Efesios 4:21 - Õꞌacʉ̃ Yere Ucũrĩ Turi

²¹ Mʉsã queorota cʉ̃ ye quetire tʉꞌorã, masĩsaꞌa. Cʉ̃rẽ ẽjõpeorã weesetisere Jesú buꞌeꞌquere masĩsaꞌa.

Tukano

²¹ Mɨsâ keoróta kɨ̃ɨ yeé kitire tɨ'órã, masísa'. Kɨ̃ɨ̂re ẽho peórã weesétisere Jesu bu'ê'kere masísa'.

Efesios 4:21 Iomraidhean Croise

Mateus 17:5

Pedro tojo ucũrĩ cura niꞌcã oꞌmecurua asisteri curua aꞌti, narẽ tuubiꞌacãꞌcaro niwʉ̃. Ti curuapʉre niꞌcʉ̃ ucũcã tʉꞌocãrã niwã: —Ãꞌrĩ yʉꞌʉ macʉ̃, yʉꞌʉ maꞌigʉ̃ nimi. Cʉ̃ meꞌrã pũrõ eꞌcatiꞌi. Cʉ̃ ucũsere tʉꞌo ẽjõpeoya, nicʉ niwĩ Õꞌacʉ̃.

San Lucas 10:16

Beꞌro cʉ̃ buꞌerãrẽ aꞌtiro werenemocʉ niwĩ: —Mʉsã buꞌesere tʉꞌorã, yʉꞌʉreta tʉꞌoma. Mʉsãrẽ ʉatirã, mejãrõta yʉꞌʉre ʉatima. Tojo yʉꞌʉre ʉatirã, yʉꞌʉre oꞌóꞌcʉpʉ Õꞌacʉ̃ quẽꞌrãrẽ ʉatima, nicʉ niwĩ Jesú.

San Juan 1:17

Õꞌacʉ̃ dutise Moisé meꞌrã oꞌonoꞌcaro niwʉ̃. Jesucristo meꞌrã peꞌe Õꞌacʉ̃ marĩrẽ maꞌisere masĩnoꞌo. Tojo nicã diacjʉ̃ cjasere masĩnoꞌo.

San Juan 10:27

Yarã oveja yʉꞌʉre ĩꞌamasĩma. Yʉꞌʉ quẽꞌrã narẽ ĩꞌamasĩꞌi. Na yʉꞌʉre ẽjõpeosirutuma.

San Juan 14:17

Espíritu Santu mʉsãrẽ queoro buꞌegʉsami. Ãpẽrã aꞌti nucũcãcjãrã yʉꞌʉre ẽjõpeotirã cʉ̃rẽ masĩtirãsama. Tojo weerã cʉ̃rẽ moorãsama. Mʉsã pũrĩcã cʉ̃rẽ masĩꞌi. Cʉ̃ mʉsã meꞌrã, mʉsãpʉre ninuꞌcũgʉ̃sami.

San Juan 14:6

Jesú cʉ̃rẽ niwĩ: —Yʉꞌʉ, yʉꞌʉ pacʉ tiropʉ waꞌari maꞌa weronojõ niꞌi. Yʉꞌʉ masãrẽ topʉ waꞌacã weegʉ́ niꞌi. Yʉꞌʉ masãrẽ diacjʉ̃ cjasere masĩcã weeꞌe. Narẽ catinuꞌcũcã weegʉ́ niꞌi. Yʉꞌʉre ẽjõpeorã diaꞌcʉ̃ yʉꞌʉ pacʉ tiropʉ waꞌarãsama.

Romanos 10:14

Tojo nimicã, Jesucristore ẽjõpeotirã ¿deꞌro wee acobojose sẽrĩbosabaʉ? Cʉ̃ ye quetire tʉꞌotimirã, ¿deꞌro wee na ẽjõpeobosabaʉ? ¿Narẽ wererã marĩcã, deꞌro na te quetire tʉꞌobosabaʉ?

