Efesios 1:6 - Õꞌacʉ̃ Yere Ucũrĩ Turi

⁶ Cʉ̃ macʉ̃ cʉ̃ ʉpʉtʉ maꞌigʉ̃ meꞌrã marĩrẽ añurõ weecʉ niwĩ. Tojo weerã cʉ̃ marĩrẽ añurõ weeꞌquere wãcũrã, cʉ̃rẽ eꞌcatipeonuꞌcũꞌu.

Tukano

⁶ Kɨ̃ɨ̂ makɨ́ kɨ̃ɨ̂ ɨpɨ́tɨ ma'igɨ́ me'ra marîre ãyuró weékɨ niîwĩ. Tohô weérã kɨ̃ɨ̂ marîre ãyuró weé'kere wãkûrã, kɨ̃ɨ̂re e'katí peo nu'ku'.

Efesios 1:6 Iomraidhean Croise

Mateus 17:5

Pedro tojo ucũrĩ cura niꞌcã oꞌmecurua asisteri curua aꞌti, narẽ tuubiꞌacãꞌcaro niwʉ̃. Ti curuapʉre niꞌcʉ̃ ucũcã tʉꞌocãrã niwã: —Ãꞌrĩ yʉꞌʉ macʉ̃, yʉꞌʉ maꞌigʉ̃ nimi. Cʉ̃ meꞌrã pũrõ eꞌcatiꞌi. Cʉ̃ ucũsere tʉꞌo ẽjõpeoya, nicʉ niwĩ Õꞌacʉ̃.

Mateus 20:9

Tojo weegʉ aꞌtiro weesami. Cinco nicãpʉ wesepʉ daꞌranʉꞌcãꞌcãrãrẽ pijiomʉꞌtãsami. Niꞌcã nʉmʉ daꞌrase wapa wapayewʉaronojõ narẽ wapayesami.

Mateus 3:17

Tojo waꞌacã, ʉꞌmʉsepʉ cʉ̃ pacʉ Õꞌacʉ̃ ucũdijocʉ niwĩ. —Ãꞌrĩ yʉꞌʉ macʉ̃ ʉpʉtʉ yʉꞌʉ maꞌigʉ̃ nimi. Cʉ̃ meꞌrã pũrõ eꞌcatiꞌi, nicʉ niwĩ.

San Lucas 2:14

Õꞌacʉ̃ ʉꞌmʉsecjʉ̃rẽ eꞌcatipeorã. Nipeꞌtirã cʉ̃rẽ “Añubutiami”, ni basapeoato. Aꞌti diꞌta peꞌere cʉ̃ añurõ weenoꞌcãrã ejerisãjãse cʉoato, nicãrã niwã.

San Juan 10:17

»Yʉꞌʉ pacʉ yʉꞌʉre maꞌimi. Yʉꞌʉ masãrẽ wẽrĩ yʉꞌrʉoatje wapa tojo weemi. Ne niꞌcʉ̃ yʉꞌʉre wẽrĩcã weemasĩtisami; yʉꞌʉ ʉaro meꞌrã wẽrĩgʉ̃ti. Yʉꞌʉ wẽrĩmasĩꞌi. Beꞌro masãmasĩꞌi tja. Yʉꞌʉ pacʉ yʉꞌʉre aꞌtirota weedutiwĩ, niwĩ Jesú.

San Juan 3:35

Õꞌacʉ̃ cʉ̃ macʉ̃rẽ maꞌígʉ̃, nipeꞌtisere, nipeꞌtirãrẽ dutimasĩsere oꞌocʉ niwĩ.

Romanos 8:1

Jesucristo marĩrẽ ñaꞌarõ nisetiꞌquere yʉꞌrʉweticã weecʉ niwĩ. Tojo weerã niꞌcãrõacãrẽ marĩ Jesucristo yarã buꞌiri daꞌrenoꞌsome majã. Espíritu Santu marĩrẽ Õꞌacʉ̃ meꞌrã añurõ nicã weemi. Niꞌcãrõacãrẽ Espíritu Santu dutisere wéérã, ñaꞌarõ weeweꞌe. Tojo weerã pecameꞌepʉ waꞌasome.

2 Corintios 4:15

Ʉ̃sã mʉsãrẽ añurõ waꞌadutirã nipeꞌtisere piꞌetiꞌi. Mʉsã pãjãrãrẽ siape meꞌrã Õꞌacʉ̃ añurõ weecã ʉarã, tojo weeꞌe. Beꞌro pãjãrã aꞌtere ĩꞌarã, Õꞌacʉ̃rẽ eꞌcatise oꞌorãsama. Te meꞌrã cʉ̃rẽ “Añuyʉꞌrʉagʉ nimi” nírã, tojo weerãsama.

2 Corintios 5:21

Cristo ne cãꞌrõacã ñaꞌarõ weeticʉ niwĩ. Õꞌacʉ̃ peꞌe marĩ ñaꞌarõ weese buꞌiri cʉ̃rẽ wẽrĩbosa dʉcayuduticʉ niwĩ. Cʉ̃rẽ ñaꞌagʉ̃rẽ weronojõ buꞌiri daꞌrecʉ niwĩ. Tojo weese meꞌrã Õꞌacʉ̃ marĩrẽ Cristo yarã waꞌacã weecʉ niwĩ. Tojo nicã cʉ̃ ʉaro cʉ̃ weronojõ añurõ nidutigʉ tojo weecʉ niwĩ.

Efesios 1:12

Cʉ̃ aꞌtiro wéégʉ, ʉ̃sã Cristore ẽjõpeomʉꞌtãrãrẽ añurõ weecã ʉagʉ besecʉ niwĩ. Ʉ̃sã añurõ weese meꞌrã masã cʉ̃ Õꞌacʉ̃ nise pacare añurõ wãcũato nígʉ̃ tojo besecʉ niwĩ.

