õꞌacʉ̃ tutuasere ĩꞌanoꞌo.

Jueces 2:22

Na ñecʉ̃sʉmʉa yʉꞌʉre ẽjõpeoꞌcaronojõta ẽjõpeorãsari nígʉ̃, apeye macãrĩcjãrãrẽ cõꞌasome yujupʉ”, nicʉ niwĩ.

Jueces 3:1

Israe curuacjãrã Canaá diꞌtacjãrã meꞌrã aꞌmewẽjẽcaterore pãjãrã Israe curuacjãrã pãrãmerã bajuaticãrã niwã yujupʉ. Na yʉꞌʉre ẽjõpeorãsari nígʉ̃, ãpẽrã ti diꞌtacjãrãrẽ Õꞌacʉ̃ cõꞌawĩrõticʉ niwĩ.

Jueces 3:4

Õꞌacʉ̃ “¿Israe curuacjãrã na ñecʉ̃sʉmʉarẽ Moisé meꞌrã yʉꞌʉ dutise cũuꞌquere yʉꞌtirãsari?” nígʉ̃, Canaácjãrãrẽ ti diꞌtapʉ tojacã weecʉ niwĩ.