Éxodo 15:11 - Õꞌacʉ̃ Yere Ucũrĩ Turi

¹¹ Wiogʉ, ne niꞌcʉ̃ ãpẽrã ẽjõpeogʉnojõ mʉꞌʉrẽ niꞌcãrõwijimasĩtimi. Nipeꞌtirã yʉꞌrʉoro tutuayʉꞌrʉnʉꞌcãꞌa. Ne niꞌcʉ̃ mʉꞌʉ weronojõ ñaꞌase moogʉ̃ marĩmi. Añuse, wiopesase weeĩꞌogʉ̃ niꞌi. Tojo weerã nipeꞌtirã masã mʉꞌʉrẽ ‘Añuyʉꞌrʉami’, ni basapeoato.

Éxodo 15:11 Iomraidhean Croise

Éxodo 18:11

Egiptocjãrã mʉsãrẽ ñaꞌabutiaro daꞌradutipecã, Õꞌacʉ̃ mʉsãrẽ yʉꞌrʉweticã weeapĩ. Tojo weegʉ niꞌcãrõacã yʉꞌʉ masĩꞌi. Õꞌacʉ̃ nipeꞌtirã ãpẽrã masã na ẽjõpeorãnojõ yʉꞌrʉoro tutuayʉꞌrʉnʉꞌcãmi, nicʉ niwĩ Jetro.

Éxodo 20:3

”Yʉꞌʉ niꞌcʉ̃rẽta ẽjõpeoya. Ne ãpẽrãnojõrẽ ẽjõpeoticãꞌña.

Éxodo 3:20

Tojo weegʉ yʉꞌʉ tutuasere ĩꞌogʉ̃, peje ĩꞌa ʉcʉase meꞌrã Egiptocjãrãrẽ buꞌiri daꞌregʉti. Tojo wééca beꞌro faraṍ mʉsãrẽ duꞌuwĩrõgʉ̃sami.

Éxodo 8:10

—Ñamiacãta sẽrĩbaqueꞌoya, nicʉ niwĩ faraṍ. Moisé peꞌe cʉ̃rẽ yʉꞌticʉ niwĩ: —Mʉꞌʉ nírõnojõta waꞌarosaꞌa. Te meꞌrã ne apĩ Õꞌacʉ̃ ʉ̃sã wiogʉ weronojõ tutuagʉ marĩmi nisere masĩgʉ̃saꞌa.

Éxodo 8:6

Tere tʉꞌogʉ, Aarṍ Egipto diꞌtapʉ nise aco buꞌipʉ cʉ̃ tuacjʉre sĩ́oo, wẽjẽtuocʉ niwĩ. Cʉ̃ tojo weecã, oma pãjãrã nipeꞌtiro ti diꞌtapʉre tuuseꞌsa waꞌacãrã niwã.

Éxodo 9:14

Niꞌcãrõacãma mʉꞌʉrẽ, mʉꞌʉ docacjãrã wiorãrẽ, mʉꞌʉ yarã masãrẽ ʉpʉtʉ waro buꞌiri daꞌregʉti. Te meꞌrã mʉꞌʉ masĩgʉ̃saꞌa ne apĩ aꞌti diꞌtapʉre yʉꞌʉ weronojõ nigʉ̃́ marĩmi.

San Lucas 12:5

Mʉsãrẽ “Ãꞌrĩ peꞌere uiya”, nigʉ̃ti. Õꞌacʉ̃ marĩ wẽ́rĩ́ca beꞌro pecameꞌepʉ cõꞌabutiamasĩsami. Cʉ̃ tojo weegʉ́ pũrĩcãrẽ uiya.

Apocalipse 13:4

Masã pĩrõ quẽꞌrãrẽ ñubuepeowã. Cʉ̃ mejẽcã bajugʉre masãrẽ dutimasĩsere oꞌose buꞌiri tojo weewã. Mejẽcã bajugʉre ñubuepeorã, aꞌtiro niwã: —Ne ãꞌrĩ weronojõ tutuayʉꞌrʉgʉ marĩmi. Ne niꞌcʉ̃ cʉ̃ meꞌrã aꞌmewẽjẽmasĩtisami, ni ẽjõpeowã.

Apocalipse 15:4

¿Noanojõ mʉꞌʉrẽ uitibosari? ¿Noa mʉꞌʉrẽ ñubuepeotibosari? Mʉꞌʉ niꞌcʉ̃ta ñaꞌase moogʉ̃ niꞌi. Nipeꞌtise macãrĩcjãrã mʉꞌʉrẽ ñubuepeorãsama. Mʉꞌʉ queoro weeꞌquere ĩꞌarã, na tojo weerãsama, ni basawã.

Apocalipse 4:8

Nipeꞌtirã nánʉcʉ̃ seis wʉʉse cʉowã. Na wʉʉse buꞌi, na wʉʉse docapʉ caperi weronojõ bajuse peje cʉowã. Na ʉmʉcore, ñamirẽ aꞌtiro bʉsʉnuꞌcũwã: Õꞌacʉ̃ marĩ wiogʉ añubutiagʉ, ñaꞌase moogʉ̃ nimi. Tutuayʉꞌrʉgʉ nimi. Cʉ̃́ta nimi ne waropʉta níꞌcʉ. Aꞌtiro nicã quẽꞌrãrẽ ninuꞌcũcãꞌmi. Beꞌropʉ quẽꞌrãrẽ apaturi aꞌtigʉsami, niwã.