Efesios 3:5 - Õꞌacʉ̃ Yere Ucũrĩ Turi

⁵ Dʉporocjãrã Õꞌacʉ̃ judío masã nitirãrẽ ñeꞌegʉ̃sami nisere masĩticãrã niwã. Niꞌcãrõacã pũrĩcãrẽ Espíritu Santu meꞌrã cʉ̃ yarã, cʉ̃ besecṹúꞌcãrãrẽ weremi. Tojo nicã tere cʉ̃ weredutiꞌquere wereturiari masãrẽ weremi.

Tukano

⁵ Dɨporókãharã Õ'âkɨ̃hɨ Judeu masa niîtirãre yẽ'êgɨsami niisére masîtikãrã niîwã. Ni'kâroakã pũrikãre Espírito Santo me'ra kɨ̃ɨ yarã́, kɨ̃ɨ̂ bese kũú'kãrãre werêmi. Tohô niikã́ teeré kɨ̃ɨ̂ werê duti'kere werê turiarãre werêmi.

Efesios 3:5 Iomraidhean Croise

Mateus 13:17

Diacjʉ̃ mʉsãrẽ weregʉti. Pãjãrã Õꞌacʉ̃ ye queti weremʉꞌtãrĩ masã, tojo nicã dʉporocjãrã masã añurã níꞌcãrã niꞌcãrõacã yʉꞌʉ mʉsãrẽ weesere ĩꞌasĩꞌrĩcãrã nimiwã. Yʉꞌʉ mʉsãrẽ weresere tʉꞌosĩꞌrĩcãrã nimiwã. Tojo weesĩꞌrĩꞌcãrã nimirã, ĩꞌati, tʉꞌotiyʉꞌrʉocãꞌcãrã niwã, niwĩ Jesú.

Mateus 20:7

Na yʉꞌtisama: “Ãpẽrã ʉ̃sãrẽ ‘Daꞌrarã waꞌaya’, nitiama. Tojo weerã daꞌraweꞌe”, nisama. Tojo nicã tʉꞌogʉ, wese wiogʉ narẽ nisami: “Mʉsã quẽꞌrã ya wesepʉ daꞌrarã waꞌaya. Queoro wapayegʉti”, nisami. Tojo weerã na quẽꞌrã daꞌrarã waꞌasama.

Mateus 23:34

Tojo weegʉ yʉꞌʉ mʉsã tiropʉre Õꞌacʉ̃ ye queti weremʉꞌtãrĩ masã, masĩrĩ masãrẽ, buꞌeri masãrẽ oꞌógʉti. Mʉsã peꞌe na niꞌcãrẽrãrẽ wẽjẽ, ãpẽrãrẽ curusapʉ paabiꞌpenʉꞌcõrãsaꞌa. Ãpẽrãrẽ na nerẽwʉase wiꞌseripʉ paape, na noꞌo waꞌase macãrĩpʉ sirutucusiarãsaꞌa.

San Lucas 10:24

Mʉsãrẽ aꞌtiro weregʉti. Pãjãrã dʉporocjãrãpʉ Õꞌacʉ̃ ye queti weremʉꞌtãrĩ masã, tojo nicã wiorã mʉsã niꞌcãrõacã ĩꞌasere ĩꞌasĩꞌrĩcãrã nimiwã. Ne ĩꞌaticãrã niwã. Yʉꞌʉ mʉsãrẽ weresere tʉꞌosĩꞌrĩcãrã nimiwã. Ne niꞌcãti tʉꞌoticãrã niwã, nicʉ niwĩ.

San Lucas 11:49

»Tojo weegʉ Õꞌacʉ̃ yʉꞌʉ pacʉ dʉporopʉ masĩse meꞌrã aꞌtiro nicʉ niwĩ: “Yé queti weremʉꞌtãrĩ masãrẽ, tojo nicã yé queti buꞌeri masãrẽ oꞌógʉti. Niꞌcãrẽrãrẽ wẽjẽcõꞌa, ãpẽrãrẽ ñaꞌarõ weesĩꞌrĩrã, noꞌo na waꞌaro sirutucusiarãsama”, nicʉ niwĩ Õꞌacʉ̃.

San Juan 14:26

Yʉꞌʉ sẽrĩcã, yʉꞌʉ pacʉ Espíritu Santure mʉsãrẽ oꞌógʉsami. Cʉ̃ mʉsãrẽ weetamu, wãcũtutuanuꞌcũcã weegʉsami. Nipeꞌtise mʉsãrẽ buꞌegʉsami. Nipeꞌtise yʉꞌʉ mʉsãrẽ buꞌeꞌquere apaturi wãcũcã weegʉsami.

