Efesios 6:18 - Õꞌacʉ̃ Yere Ucũrĩ Turi

¹⁸ Nipeꞌtise ñaꞌasere, wãtĩarẽ cãꞌmotaꞌarã Õꞌacʉ̃rẽ sẽrĩnuꞌcũcãꞌña. Espíritu Santu weetamuse meꞌrã sẽrĩña. Tʉꞌomasĩse meꞌrã sẽrĩduꞌutirãta, nipeꞌtirã cʉ̃ yarãrẽ sẽrĩbosanuꞌcũcãꞌña.

Tukano

¹⁸ Niî pe'tise yã'asére, wãtiâre ka'mú ta'arã Õ'âkɨ̃hɨre sẽrí nu'kukã'ya. Espírito Santo wee tamúse me'ra sẽriyá. Tɨ'o masíse me'ra sẽrí du'utirãta, niî pe'tirã kɨ̃ɨ yarã́re sẽri basá nu'kukã'ya.

Efesios 6:18 Iomraidhean Croise

Mateus 17:21

Ãꞌrĩ wãtĩ sãjãgʉ̃nojõrẽ Õꞌacʉ̃rẽ sẽrĩ, beꞌtise meꞌrã diaꞌcʉ̃ cõꞌawĩrõta basioꞌo, niwĩ.

Mateus 26:41

Cãrĩticãꞌña. Wãtĩ ʉ̃sãrẽ niquesãticãꞌto nírã, Õꞌacʉ̃rẽ sẽrĩña. Mʉsã wãcũsepʉ meꞌrãma yʉꞌʉre ẽjõpeonuꞌcũsĩꞌrĩmisaꞌa. Mʉsã seꞌsaro tojo weesĩꞌrĩmirã, wãcũtutuamasĩtisaꞌa. Tojo weerã Õꞌacʉ̃rẽ sẽrĩña, nicʉ niwĩ.

Marcos 13:33

»Tojo weerã mʉsã añurõ wãcũ, tʉꞌomasĩyuya. “¿Deꞌro nicã aꞌtigʉsari?” ni ñubue, coꞌtenuꞌcũcãꞌña. Yʉꞌʉ aꞌtiatjere mʉsã ne masĩweꞌe.

Marcos 14:38

Cãrĩticãꞌña. Wãtĩ mʉsãrẽ niquesãticãꞌto nírã, Õꞌacʉ̃rẽ sẽrĩña. Mʉsã wãcũsepʉ meꞌrãma yʉꞌʉre ẽjõpeonuꞌcũsĩꞌrĩmisaꞌa. Mʉsã seꞌsaro tojo weesĩꞌrĩmirã, wãcũtutuamasĩtisaꞌa. Tojo weerã Õꞌacʉ̃rẽ sẽrĩña, nicʉ niwĩ.

San Lucas 21:36

Mʉsã añurõ apoyuya. Te piꞌetiatje ʉ̃sãrẽ yʉꞌrʉweticã weeya nírã, ñubuenuꞌcũcãꞌña. Tojo nicã yʉꞌʉ Õꞌacʉ̃ macʉ̃ tiropʉ uiro marĩrõ põtẽrĩajã ñubueya, nicʉ niwĩ Jesú.

San Lucas 22:46

Narẽ nicʉ niwĩ: —¿Deꞌro weerã tocãꞌrõ cãrĩti? Wãꞌcãnʉꞌcãña. Wãtĩ mʉsãrẽ niquesãticãꞌto nírã Õꞌacʉ̃rẽ sẽrĩña, nicʉ niwĩ.

San Lucas 3:26

Nagai Maat macʉ̃ nicʉ niwĩ. Maat Matatías macʉ̃ nicʉ niwĩ. Matatías Semei macʉ̃ nicʉ niwĩ. Semei Josec macʉ̃ nicʉ niwĩ. Josec Judá macʉ̃ nicʉ niwĩ.

San Lucas 3:37

Lamec Matusalén macʉ̃ nicʉ niwĩ. Matusalén Enoc macʉ̃ nicʉ niwĩ. Enoc Jared macʉ̃ nicʉ niwĩ. Jared Mahalaleel macʉ̃ nicʉ niwĩ. Cʉ̃ Cainán macʉ̃ nicʉ niwĩ.

Hechos 1:14

Ti tucũpʉre ñubuerã naꞌirõ nerẽnuꞌcũcãꞌcãrã niwã. Ãpẽrã na meꞌrã nerẽcãrã niwã. Jesú acabijirã, María Jesú paco, co meꞌrãcjãrã numia nicãrã niwã. Na topʉ nerẽꞌcãrã niꞌcãrõnojõ wãcũseticãrã niwã.

