Efesios 6:6 - Õꞌacʉ̃ Yere Ucũrĩ Turi

⁶ Na ĩꞌorõpʉre añurõ daꞌraya. Na ĩꞌatiropʉ quẽꞌrãrẽ mejãrõta weeya. Mʉsã wiorã ĩꞌorõpʉ diaꞌcʉ̃ añurõ daꞌrarã, nisoorã weebosaꞌa. Mʉsã wiorã “Añurõ daꞌrami”, ni wãcũdutirã weebosaꞌa. Tojo weeticãꞌña. Jesucristore daꞌracoꞌterã weronojõ Õꞌacʉ̃ ʉaronojõ añurõ tʉꞌsase meꞌrã daꞌraya.

Tukano

⁶ Naâ ĩ'yóropɨre ãyuró da'rayá. Naâ ĩ'yâtiropɨ kẽ'rare meharóta weeyá. Mɨsâ wiôrã ĩ'yóropɨ di'akɨ̃ ãyuró da'rárã, niî soorã wee boósa'. Mɨsâ wiôrã “Ãyuró da'ramí”, niî wãkû dutirã wee boósa'. Tohô weetíkã'ya. Jesu Cristore da'rá ko'terã weeró noho Õ'âkɨ̃hɨ ɨaró noho ãyuró tɨ'sasé me'ra da'rayá.

Efesios 6:6 Iomraidhean Croise

Mateus 12:50

Noꞌo Õꞌacʉ̃ ʉaro weerãnojõ náta yʉꞌʉ acabiji, yʉꞌʉ acabijo, yʉꞌʉ paco weronojõ nima, niwĩ.

Mateus 7:21

Jesú narẽ werenemocʉ niwĩ: “Nipeꞌtirãpʉta noꞌo yʉꞌʉre ‘Wiogʉ’ niwʉarãnojõ ʉꞌmʉse yʉꞌʉ nirõpʉre sãjãasome. Yʉꞌʉ pacʉ ʉꞌmʉsepʉ nigʉ̃́ cʉ̃ ʉaro weerã́ diaꞌcʉ̃ sãjã́árãsama.

Marcos 3:35

Aꞌtiro niꞌi. Noꞌo Õꞌacʉ̃ ʉaro weerãnojõ náta yʉꞌʉ acabiji, yʉꞌʉ acabijo, yʉꞌʉ paco weronojõ nima, ni ucũcʉ niwĩ.

Romanos 6:17

Todʉporopʉ mʉsã ñaꞌasere wéérã, daꞌrawãꞌñacoꞌterã weronojõ nicãrã niwʉ̃. Niꞌcãrõacãrẽ ãpẽrã mʉsãrẽ Jesucristo ye quetire werecã tʉꞌorã, añurõ ẽjõpeocãrã niwʉ̃. Tojo weerã ñaꞌarõ weesere yʉꞌrʉonoꞌtjĩarã, añusere weewãꞌñaꞌa. Mʉsã tojo weecã wãcũgʉ̃, yʉꞌʉ Õꞌacʉ̃rẽ eꞌcatise oꞌoꞌo.

1 Corintios 7:22

Õꞌacʉ̃ marĩ wiogʉ Jesucristore ẽjõpeodutigʉ mʉsãrẽ besecʉ niwĩ. Mʉsãrẽ besenʉꞌcãcaterore daꞌracoꞌterã níꞌcãrã niwʉ̃. Niꞌcãrõacãma aꞌtiro niꞌi. Tojo daꞌracoꞌterã nimirã, Jesucristo yarã nitjĩarã, daꞌracoꞌtesere wijaꞌcãrã weronojõ niꞌi. Cʉ̃ ye cjasere daꞌraꞌa. Ãpẽrã quẽꞌrã cʉ̃ besenʉꞌcãrĩ curare daꞌracoꞌtetirã nicãrã niwã. Niꞌcãrõacãma Jesucristore daꞌracoꞌterã weronojõ nima.

Gálatas 1:10

Yʉꞌʉ aꞌtere weregʉ, masã yʉꞌʉre “Añubutiaro weremeꞌrĩmi” niato nígʉ̃ mejẽta wereꞌe. Õꞌacʉ̃ peꞌere “Queoro buꞌemi” nidutigʉ wereꞌe. Yʉꞌʉ todʉporopʉre “Masã yʉꞌʉ meꞌrã eꞌcatiato”, ninuꞌcũwʉ̃. Tojo ninuꞌcũgʉ̃ pũrĩcã, Jesucristo ʉaro weetibosaꞌa. Cʉ̃rẽ daꞌracoꞌtegʉ mejẽta nibosaꞌa.

Efesios 5:17

Noꞌo ʉaro weemaꞌaticãꞌña. “¿Ñeꞌenojõ peꞌe Õꞌacʉ̃ ʉase niti?” ni wãcũña.