San Juan 16:13

Espíritu Santu aꞌtigʉ, nipeꞌtisere queoro weregʉsami. Cʉ̃ diacjʉ̃ ucũgʉ̃ nimi. Cʉ̃ seꞌsaro ucũsome. Õꞌacʉ̃ ucũsere, cʉ̃ tʉꞌoꞌquere wereturiagʉsami. Beꞌropʉ waꞌatje quẽꞌrãrẽ mʉsãrẽ wereyugʉsami.

Hechos 10:28

Beꞌro narẽ nicʉ niwĩ topʉ nerẽꞌcãrãrẽ: —Ʉ̃sã judío masãrẽ dutise, ʉ̃sã ẽjõpeose aꞌtiro niꞌi. Mʉsã judío masã nitirã ye wiꞌseripʉre sãjãadutiweꞌe. Ne mʉsãrẽ baꞌpatidutiweꞌe. Mʉsã tere añurõ masĩsaꞌa. Õꞌacʉ̃ niꞌcãrõacãrẽ yʉꞌʉre ĩꞌoami. “Ne ãpẽrãrẽ baꞌpatiti weeticãꞌña. ‘Na ñaꞌarã nima’ ni yabiticãꞌña”, niami.

Romanos 16:25

Marĩ Õꞌacʉ̃rẽ eꞌcatipeorã, “Añuyʉꞌrʉami”, nírã. Marĩ wiogʉ Jesucristo ye queti meꞌrã Õꞌacʉ̃ marĩrẽ nemorõ ẽjõpeocã weemasĩmi. Dʉporopʉre nipeꞌtirã masãrẽ yʉꞌrʉose quetire masĩnoꞌña marĩcaro niwʉ̃. Aꞌtocaterore majã Õꞌacʉ̃ ye queti weremʉꞌtãrĩ masã na ojaꞌque meꞌrã masĩnoꞌo. Õꞌacʉ̃ catinuꞌcũgʉ̃ tojo wereduticʉ niwĩ. Yʉꞌʉ quẽꞌrã Jesucristo ye quetire wereꞌe. Õꞌacʉ̃ nipeꞌtise cururicjãrãrẽ cʉ̃rẽ ẽjõpeo, cʉ̃ ʉaro weecã ʉasami.

1 Corintios 2:10

Te añuse marĩ masĩtiꞌquere Õꞌacʉ̃ Espíritu Santu meꞌrã marĩrẽ masĩcã weemi. Espíritu Santu nipeꞌtise diasayʉꞌrʉnʉꞌcãsere Õꞌacʉ̃ cʉ̃ weesere masĩpeꞌocãꞌmi.

Efesios 2:20

Marĩ nipeꞌtirã Jesucristore ẽjõpeorã niꞌcã wiꞌi yééca wiꞌijo weronojõ niꞌi. Ti wiꞌi yeenʉꞌcãꞌque aꞌtiro niꞌi. Jesucristo besecṹúꞌcãrã, tojo nicã Õꞌacʉ̃ weredutiꞌquere wereturiari masã mʉsãrẽ ne waro buꞌedʉꞌpocã́ticãrã niwã. Tere tʉꞌorã, ẽjõpeocãrã niwʉ̃. Na ne waro yeenʉꞌcãcaga ʉ̃tãgã weronojõ Jesucristo nimi.

Efesios 3:9

Apeyere Õꞌacʉ̃ nipeꞌtirã te queti todʉporocjãrã masĩtiꞌquere masĩato nígʉ̃ yʉꞌʉre oꞌówĩ. Cʉ̃ nipeꞌtisere weeꞌcʉ te quetire maata wereticʉ niwĩ. Te queti cʉ̃ ne waro wãcũyuꞌque aꞌtiro niꞌi. “Judío masã nitirã judío masã weronojõ Õꞌacʉ̃ põꞌrã nirãsama” níꞌque niꞌi.

2 Pedro 3:2

Dʉporocjãrãpʉ Õꞌacʉ̃ ye queti weremʉꞌtãrĩ masã añurã na ojaꞌquere wãcũña. Tojo nicã marĩ wiogʉ, marĩrẽ yʉꞌrʉogʉ dutisere wãcũña. Tere ʉ̃sã Jesucristo besecṹúꞌcãrã mʉsãrẽ wereturiawʉ.

Judas 1:17

Yʉꞌʉ mairã, marĩ wiogʉ Jesucristo besecṹúꞌcãrã mʉsãrẽ todʉporopʉ níꞌquere wãcũña.