Hechos 10:2

Cʉ̃ añugʉ̃ nicʉ niwĩ. Romano masʉ̃ nimigʉ̃, judío masã weronojõ Õꞌacʉ̃rẽ ẽjõpeocʉ niwĩ. Cʉ̃ ya wiꞌicjãrã nipeꞌtirã Õꞌacʉ̃rẽ ẽjõpeocãrã niwã. Judío masã pajasecʉorãrẽ niyeru oꞌomʉjãcʉ niwĩ. Õꞌacʉ̃rẽ ñubuenuꞌcũcãꞌcʉ niwĩ.

Hechos 12:5

Tojo weerã surara Pedrore añurõ coꞌtemʉjãcãrã niwã. Cʉ̃ buꞌiri daꞌreri wiꞌipʉ nirĩ cura Jesure ẽjõpeorã peꞌe Õꞌacʉ̃rẽ sẽrĩbosanuꞌcũcãꞌcãrã niwã.

Hechos 6:4

Tojo weerã ʉ̃sã peꞌe ñubuenuꞌcũ, Jesú ye quetire buꞌenuꞌcũcãꞌrãsaꞌa, nicãrã niwã.

Romanos 12:12

Õꞌacʉ̃ añurõ weegʉsami nírã, eꞌcatiyuya. Mejẽcã waꞌacã piꞌetirã, wãcũtutuaya. Duꞌucũurõ marĩrõ Õꞌacʉ̃rẽ ñubuenuꞌcũcãꞌña.

Romanos 8:15

Õꞌacʉ̃ Espíritu Santure marĩrẽ oꞌócʉ niwĩ. Tojo weerã niꞌcãrõacãrẽ daꞌracoꞌterã na wiogʉre uirã weronojõ niweꞌe. Marĩrẽ Õꞌacʉ̃ põꞌrã sãjãcã weesami. Tojo weerã cʉ̃ weetamurõ meꞌrã marĩ Õꞌacʉ̃rẽ “Pacʉ”, nímasĩꞌi.

Gálatas 4:6

Õꞌacʉ̃ marĩrẽ yʉꞌʉ põꞌrã nitojama nígʉ̃, marĩrẽ cʉ̃ macʉ̃ meꞌrã Espíritu Santure oꞌócʉ niwĩ. Tojo weerã Õꞌacʉ̃rẽ “Pacʉ”, pisumasĩꞌi.

Efesios 2:22

Mʉsã quẽꞌrã judío masã nitirã ãpẽrã Jesucristore ẽjõpeorã meꞌrã aꞌmesʉꞌa, Õꞌacʉ̃ ya curuacjãrã tojaꞌa. Õꞌacʉ̃ Espíritu Santu meꞌrã mʉsãpʉre nimi.

Efesios 3:18

Mʉsã nipeꞌtirã Õꞌacʉ̃ yarã meꞌrã Jesucristo marĩrẽ maꞌiyʉꞌrʉnʉꞌcãsere masĩdutigʉ sẽrĩbosaꞌa. Cʉ̃ nipeꞌtirã masãrẽ ʉpʉtʉ waro maꞌimi. Wiorã, mejõ nirã, nipeꞌtirãpʉreta maꞌinuꞌcũcãꞌmi. Cʉ̃ maꞌise ne peꞌtisome.

Efesios 3:8

Yʉꞌʉta mejõ nigʉ̃ waro nipeꞌtirã Õꞌacʉ̃rẽ ẽjõpeorã docapʉ tʉꞌoñaꞌa. Tojo nimicã, yʉꞌʉre añurõ weesĩꞌrĩgʉ̃, aꞌtiro weecʉ niwĩ. Judío masã nitirãrẽ cʉ̃ beseꞌcʉ Cristo ye añuse quetire weredutiwĩ. Te queti aꞌtiro niꞌi. Õꞌacʉ̃ Jesucristo meꞌrã añubutiasere marĩrẽ weemi. Te añusere marĩ wãcũpõtẽoweꞌe.

Efesios 6:19

Yʉꞌʉ quẽꞌrãrẽ sẽrĩbosaya. Yʉꞌʉ Õꞌacʉ̃ yere weresetirinʉcʉ̃ cʉ̃ ucũsere yʉꞌʉre oꞌoato. “Uiro marĩrõ Jesucristo ye quetire masã masĩnoꞌña marĩꞌquere wereta basiocã weeato”, ni sẽrĩbosaya.

Filipenses 1:4

Ne waropʉ mʉsã Jesucristo ye quetire tʉꞌorã, yʉꞌʉre weetamunʉꞌcãwʉ̃. Aꞌtiro nicã quẽꞌrãrẽ tojota weenuꞌcũꞌu. Tojo weegʉ mʉsã nipeꞌtirã ye niatjere Õꞌacʉ̃rẽ eꞌcatise meꞌrã sẽrĩbosanuꞌcũꞌu.