Filipenses 2:12

Acawererã, yʉꞌʉ mʉsãrẽ maꞌiꞌi. Todʉporopʉ yʉꞌʉ mʉsã meꞌrã nícaterore yʉꞌʉ dutiꞌquere yʉꞌtiwʉ. Niꞌcãrõacãrẽ yʉꞌʉ yoaropʉ niꞌi. Tjãsaꞌa majã. Totá nemorõ yʉꞌtiya. Õꞌacʉ̃ mʉsãrẽ yʉꞌrʉocʉ niwĩ. Tere wiopesase meꞌrã wãcũña. Tere wãcũrã, “Ãpẽrã yʉꞌrʉoro niꞌi”, nirõ marĩrõ nisetiya. Añurõ niyapatiya. Ñaꞌarõ weeri nírã, tojo weeya.

Colosenses 1:9

Tojo weerã Epafras mʉsã ye quetire wéréca nʉmʉta maata ʉ̃sã Õꞌacʉ̃rẽ sẽrĩbosanʉꞌcãwʉ̃. Aꞌtiro nicã quẽꞌrãrẽ mʉsãrẽ tojo sẽrĩbosanuꞌcũcãꞌa. Aꞌtiro sẽrĩbosaꞌa: “Õꞌacʉ̃, Espíritu Santu tʉꞌomasĩse oꞌoato narẽ. Cʉ̃ tojo oꞌocã, na mʉꞌʉ dutiꞌquere añurõ tʉꞌomasĩrãsama.

Colosenses 4:12

Epafras mʉsã meꞌrãcjʉ̃ añudutimi. Cʉ̃ Jesucristo ye cjasere daꞌracoꞌtegʉ nimi. Cʉ̃ mʉsãrẽ ʉpʉtʉ sẽrĩbosagʉ weemi. Õꞌacʉ̃rẽ añurõ sirutuato, cʉ̃ ʉaro añurõ weenuꞌcũato nígʉ̃, tojo sẽrĩbosami.

1 Tesalonicenses 2:4

Õꞌacʉ̃ peꞌe ĩꞌabesetojagʉpʉ cʉ̃ ye queti weresere cũugʉ̃tigʉ ʉ̃sãrẽ besecʉ niwĩ. Masã ʉ̃sã meꞌrã eꞌcatiato nírã mejẽta cʉ̃ ye quetire werewʉ. Õꞌacʉ̃ peꞌere eꞌcatidutirã werewʉ. Õꞌacʉ̃ nimi nipeꞌtise marĩ wãcũsere masĩgʉ̃.

1 Tesalonicenses 4:3

Õꞌacʉ̃ cʉ̃ ʉaro weecã tʉꞌsasami. Cʉ̃ yarã weronojõ weesetiya. Mʉsã nʉmosãnumia, mʉsã marãpʉsʉmʉa nitirãrẽ aꞌmetãrãticãꞌña.

Hebreos 10:36

Mʉsãrẽ wãcũtutuarã nirõʉaꞌa. Tojo wéérã, Õꞌacʉ̃ ʉaro wééca beꞌro cʉ̃ “Oꞌogʉti” níꞌquere mʉsã ñeꞌerãsaꞌa.

Hebreos 13:21

Õꞌacʉ̃ mʉsãrẽ queoro niseticã weeato. Nipeꞌtisere añurõ weeseticã weeato. Tojo weecã, cʉ̃ ʉaro weemasĩrãsaꞌa. Jesucristo cʉ̃ tutuaro meꞌrã mʉsãrẽ tojo weegʉsami. Cristore eꞌcatipeonuꞌcũrã. Tojota weerã.

1 Pedro 2:15

Õꞌacʉ̃ mʉsã añurõ weecã ʉasami. Tojo weecã, ãpẽrã mʉsãrẽ ucjamiꞌcãrã mejõ warota ucjamaꞌacãꞌrãsama. Õꞌacʉ̃ mʉsã añurõ weese meꞌrã na ucjamaꞌaꞌcãrã, tʉꞌomasĩtirãrẽ diꞌtamarĩacã weecã ʉasami.

1 Pedro 4:2

Tojo weerã aꞌtiro nicã meꞌrã marĩ catise nʉmʉrĩ ejatuaro marĩ ñaꞌarõ weesĩꞌrĩsere weesome majã. Õꞌacʉ̃ cʉ̃ ʉaro peꞌe weerãsaꞌa.

1 João 2:17

Aꞌti turi peꞌtiwãꞌcãrõ weeꞌe. Nipeꞌtise ñaꞌarõ weesĩꞌrĩ ʉaripejase quẽꞌrã peꞌtia waꞌarosaꞌa. Õꞌacʉ̃ dutiro weerã́ pũrĩcã ne peꞌtitirãsama. Cʉ̃ tiropʉ ninuꞌcũcãꞌrãsama.