Efesios 2:19 - Õꞌacʉ̃ Yere Ucũrĩ Turi

¹⁹ Tojo weerã mʉsã judío masã nitirã Õꞌacʉ̃ ĩꞌorõpʉre apesecjãrã sijari masã weronojõ niweꞌe. Õꞌacʉ̃rẽ masĩtirã weronojõ niweꞌe. Aꞌtiro peꞌe niꞌi. Judío masã Cristore ẽjõpeorã weronojõta Õꞌacʉ̃ ya curuacjãrã niꞌi. Nipeꞌtirã Cristore ẽjõpeorã meꞌrã niꞌcʉ̃ põꞌrã, Õꞌacʉ̃ põꞌrã niꞌi.

Tukano

¹⁹ Tohô weérã mɨsâ Judeu masa niîtirã Õ'âkɨ̃hɨ ĩ'yóropɨre apé sia'kãharã siharí masa weeró noho nií wee' maha. Õ'âkɨ̃hɨre masîtirã weeró noho nií wee' maha. A'tîro pe'e niî'. Judeu masa Cristore ẽho peórã weeró nohota Õ'âkɨ̃hɨ yaa kurakãharã niî'. Niî pe'tirã Cristore ẽho peórã me'ra ni'kɨ́ põ'ra, Õ'âkɨ̃hɨ põ'ra niî'.

Efesios 2:19 Iomraidhean Croise

Mateus 10:25

Buꞌegʉ, cʉ̃rẽ buꞌegʉ weronojõ nigʉ̃ti, nirõʉaꞌa. Mejãrõta daꞌracoꞌtegʉ cʉ̃ wiogʉ weronojõ nigʉ̃ti, nirõʉaꞌa. Buꞌeri masʉ̃, wiogʉ, na ñaꞌarõ yʉꞌrʉcã, buꞌenoꞌgʉ̃, daꞌracoꞌtegʉ quẽꞌrã ñaꞌarõ yʉꞌrʉsama. Tojo weero yʉꞌʉ mʉsãrẽ buꞌegʉre “Beelzebú, wãtĩa wiogʉ nimi” nicã, ¿deꞌro weerã mʉsã yʉꞌʉ buꞌerãrẽ tojo nitibosabaʉ? niwĩ Jesú.

Gálatas 6:10

Tojo weerã nipeꞌtirãrẽ marĩ põtẽorõ añurõ weerã. Jesucristore ẽjõpeorã peꞌere añurõ weeyʉꞌrʉnʉꞌcãrã.

Efesios 2:12

Titapʉre mʉsã ẽjõpeose dʉporo Cristore moocãrã niwʉ̃. Mʉsã Õꞌacʉ̃ yarã Israe curuacjãrã meꞌrã niticãrã niwʉ̃. Õꞌacʉ̃ Israe curuacjãrãrẽ aꞌtiro nicʉ niwĩ: “Narẽ añurõ weegʉti. Na wiogʉ nigʉ̃ti. Yarã nirãsama”, nicʉ niwĩ. Mʉsã peꞌere tojo niticʉ niwĩ. Mʉsã Õꞌacʉ̃ ʉ̃sãrẽ yʉꞌrʉogʉsami nisere masĩticãrã niwʉ̃. Õꞌacʉ̃rẽ moocãrã niwʉ̃.

Efesios 3:15

Õꞌacʉ̃ta pacʉ nimʉꞌtãꞌcʉ nimi. Cʉ̃ meꞌrã pacʉ nise nʉꞌcãꞌa. Cʉ̃ nipeꞌtise cururicjãrã ʉꞌmʉsepʉ nirã́, aꞌti nucũcãpʉ nirã́ niꞌcãrõ meꞌrã niseticã weecʉ niwĩ.

Efesios 3:6

Te todʉporo masĩnoꞌña marĩꞌque queti aꞌtiro niꞌi. Judío masã nitirã Jesucristore ẽjõpeorã, judío masã weronojõ Õꞌacʉ̃ põꞌrã sãjãrã́sama. Na quẽꞌrã cʉ̃ oꞌoatjere ñeꞌerãsama. Na pʉa curua nimiꞌcãrã niꞌcã curua nirãsama. Õꞌacʉ̃ “Judío masãrẽ Jesucristo meꞌrã añurõ weegʉti”, nicʉ niwĩ. Cʉ̃ tojo níꞌquere judío masã nitirã quẽꞌrãrẽ weegʉsami.

Filipenses 3:20

Marĩ pũrĩcã ʉꞌmʉsepʉ waꞌari masã niꞌi. Topʉ marĩ ya macã niꞌi. Marĩ wiogʉ Jesucristo marĩrẽ yʉꞌrʉogʉ ʉꞌmʉsepʉ nimi. Cʉ̃ aꞌti nucũcãpʉ apaturi aꞌtiatjere yucuerã weeꞌe.

Hebreos 11:13

Ãꞌrã yʉꞌʉ ucũrã Õꞌacʉ̃rẽ ẽjõpeonuꞌcũcãrã niwã. Cʉ̃ “Oꞌogʉti” níca diꞌtare ñeꞌetimirã, ẽjõpeocãrã niwã. Ñeꞌetimirã, wẽrĩa waꞌacãrã niwã. Na ẽjõpeose cʉorã, cʉ̃ oꞌoatjere ñeꞌeꞌcãrã weronojõ nicãrã niwã. “Cʉ̃ níꞌcaronojõta weegʉsami” ni wãcũrã, eꞌcaticãrã niwã. Na tojo weeꞌque meꞌrã “Ʉꞌmʉsepʉ waꞌarãsaꞌa, aꞌti nucũcãpʉre sijari masã weronojõ niꞌi”, nicãrã niwã.

Hebreos 13:14

Aꞌti nucũcãpʉre marĩ nirĩ macã ne nidojasome. Ape macã, beꞌropʉ marĩ niatji macã ʉꞌmʉse peꞌere aꞌmaꞌa.

1 Pedro 2:11

Yʉꞌʉ mʉsãrẽ pũrõ maꞌisaꞌa. Niꞌcãrõacã yʉꞌʉ wereatjere mʉsã weecã ʉasaꞌa. Marĩ aꞌti turipʉre sijari masã niꞌi. Marĩ niatjo waro ʉꞌmʉsepʉ niꞌi. Topʉ ninuꞌcũcãꞌrãsaꞌa. Tojo weerã marĩ ñaꞌarõ weesĩꞌrĩsere weeticãꞌrã. Marĩ ñaꞌarõ weesĩꞌrĩse añurõ weesĩꞌrĩse meꞌrã aꞌmequẽse niꞌi. Te ñaꞌarõ weesĩꞌrĩse añurõ weese peꞌere cãꞌmotaꞌasĩꞌrĩsaꞌa. Õꞌacʉ̃ peꞌe marĩrẽ añurõ weecã ʉasami.

1 João 3:1

Ĩꞌarẽ mʉsã Õꞌacʉ̃ marĩ pacʉ marĩrẽ maꞌisere. Marĩrẽ maꞌígʉ̃, “Yʉꞌʉ põꞌrã” ni ẽjõpeosami. Tojo nírõnojõta marĩ cʉ̃ põꞌrã niꞌi. Ãpẽrã aꞌti turicjãrã Õꞌacʉ̃rẽ masĩtitjĩarã, marĩ cʉ̃rẽ ẽjõpeorã weesetisere masĩtisama.