Efesios 6:12 - Õꞌacʉ̃ Yere Ucũrĩ Turi

¹² Marĩ Õꞌacʉ̃ ʉaro weesĩꞌrĩrã, aꞌmequẽrã weronojõ niꞌi. Masã meꞌrã aꞌmequẽrõ weronojõ niweꞌe. Wãtĩa wiorã tutuarã meꞌrã aꞌmequẽꞌe. Wãtĩa aꞌti ʉmʉco cjase ñaꞌarõ weesere dutirã nima. Na pãjãrã bajutirã masãrẽ wãcũsepʉ ñaꞌarõ weedutirã niquẽsãsama.

Tukano

¹² Marî Õ'âkɨ̃hɨ ɨaró weé sĩ'rirã, a'mê wẽherã weeró noho niî'. Masá me'ra a'mê wẽhero weeró noho nií wee'. Wãtiâ wiôrã tutuarã́ me'ra a'mê wẽhe'. Wãtiâ a'ti ɨmɨ́kohokãhase yã'âro weesére dutirã́ niîma. Naâ pãharã́ bahutírã masaré wãkusépɨ yã'âro wee dutírã niî kehe sãasama.

Efesios 6:12 Iomraidhean Croise

Mateus 16:17

Jesú cʉ̃rẽ niwĩ: —Simó, Joná macʉ̃, mʉꞌʉ tojo ucũgʉ̃, diacjʉ̃ta ucũꞌu. Ne niꞌcʉ̃ masʉ̃ mʉꞌʉrẽ tere weretiapĩ. Yʉꞌʉ pacʉ ʉꞌmʉsepʉ nigʉ̃́ mʉꞌʉrẽ tere masĩse oꞌoapĩ. Tojo weegʉ eꞌcatiya.

Marcos 4:19

Aꞌti ʉmʉco cjase peꞌere wãcũyʉꞌrʉoquejocãꞌsama. Noꞌo deꞌro nisere ʉaripejayʉꞌrʉasama. Na tojo niseticã, aꞌte narẽ dojorẽcãꞌsaꞌa. Na tʉꞌoꞌquere acobojo, dʉca marĩrã weronojõ tojasama.

San Lucas 13:24

—Pãjãrã ʉꞌmʉsepʉ sãjãasĩꞌrĩrãsama, sãjãarã peꞌe. Sãjãasĩꞌrĩmirã, waꞌasome. Mʉsã pũrĩcã sope, cãꞌsopeacãpʉ ʉpʉtʉ sãjãasĩꞌrĩña, nicʉ niwĩ.

San Lucas 22:53

Nipeꞌtise nʉmʉrĩ yʉꞌʉ Õꞌacʉ̃ wiꞌipʉ mʉsã meꞌrã buꞌedujiwʉ. Tojo weemicã, mʉsã yʉꞌʉre ñeꞌetiwʉ. Niꞌcãrõacã mʉsã yʉꞌʉre ñaꞌarõ weesere weeritero ejaꞌa. Wãtĩ naꞌitĩꞌarõpʉ nigʉ̃́ mʉsãrẽ cʉ̃ ʉaro weedutimi. Tojo weero tojo waꞌaꞌa, nicʉ niwĩ Jesú.

San Juan 12:31

Niꞌcãrõacãrẽ Õꞌacʉ̃ aꞌti turicjãrãrẽ bese, buꞌiri daꞌregʉsami. Tojo nicã aꞌti turicjãrãrẽ dutigʉ wãtĩ cõꞌawĩrõnoꞌgʉ̃sami.

San Juan 14:30

Wãtĩ aꞌti nucũcãcjãrãrẽ dutigʉ aꞌtitojami. Tojo weegʉ yʉꞌʉ yoaticã mʉsã meꞌrã ucũgʉ̃ti. Cʉ̃ yʉꞌʉre ne cãꞌrõ dutimasĩtimi.

Romanos 8:38

Yʉꞌʉ aꞌtere “Diacjʉ̃ta nirõ weeꞌe”, niꞌi. Õꞌacʉ̃ marĩrẽ maꞌisere ne apeyenojõ cãꞌmotaꞌamasĩtisaꞌa. Wẽrĩse, catise cãꞌmotaꞌamasĩtisaꞌa. Tojo nicã Õꞌacʉ̃rẽ werecoꞌterã ʉꞌmʉsecjãrã, wãtĩa, na wiorã Õꞌacʉ̃ marĩrẽ maꞌisere cãꞌmotaꞌamasĩtisama. Apeye quẽꞌrã niꞌcãrõacã nise, beꞌropʉ niatje ne cãꞌmotaꞌamasĩweꞌe.

1 Corintios 15:50

Acawererã, aꞌtiro niꞌi. Marĩrẽ aꞌti upʉ meꞌrã ʉꞌmʉsepʉ waꞌata basioweꞌe. Boadijatji upʉ niꞌi. Ti upʉ ninuꞌcũmasĩtisaꞌa.

2 Corintios 11:14

Tojo weese diasatisaꞌa. Wãtĩa wiogʉ quẽꞌrã tojota weemasĩsami. Apetero cʉ̃ ʉꞌmʉsecjʉ̃ Õꞌacʉ̃rẽ werecoꞌtegʉ weronojõ bajugʉ dojosami.

2 Corintios 4:4

Na ẽjõpeotise ye buꞌiri aꞌti turicjãrã wiogʉ wãtĩ narẽ tʉꞌomasĩtirã, caperi ĩꞌatirã weronojõ dojocã weesami. Cʉ̃, Cristo nipeꞌtirã buꞌipʉ añubutiagʉ nimi nisere ẽjõpeodutitigʉ tojo weesami. Jesucristo masʉ̃ weronojõ upʉtigʉ nicʉ niwĩ. Cʉ̃ Õꞌacʉ̃ warota nimi. Tojo weegʉ masãrẽ Õꞌacʉ̃rẽ masĩcã weecʉ niwĩ.