Filipenses 4:6

Noꞌo deꞌro waꞌasere wãcũqueꞌtiticãꞌña. Aꞌtiro peꞌe weeya. Nipeꞌtise mʉsãrẽ noꞌo waꞌasere Õꞌacʉ̃rẽ sẽrĩña. Cʉ̃rẽ sẽrĩrã, eꞌcatise oꞌoya.

Colosenses 1:3

Õꞌacʉ̃ marĩ wiogʉ Jesucristo pacʉre mʉsãrẽ sẽrĩbosasetirinʉcʉ̃ eꞌcatise oꞌoꞌo.

Colosenses 1:4

Mʉsã ye quetire tʉꞌowʉ. Aꞌtiro niꞌi. Mʉsã Jesucristo masãrẽ yʉꞌrʉomi nise diacjʉ̃ cjasere tʉꞌocãrã niwʉ̃. Tere tʉꞌorã, mʉsãrẽ Õꞌacʉ̃ ʉꞌmʉsepʉ weeatjere eꞌcatiyutojacãrã niwʉ̃. Tojo weerã Jesucristore añurõ ẽjõpeocãrã niwʉ̃. Mʉsã basu Õꞌacʉ̃ yarã nipeꞌtirãrẽ añurõ maꞌiseticãrã niwʉ̃. Ʉ̃sã tere tʉꞌoꞌcãrã nitjĩarã, Õꞌacʉ̃rẽ eꞌcatise oꞌoꞌo.

Colosenses 4:2

Õꞌacʉ̃rẽ añurõ tʉꞌocasanʉꞌcõtjĩarã, sẽrĩnuꞌcũcãꞌña. Cʉ̃rẽ “Añuꞌu”, ni eꞌcatise oꞌoya.

1 Tesalonicenses 5:17

Mʉsã noꞌo nirṍ, noꞌo waꞌaro Õꞌacʉ̃rẽ wãcũ ñubuenuꞌcũcãꞌña.

1 Timoteo 2:1

Ne waro Jesucristore ẽjõpeorã aꞌtiro weecã ʉaꞌa. Nipeꞌtirãrẽ sẽrĩbosarã. Õꞌacʉ̃ narẽ weetamuato nírã sẽrĩbosato. Õꞌacʉ̃rẽ sẽrĩrã, “Añuꞌu”, niato.

2 Timoteo 1:3

Yʉꞌʉ Õꞌacʉ̃rẽ sẽrĩsetirinʉcʉ̃ mʉꞌʉrẽ wãcũꞌu. Mʉꞌʉrẽ wãcũgʉ̃, ñamipʉ, ʉmʉcopʉ Õꞌacʉ̃rẽ eꞌcatise oꞌoꞌo. Cʉ̃rẽ yʉꞌʉ ñecʉ̃sʉmʉa ẽjõpeosetiꞌcaronojõta ẽjõpeoꞌo. Yʉꞌʉ buꞌiri moogʉ̃ tʉꞌoñaꞌgʉ̃, cʉ̃rẽ ẽjõpeoꞌo.

Hebreos 5:7

Õꞌacʉ̃ beseꞌcʉ Cristo aꞌti nucũcãpʉ nígʉ̃, cʉ̃rẽ ñubuecʉ niwĩ. Cʉ̃rẽ sẽrĩgʉ̃, ʉpʉtʉ tutuaro meꞌrã, utise meꞌrã Õꞌacʉ̃rẽ sẽrĩcʉ niwĩ. Cʉ̃rẽ wẽrĩticã weemasĩboꞌcʉre tojo sẽrĩcʉ niwĩ. Cʉ̃ Õꞌacʉ̃ ʉaro weesĩꞌrĩcʉ niwĩ. Cʉ̃ tojo weecã ĩꞌagʉ̃, cʉ̃ sẽrĩsere tʉꞌocʉ niwĩ.

1 Pedro 4:7

Aꞌti turi peꞌtiatjo cãꞌrõacã dʉꞌsasaꞌa. Tojo weerã mʉsã weesere añurõ tʉꞌoñaꞌnʉꞌcõ, weesetiya. Wãcũtutuaya. Mʉsã ñaꞌarõ weesĩꞌrĩsere nʉꞌcãña. Tojo weerã mʉsã queoro ñubuerãsaꞌa.

Judas 1:20

Mʉsã pũrĩcã yʉꞌʉ mairã, Jesucristore nemorõ ẽjõpeo, wãcũtutuawãꞌcãña. Mʉsã ẽjõpeose diacjʉ̃ nise niꞌi. Õꞌacʉ̃rẽ sẽrĩrã, Espíritu Santu mʉsãrẽ masĩse oꞌose meꞌrã sẽrĩña.