Éxodo 12:31 - Õꞌacʉ̃ Yere Ucũrĩ Turi

³¹ Ti ñamita faraṍ Moisére, Aarṍrẽ pijidutioꞌocʉ niwĩ. Narẽ aꞌtiro nicʉ niwĩ: —Aꞌtore yarã masã meꞌrã ninemoticãꞌña. Wijaya. Mʉsã, nipeꞌtirã Israe curuacjãrã meꞌrã waꞌaya. Mʉsã níꞌcaronojõta mʉsã wiogʉ Õꞌacʉ̃rẽ eꞌcatipeorã waꞌaya.

Éxodo 12:31 Iomraidhean Croise

Éxodo 10:29

Cʉ̃ tojo nicã tʉꞌogʉ, Moisé faraṍrẽ yʉꞌticʉ niwĩ: —Añurõ wéégʉ, tojo niꞌi. Apaturi mʉꞌʉrẽ ĩꞌanemosome, nicʉ niwĩ Moisé.

Éxodo 10:9

Moisé yʉꞌticʉ niwĩ: —Ʉ̃sãpʉma Õꞌacʉ̃ ya bosenʉmʉ pajiri bosenʉmʉ nirõ weeꞌe. Tojo weerã wĩꞌmarã, maꞌmapjia, bʉcʉrã ʉ̃sã meꞌrã waꞌarãsama. Tojo nicã ʉ̃sã yarã ovejare, wecʉare miarãsaꞌa.

Éxodo 11:1

Õꞌacʉ̃ Moisére nicʉ niwĩ: —Niꞌcãti faraṍrẽ, tojo nicã Egiptocjãrã masãrẽ buꞌiri daꞌretʉogʉtigʉ weeꞌe majã. Aꞌte beꞌro faraṍ mʉsãrẽ duꞌuoꞌogʉsami, duꞌuoꞌogʉ peꞌe. Mejõ nipeꞌtise mʉsã ye meꞌrã cõꞌawĩrõbutiagʉsami.

Éxodo 11:8

Beꞌro nipeꞌtirã mʉꞌʉ doca wiorã nirã́ yʉꞌʉ tiro aꞌti, ejaqueꞌatjĩarã, “Waꞌagʉsaꞌa nipeꞌtirã Israe curuacjãrã meꞌrã”, nirãsama. Na yʉꞌʉre tojo niticãma, yʉꞌʉ waꞌasome, nicʉ niwĩ Moisé. Tojo nitoja, Moisé uase meꞌrã faraṍ ya wiꞌire wijaa waꞌacʉ niwĩ.

Éxodo 12:39

Egiptocjãrã Israe curuacjãrãrẽ sojaro meꞌrã waꞌaduticãrã niwã. Tojo weerã Israe curuacjãrã na baꞌatjere apoyuticãrã niwã. Na pã́ weeatje bʉcʉase marĩrõ na Egiptopʉ miitiꞌque meꞌrã opa caseri wee, pʉ̃ꞌobaꞌacãrã niwã.

Éxodo 6:1

Moisé Õꞌacʉ̃rẽ sẽ́rĩ́ca beꞌro Õꞌacʉ̃ aꞌtiro ni yʉꞌticʉ niwĩ: —Niꞌcãrõacã mʉꞌʉ yʉꞌʉ faraṍrẽ weeatjere ĩꞌagʉ̃saꞌa. Yʉꞌʉ tutuase meꞌrã narẽ wijacã weegʉti. Yʉꞌʉ tutuasere ĩꞌagʉ̃, Egiptopʉ nirãrẽ wijadutigʉsami, nicʉ niwĩ Õꞌacʉ̃.

Éxodo 8:25

Tojo waꞌacã, faraṍ Moisére, Aarṍrẽ pijidutioꞌocʉ niwĩ. Aꞌtiro nicʉ niwĩ: —Õꞌacʉ̃rẽ waꞌicʉrãrẽ wẽjẽ, ʉ̃jʉ̃amorõpeorã waꞌaya. Mejõ aꞌti diꞌtapʉre wijaticãꞌña.

Éxodo 8:8

Tere ĩꞌagʉ̃, faraṍ Moisére, Aarṍrẽ pijidutioꞌocʉ niwĩ. Aꞌtiro nicʉ niwĩ: —Mʉsã wiogʉ Õꞌacʉ̃rẽ oma yʉꞌʉ, tojo nicã yarã masã tiro nirãrẽ peꞌticã weedutiya. Mʉꞌʉ tojo weecã, mʉꞌʉ yarã masãrẽ waꞌicʉrãrẽ wẽjẽ, Õꞌacʉ̃rẽ ʉ̃jʉ̃amorõpeodutigʉ duꞌuoꞌogʉti, nicʉ niwĩ.