Éxodo 11:1 - Õꞌacʉ̃ Yere Ucũrĩ Turi

¹ Õꞌacʉ̃ Moisére nicʉ niwĩ: —Niꞌcãti faraṍrẽ, tojo nicã Egiptocjãrã masãrẽ buꞌiri daꞌretʉogʉtigʉ weeꞌe majã. Aꞌte beꞌro faraṍ mʉsãrẽ duꞌuoꞌogʉsami, duꞌuoꞌogʉ peꞌe. Mejõ nipeꞌtise mʉsã ye meꞌrã cõꞌawĩrõbutiagʉsami.

Éxodo 11:1 Iomraidhean Croise

Génesis 15:14

Narẽ tojo weemicã, yʉꞌʉ tocjãrã narẽ daꞌradutiperãrẽ buꞌiri daꞌregʉti. Beꞌro na tojo piꞌetiꞌcãrã nimirã, ti diꞌtapʉ nimiꞌcãrã wijarãsama. Peje apeque meꞌrã wijarãsama.

Éxodo 12:29

Ñami deco nicã, Õꞌacʉ̃ nipeꞌtirã Egiptocjãrã masã maꞌmisʉmʉarẽ wẽjẽcʉ niwĩ. Faraṍ ti diꞌta wiogʉ macʉ̃ masã maꞌmi meꞌrã wẽjẽnʉꞌcã, téé buꞌiri daꞌreri wiꞌipʉ dujirã põꞌrã masã maꞌmisʉmʉapʉre wẽjẽtʉocʉ niwĩ. Tojo nicã waꞌicʉrã bajuamʉꞌtãꞌcãrãrẽ wẽjẽcʉ niwĩ.

Éxodo 3:20

Tojo weegʉ yʉꞌʉ tutuasere ĩꞌogʉ̃, peje ĩꞌa ʉcʉase meꞌrã Egiptocjãrãrẽ buꞌiri daꞌregʉti. Tojo wééca beꞌro faraṍ mʉsãrẽ duꞌuwĩrõgʉ̃sami.

Éxodo 6:1

Moisé Õꞌacʉ̃rẽ sẽ́rĩ́ca beꞌro Õꞌacʉ̃ aꞌtiro ni yʉꞌticʉ niwĩ: —Niꞌcãrõacã mʉꞌʉ yʉꞌʉ faraṍrẽ weeatjere ĩꞌagʉ̃saꞌa. Yʉꞌʉ tutuase meꞌrã narẽ wijacã weegʉti. Yʉꞌʉ tutuasere ĩꞌagʉ̃, Egiptopʉ nirãrẽ wijadutigʉsami, nicʉ niwĩ Õꞌacʉ̃.

Éxodo 9:14

Niꞌcãrõacãma mʉꞌʉrẽ, mʉꞌʉ docacjãrã wiorãrẽ, mʉꞌʉ yarã masãrẽ ʉpʉtʉ waro buꞌiri daꞌregʉti. Te meꞌrã mʉꞌʉ masĩgʉ̃saꞌa ne apĩ aꞌti diꞌtapʉre yʉꞌʉ weronojõ nigʉ̃́ marĩmi.

Apocalipse 16:9

Masã ʉpʉtʉ waro ʉ̃jʉ̃anoꞌwã. Tojo ʉ̃jʉ̃anoꞌmirã, ne na ñaꞌarõ weeꞌquere bʉjaweti, na wãcũsere dʉcayutiwã. Õꞌacʉ̃rẽ “Añugʉ̃ nimi”, ne nitiwã. Cʉ̃rẽ añurõ ucũrõnojõ oꞌorã, cʉ̃rẽ ñaꞌarõ ucũwã. Õꞌacʉ̃ buꞌiri daꞌremicã, tojo weewã.