Éxodo 14:11 - Õꞌacʉ̃ Yere Ucũrĩ Turi

¹¹ Moisére aꞌtiro nicãrã niwã: —¿Egiptopʉre masã wẽrĩcã yaase peri marĩrĩ? ¿Ʉ̃sãrẽ topʉ níꞌcãrãrẽ aꞌto masã marĩrõ, yucʉ marĩrõpʉ wẽrĩdutigʉ miitiri? ¿Deꞌro weeacjʉ Egiptopʉ níꞌcãrãrẽ aꞌtopʉ miitiri?

Éxodo 14:11 Iomraidhean Croise

Génesis 43:6

Tere tʉꞌogʉ, Jacob nicʉ niwĩ: —Mʉsã yʉꞌʉre ¿deꞌro weerã tocãꞌrõ ñaꞌarõ weeati? ¿Deꞌro weerã cʉ̃rẽ “Ʉ̃sã acabiji nitʉogʉpʉ niami”, ni wereri?

Éxodo 13:17

Faraṍ Israe curuacjãrãrẽ duꞌuwĩrõcaterore Õꞌacʉ̃ narẽ filisteo masã nirĩ diꞌta yʉꞌrʉtẽrĩrĩ maꞌapʉ miaticʉ niwĩ. Ti maꞌa diacjʉ̃ca maꞌa nimicã, aꞌtiro wãcũcʉ niwĩ: “Filisteo masã na meꞌrã aꞌmewẽjẽsĩꞌrĩcã, na uirã, aꞌmewẽjẽrõnojõ oꞌorã, Egiptopʉ dajatojabosama”, nicʉ niwĩ.

Éxodo 32:1

Beꞌro Israe curuacjãrã Moisé cʉ̃ ʉ̃rʉ̃gʉ̃pʉ mʉjãaꞌcʉre yoogocã ĩꞌarã, Aarṍ tiropʉ nerẽcãrã niwã. Cʉ̃rẽ aꞌtiro nicãrã niwã: —Sõꞌonícʉ Moisé marĩrẽ Egiptopʉ níꞌcãrãrẽ miitiꞌcʉ waro ¿deꞌro waꞌapari cʉ̃rẽ? Marĩ ne masĩtisaꞌa. Tojo weegʉ ʉ̃sã ẽjõpeoatje queosere yeebosaya. Marĩ dʉporo wʉamʉꞌtãrãsama. Na marĩ waꞌatji maꞌarẽ ĩꞌorãsama, nicãrã niwã.

Éxodo 5:21

Narẽ aꞌtiro nicãrã niwã: —Õꞌacʉ̃ mʉsã weepetíyeꞌquere ĩꞌa, mʉsãrẽ buꞌiri daꞌreato. Faraṍ, tojo nicã ãpẽrã cʉ̃rẽ sʉꞌori daꞌrase dutiri masã ʉ̃sãrẽ ñaꞌarõ ĩꞌatuꞌtima. Mʉsã basuta cʉ̃rẽ diꞌpjĩ oꞌo, ʉ̃sãrẽ wẽjẽdutirã weronojõ weeapã. Tojo weerã mʉsãta buꞌiritiꞌi, nicãrã niwã.

Éxodo 5:22

Na tojo nicã tʉꞌogʉ, Moisé Õꞌacʉ̃rẽ aꞌtiro ni ñubue, sẽrĩcʉ niwĩ: —Wiogʉ, ¿deꞌro weegʉ mʉꞌʉ ãꞌrã masãrẽ ñaꞌarõ weeti? ¿Deꞌro weedutigʉ yʉꞌʉre aꞌtopʉ aꞌtidutiati?