2 Corintios 1:20

Aꞌtiro niꞌi. Õꞌacʉ̃ todʉporopʉre masãrẽ “Añurõ weegʉti”, nicʉ niwĩ. Nipeꞌtise cʉ̃ tojo níꞌque Jesucristo cʉ̃ aꞌtise meꞌrã, cʉ̃ wẽrĩꞌque meꞌrã queoro waꞌawʉ. Tojo waꞌacã ĩꞌarã, marĩ Õꞌacʉ̃rẽ “Tojota niꞌi”, ni eꞌcatipeoꞌo.

2 Corintios 11:10

Yʉꞌʉ diacjʉ̃ nise Jesucristo ye quetire masĩꞌi. Diacjʉ̃ta niꞌi. Te diacjʉ̃ nírõnojõta yʉꞌʉ buꞌese wapa ne niyeru sẽrĩsome. Ne niꞌcʉ̃ Acaya diꞌtacjʉ̃ “Cʉ̃ wapaseemi”, nímasĩtisami.

Efesios 1:13

Cristo curusapʉ wẽrĩꞌque meꞌrã mʉsã quẽꞌrã Õꞌacʉ̃ yarã waꞌawʉ. Mʉsã diacjʉ̃ cjase Cristo ye quetire tʉꞌorã, cʉ̃rẽ ẽjõpeowʉ. Cʉ̃ ye queti aꞌtiro niꞌi. Marĩ pecameꞌepʉ waꞌaboꞌcãrãrẽ yʉꞌrʉweticã weecʉ niwĩ. Cʉ̃rẽ ẽjõpeocã, Õꞌacʉ̃ mʉsãrẽ cʉ̃ yarã tojacã weecʉ niwĩ. Yarã nima nisere ĩꞌosĩꞌrĩgʉ̃, mʉsãrẽ Espíritu Santure oꞌócʉ niwĩ. Espíritu Santu Õꞌacʉ̃ “Mʉsãrẽ oꞌógʉti” níꞌcʉta nimi.

Efesios 2:17

Cristo aꞌti nucũcãpʉ aꞌtigʉ, “Õꞌacʉ̃ masã meꞌrã añurõ nisetisere apogʉ aꞌtiwʉ”, ni werecʉ niwĩ. Ʉ̃sã judío masã Õꞌacʉ̃ yere masĩꞌcãrãrẽ werecʉ niwĩ. Tojo nicã mʉsã quẽꞌrã judío masã nitirã, Õꞌacʉ̃ yere masĩtiꞌcãrãrẽ te quetire werecʉ niwĩ.

Colosenses 1:6

Ãpẽrã quẽꞌrã tojota te quetire tʉꞌorã, mʉsã weronojõta weerã weema. Nipeꞌtiropʉ wereturiawãꞌcãrã weema. Mʉsã Õꞌacʉ̃ masãrẽ maꞌisere tʉꞌorã, “Diacjʉ̃ta niꞌi”, nicãrã niwʉ̃.

Colosenses 2:7

Cʉ̃rẽ nemorõ masĩnemoña. Mʉsãrẽ buꞌeꞌcaronojõta cʉ̃rẽ ẽjõpeonemoña. Ʉmʉcorinʉcʉ̃ Õꞌacʉ̃rẽ “Añuꞌu”, ni eꞌcatise oꞌoya.

1 João 5:20

Apeye quẽꞌrãrẽ, Õꞌacʉ̃ macʉ̃ cʉ̃ aꞌtiꞌquere masĩꞌi. Cʉ̃ marĩrẽ Õꞌacʉ̃ diacjʉ̃ nigʉ̃rẽ masĩdutigʉ tʉꞌomasĩse oꞌocʉ niwĩ. Marĩ Jesucristo meꞌrã nírã, cʉ̃ pacʉ Õꞌacʉ̃pʉreta niꞌi. Jesucristo Õꞌacʉ̃ nimi. Cʉ̃́ta catinuꞌcũgʉ̃ marĩ catinuꞌcũatjere oꞌomi.