Éxodo 10:21 - Õꞌacʉ̃ Yere Ucũrĩ Turi

²¹ Õꞌacʉ̃ mʉꞌmʉrĩwiꞌia meꞌrã buꞌiri daꞌréca beꞌro Õꞌacʉ̃ Moisére nicʉ niwĩ: —Nipeꞌtiro Egiptopʉre naꞌitĩꞌato nígʉ̃, ʉꞌmʉarõ peꞌe mʉꞌʉ ya omocãrẽ sĩomorõña. Ʉpʉtʉ naꞌitĩꞌarõ waro waꞌato, nicʉ niwĩ.

Éxodo 10:21 Iomraidhean Croise

Éxodo 7:19

Õꞌacʉ̃ Moisére aꞌtiro ninemocʉ niwĩ: —Aarṍrẽ aꞌtiro niña: “Nipeꞌtise maarĩrẽ, oꞌmajã maarĩacãrẽ, tojo nicã ditararire, nipeꞌtise aco posetisenojõ Egiptopʉ nisere mʉꞌʉ yagʉ tuacjʉ meꞌrã sĩ́oo, wẽjẽtuato. Tojo weecã, aco na yucʉ coꞌripʉ nise, ʉ̃tã meꞌrã weeꞌqueparʉpʉ nise dí dojorosaꞌa”, nicʉ niwĩ.

Éxodo 9:22

Beꞌro Õꞌacʉ̃ Moisére nicʉ niwĩ: —Mʉꞌʉ ya omocãrẽ ʉꞌmʉarõpʉ sĩomorõña. Mʉꞌʉ tojo weecã, nipeꞌtiro Egiptopʉre yʉsʉase aco peri bʉꞌaꞌque peri paca bʉrʉrosaꞌa. Te peri masãrẽ, waꞌicʉrãrẽ, yucʉpagʉre, cãpũpʉ oteꞌquere nipeꞌtiro Egiptopʉ nisere bʉrʉpejarosaꞌa, nicʉ niwĩ.

Mateus 27:45

Jesú curusapʉ wẽrĩrĩ cura dajaritero nicã nipeꞌtiropʉ naꞌitĩꞌa waꞌawʉ. Téé ñamicaꞌa tres nicãpʉ naꞌitĩꞌatʉowʉ.

Marcos 15:33

Jesú curusapʉ wẽrĩrĩ cura dajaritero nicã nipeꞌtiro ti diꞌtapʉ naꞌitĩꞌa waꞌacaro niwʉ̃. Téé ñamicaꞌa tres nicãpʉ naꞌitĩꞌatʉocaro niwʉ̃.

San Lucas 23:44

Jesú curusapʉ wẽrĩrĩ cura dajaritero nicã mujĩpũ ʉmʉcocjʉ̃ asiticʉ niwĩ. Nipeꞌtiro ti diꞌtapʉ naꞌitĩꞌa waꞌacaro niwʉ̃. Téé ñamicaꞌa tres nicãpʉ naꞌitĩꞌatʉocaro niwʉ̃. Tojo waꞌari cura Õꞌacʉ̃ wiꞌipʉ paꞌia sãjãarõpʉ cãꞌmotaꞌayooca casero deco meꞌrã tʉ̃ꞌrʉ̃yojacaro niwʉ̃.

2 Pedro 2:17

Nisoori masã aco wijase peri siꞌbiqueꞌaꞌcaro weronojõ nima. Te peri aco marĩrõ weronojõ na ñaꞌarãrẽ añuse ãpẽrãrẽ weetamuse marĩsaꞌa. Oꞌmecururi wĩꞌrõ meꞌrã tuuwãꞌcãrõ weronojõ nima. Noꞌo ʉaro weenuꞌcũma. Na niꞌcã́diacjʉ̃ta ucũtisama. Buꞌiri daꞌrenoꞌajã nitojama. Tojo weerã naꞌitĩꞌarõpʉ tojota ni bajudutirãsama.

2 Pedro 2:4

Õꞌacʉ̃ dʉporopʉre ʉꞌmʉsecjãrã cʉ̃rẽ werecoꞌterã nimiꞌcãrãrẽ na ñaꞌarõ weecã, buꞌiri daꞌrecʉ niwĩ. Tojo weegʉ narẽ buꞌiri daꞌrero naꞌitĩꞌase tutiripʉ dʉꞌtecũucõꞌacʉ niwĩ. Beꞌro nipeꞌtirã masãrẽ beseatji nʉmʉ nicã, narẽ buꞌiri daꞌre bajuriogʉsami.

Judas 1:13

Pãꞌcõrĩ maa pajiri maa cjase ñaꞌase saꞌpori sumutopʉ paaqueõꞌoꞌque weronojõ nima. Na ucũmeꞌrĩmirã, ñaꞌase bopoyase diaꞌcʉ̃rẽ weenuꞌcũsama. Ñocõa bʉrʉbajudutidijarã weronojõ nima. Diacjʉ̃ca maꞌa cjasere duꞌurã, naꞌitĩꞌarõpʉ buꞌiri daꞌre bajurionoꞌrãsama.

Judas 1:6

Apeye quẽꞌrãrẽ wãcũña. Dʉporopʉ ãpẽrã ʉꞌmʉsecjãrã Õꞌacʉ̃rẽ werecoꞌterã nimiꞌcãrã cʉ̃rẽ yʉꞌrʉnʉꞌcãcãrã niwã. Õꞌacʉ̃ narẽ dutise cũumiꞌquere yʉꞌrʉnʉꞌcãrã, añurõpʉ nimiꞌcãrã cõꞌowijaacãrã niwã. Tojo weegʉ Õꞌacʉ̃ cʉ̃rẽ werecoꞌterã nimiꞌcãrãrẽ naꞌitĩꞌarõpʉ cõme dari meꞌrã dʉꞌtecũucõꞌacʉ niwĩ. Cʉ̃ nipeꞌtirãrẽ beseatji nʉmʉ nicã, narẽ buꞌiri daꞌrebutiagʉsami. Narẽ piꞌetinuꞌcũdutigʉ pecameꞌepʉ cõꞌabajuriogʉsami.

Apocalipse 8:12

Iꞌtiarã beꞌrocjʉ̃ putiwĩ tja. Cʉ̃ puticã, mujĩpũ ʉmʉcocjʉ̃ decobocure dojowĩ. Ʉmʉcore decobocure boꞌreyutiwĩ. Ñamicjʉ̃ tojota waꞌawĩ. Ñocõa quẽꞌrã pãjãrã decobocure dojowã. Na decobocure ñamipʉre ne boꞌreyutiwã.