Éxodo 15:1 - Õꞌacʉ̃ Yere Ucũrĩ Turi

¹ Õꞌacʉ̃ Egiptocjãrãrẽ maajopʉ miopeꞌocã ĩꞌarã, Moisé, tojo nicã Israe curuacjãrã aꞌte basasere cʉ̃rẽ basapeocãrã niwã: “Õꞌacʉ̃ añubutiaro cʉ̃ waparãrẽ docaqueꞌacã weewĩ. Cabayua pesaꞌcãrãrẽ pajiri maajopʉ doqueñojã, mirĩdijacã weewĩ. Tere wãcũgʉ̃, cʉ̃rẽ basapeogʉti.

Éxodo 15:1 Iomraidhean Croise

Éxodo 14:26

Beꞌro Õꞌacʉ̃ Moisére nicʉ niwĩ: —Mʉꞌʉ ya omocãrẽ ti maajopʉre sĩ́oña tja. Mʉꞌʉ tojo weecã, aco dʉcawaanʉꞌcõmiꞌque Egiptocjãrã buꞌipʉ paamio, na ye tũrũsepawʉ, na surara cabayua buꞌipʉ níꞌcãrãrẽ miopeꞌorosaꞌa, nicʉ niwĩ.

Éxodo 14:27

Tojo weegʉ Moisé cʉ̃ ya omocãrẽ ti maajo buꞌipʉ sĩ́ocʉ niwĩ. Boꞌreari cura mejãrõta ti maajo níꞌcaronojõta tojacaro niwʉ̃. Na Egiptocjãrã duꞌtisĩꞌrĩmirã, aco paamionoꞌcãrã niwã. Tojo wee Õꞌacʉ̃ narẽ ti maapʉ miodijocʉ niwĩ.

Éxodo 15:21

Co peꞌe narẽ sʉꞌori basaco niwõ: “Õꞌacʉ̃rẽ basapeoya. Cʉ̃rẽ ĩꞌatuꞌtiꞌcãrãrẽ docaqueꞌacã weewĩ. Dia pajiri maajopʉ, cabayuare, surara na buꞌipʉ pesaꞌcãrãrẽ mirĩdijacã weewĩ”, ni basaco niwõ.

Éxodo 18:11

Egiptocjãrã mʉsãrẽ ñaꞌabutiaro daꞌradutipecã, Õꞌacʉ̃ mʉsãrẽ yʉꞌrʉweticã weeapĩ. Tojo weegʉ niꞌcãrõacã yʉꞌʉ masĩꞌi. Õꞌacʉ̃ nipeꞌtirã ãpẽrã masã na ẽjõpeorãnojõ yʉꞌrʉoro tutuayʉꞌrʉnʉꞌcãmi, nicʉ niwĩ Jetro.

Colosenses 2:15

Jesucristo cʉ̃ wẽrĩse meꞌrã nipeꞌtirã ĩꞌorõpʉ wãtĩarẽ docaqueꞌacã weecʉ niwĩ.

Apocalipse 15:3

Na Õꞌacʉ̃rẽ daꞌracoꞌtegʉ Moisé ye basasere basapeowã. Õꞌacʉ̃ macʉ̃ oveja wĩꞌmagʉ̃ weronojõ bajugʉ ye basase quẽꞌrãrẽ basapeowã. Aꞌtiro niwã: Õꞌacʉ̃ ʉ̃sã wiogʉ, mʉꞌʉ tutuayʉꞌrʉgʉ niꞌi. Nipeꞌtise mʉꞌʉ weeꞌque añubutiase paca niꞌi. Tere ĩꞌarã, ʉ̃sã ĩꞌamarĩa waꞌaꞌa. Mʉꞌʉ nipeꞌtise macãrĩcjãrã wiogʉ niꞌi. Mʉꞌʉ weesetise queoro niꞌi. Mʉꞌʉrẽ ne nisoose marĩꞌi.