Gálatas 1:16

Cʉ̃ “Besegʉti” níꞌcaronojõta queoro niꞌcã nʉmʉ cʉ̃ macʉ̃rẽ yʉꞌʉre ĩꞌowĩ. Ĩꞌo, yʉꞌʉre judío masã nitirãrẽ Jesucristo ye quetire weredutiwĩ. Cʉ̃ tojo ĩꞌocã, ãpẽrãrẽ “¿Yʉꞌʉ deꞌro weegʉsari?” ni sẽrĩtiñaꞌnemotiwʉ.

Efesios 1:21

Õꞌacʉ̃ Cristore aꞌtiro weecʉ niwĩ. Nipeꞌtirã aꞌti nucũcãpʉ nirã́, ʉꞌmʉsepʉ nirã́, na wiorãrẽ, noꞌo ãpẽrãrẽ dutirãnojõrẽ na buꞌipʉ tojacã weecʉ niwĩ. Aꞌti ʉmʉcopʉ, ape ʉmʉcopʉre tojota weenuꞌcũcʉ̃sami.

Efesios 1:3

Õꞌacʉ̃, marĩ wiogʉ Jesucristo pacʉre eꞌcatise oꞌorã. Cristo yarã niyucã, Õꞌacʉ̃ marĩrẽ añurõ weecʉ niwĩ. Marĩrẽ maꞌígʉ̃, nipeꞌtise ʉꞌmʉsepʉ ejeripõꞌrã cjase añusere oꞌocʉ niwĩ.

Efesios 2:2

Ãpẽrã aꞌti turicjãrã weronojõ ñaꞌarõ weenuꞌcũcãrã niwʉ̃. Wãtĩa wiogʉ ʉaronojõ weecãrã niwʉ̃. Cʉ̃ aꞌti turicjãrã Õꞌacʉ̃rẽ yʉꞌrʉnʉꞌcãrãrẽ dutigʉ nimi.

Efesios 3:10

Tojo weero niꞌcãrõacãrẽ Jesucristore ẽjõpeori curuacjãrã meꞌrã aꞌtiro waꞌaꞌa. Na peje cururi nimiꞌcãrã niꞌcã curua waꞌacã ĩꞌarã, ʉꞌmʉsecjãrã wiorã, tojo nicã wãtĩ yarã tutuarã aꞌtiro nisama: “Õꞌacʉ̃ masĩyʉꞌrʉami. Añubutiaro wãcũse cʉomi”, nisama.

Colosenses 1:13

Marĩ pacʉ Õꞌacʉ̃ marĩrẽ, wãtĩ dutinoꞌcãrãrẽ yʉꞌrʉocʉ niwĩ. Õꞌacʉ̃ macʉ̃ wẽrĩse meꞌrã naꞌitĩꞌarõpʉ weronojõ níꞌcãrãrẽ yʉꞌrʉocʉ niwĩ. Marĩ ñaꞌase weeꞌquere acobojocʉ niwĩ. Tojo weegʉ marĩrẽ cʉ̃ macʉ̃ ʉpʉtʉ maigʉ̃rẽ oꞌócʉ niwĩ. Marĩ wiogʉ niato nígʉ̃ tojo weecʉ niwĩ.

Colosenses 2:15

Jesucristo cʉ̃ wẽrĩse meꞌrã nipeꞌtirã ĩꞌorõpʉ wãtĩarẽ docaqueꞌacã weecʉ niwĩ.

2 Timoteo 2:5

Apĩ quẽꞌrã omarĩ masʉ̃ cʉ̃ wiorã dutisenojõrẽ queoro weetigʉ, wapataꞌatisami. Na cʉ̃rẽ oꞌoboꞌquere oꞌotisama. Tojo weegʉ añuse bocasĩꞌrĩgʉ̃, Jesucristo dutiꞌquere queoro weeya.

Hebreos 12:1

Sõꞌonícãrã yʉꞌʉ ucũꞌcãrã pãjãrã Õꞌacʉ̃rẽ ẽjõpeorã piꞌetisere nʉꞌcãcãrã niwã. Tojo nʉꞌcãrã, na cʉ̃rẽ ẽjõpeosere ĩꞌocãrã niwã. Na weeꞌque marĩrẽ queose niꞌi. Tojo weerã narẽ wãcũrã, Õꞌacʉ̃ marĩrẽ cũuꞌquere wãcũtutuase meꞌrã weeroʉaꞌa. Niꞌcʉ̃ omarĩ masʉ̃ nʉcʉ̃se cʉ̃rẽ caribosenojõrẽ miatisami. Marĩ quẽꞌrã cʉ̃ weronojõ weeroʉaꞌa. Marĩ nipeꞌtise añurõ weesĩꞌrĩcã, dojorẽsere, marĩ ñaꞌarõ weewʉasere duꞌucãꞌrõʉaꞌa.

Hebreos 12:4

Mʉsã ñaꞌarõ weesere cãꞌmotaꞌarã, ne niꞌcʉ̃ wẽrĩñaꞌtimi yujupʉ.

1 Pedro 3:22

Jesucristo masã́ca beꞌro cʉ̃ pacʉ tiropʉ mʉjãacʉ niwĩ. Niꞌcãrõacãrẽ cʉ̃ wiogʉ dujiri cũmurõpʉ nisami. Cʉ̃ nipeꞌtirã buꞌipʉ, wiogʉ nimi. Õꞌacʉ̃rẽ werecoꞌterã, nipeꞌtirã wiorã ʉꞌmʉarõpʉ nirã́ yʉꞌrʉoro nimi.