Efesios 1:14

Õꞌacʉ̃ Espíritu Santure marĩrẽ oꞌotojacʉ niwĩ. Tojo weerã marĩ masĩꞌi. Diacjʉ̃ta nipeꞌtise cʉ̃ “Oꞌogʉti” níꞌquere oꞌogʉsami. Cʉ̃ oꞌoatjere yucuerã weeꞌe. Cʉ̃ yarã nipeꞌtirã ñaꞌarõ weeseti nimiꞌcãrãrẽ yʉꞌrʉwetipeꞌticã weegʉsami. Tojo wééca beꞌro cʉ̃ “Oꞌogʉti” níꞌquere oꞌogʉsami. Cʉ̃ tojo weecã ĩꞌarã, masã Õꞌacʉ̃rẽ “Añubutiagʉ nimi”, nirãsama.

Efesios 1:18

Õꞌacʉ̃, na tʉꞌoñaꞌrõpʉ mʉꞌʉ ye cjasere masĩcã weeya. Mʉꞌʉ narẽ añurõ weesĩꞌrĩgʉ̃ besecʉ niwʉ̃. Nipeꞌtirã mʉꞌʉ yarãrẽ añubutiasere oꞌogʉsaꞌa. Aꞌtere narẽ añurõ masĩcã weeya.

Efesios 2:7

Jesucristo cʉ̃ wẽrĩbosaꞌque meꞌrã marĩrẽ maꞌisere, cʉ̃ añubutiaro weesere ĩꞌocʉ niwĩ. Beꞌropʉ nipeꞌtirãrẽ tere masĩcã ʉagʉ tojo weecʉ niwĩ.

Filipenses 1:11

Jesucristota mʉsãrẽ nipeꞌtisere añurõ weecã weegʉsami. Mʉsã tojo weecã ĩꞌarã, masã Õꞌacʉ̃rẽ aꞌtiro wãcũrãsama. “Añuyʉꞌrʉami, añuse weemi”, nirãsama.

Filipenses 3:9

Aꞌtiro ʉaꞌa. Jesucristore yʉꞌʉ meꞌrã nicã ʉaꞌa. Moisé dutiꞌquere weese meꞌrã Õꞌacʉ̃ yʉꞌʉre “Añugʉ̃ nimi”, nisome. Yʉꞌʉ Jesucristore ẽjõpeose meꞌrã peꞌe Õꞌacʉ̃ yʉꞌʉre añurõ ĩꞌasami. Yʉꞌʉ ẽjõpeose buꞌiri yʉꞌʉre queoro weecã weemi.

Filipenses 4:19

Õꞌacʉ̃ yʉꞌʉ wiogʉ nipeꞌtise mʉsãrẽ dʉꞌsasenojõrẽ oꞌogʉsami. Cʉ̃ Jesucristo meꞌrã peje waro añubutiase cʉoyʉꞌrʉnʉꞌcãmi. Cʉ̃ cʉosenojõrẽ mʉsãrẽ oꞌogʉsami.

Colosenses 1:13

Marĩ pacʉ Õꞌacʉ̃ marĩrẽ, wãtĩ dutinoꞌcãrãrẽ yʉꞌrʉocʉ niwĩ. Õꞌacʉ̃ macʉ̃ wẽrĩse meꞌrã naꞌitĩꞌarõpʉ weronojõ níꞌcãrãrẽ yʉꞌrʉocʉ niwĩ. Marĩ ñaꞌase weeꞌquere acobojocʉ niwĩ. Tojo weegʉ marĩrẽ cʉ̃ macʉ̃ ʉpʉtʉ maigʉ̃rẽ oꞌócʉ niwĩ. Marĩ wiogʉ niato nígʉ̃ tojo weecʉ niwĩ.

1 Pedro 2:5

Mʉsãrẽ añurõ masĩdutigʉ queose meꞌrã weregʉti. Õꞌacʉ̃ ʉ̃tãpaga meꞌrã niꞌcã wiꞌi añurĩ wiꞌi yeegʉ weronojõ weesami. Ʉ̃tãgã añucja meꞌrã yeenʉꞌcãsami. Tutuari wiꞌi niato nígʉ̃ tojo weesami. Jesucristota cʉ̃ ne waro wiꞌi yeenʉꞌcãcja ʉ̃tãgã weronojõ nigʉ̃́ nimi. Marĩpʉa apeye na yeeturiamʉjãse weronojõ niꞌi. Marĩ nipeꞌtirã niꞌcãrõ meꞌrã Õꞌacʉ̃ cʉ̃ wééca wiꞌi weronojõ niꞌi. Tojo weerã cʉ̃ yarã waro nírã, Jesucristo weetamuse meꞌrã paꞌia weronojõ Õꞌacʉ̃ yere daꞌramasĩꞌi. Añurõ wéérã, ãpẽrã ye niatjere sẽrĩbosamasĩꞌi. Tojo nicã Õꞌacʉ̃rẽ eꞌcatise oꞌomasĩꞌi. Marĩ tojo weecã ĩꞌagʉ̃, Õꞌacʉ̃ eꞌcatisami.

1 Pedro 2:9

Marĩ pũrĩcã na weronojõ niweꞌe. Õꞌacʉ̃ cʉ̃ yarã niato nígʉ̃ marĩrẽ besecʉ niwĩ. Tojo weerã marĩ wiogʉ yarã paꞌia weronojõ cʉ̃ yere daꞌrarã niꞌi. Õꞌacʉ̃ marĩrẽ cʉ̃ ya curuacjãrã sãjãcã weecʉ niwĩ. Ñaꞌase marĩrõ niseticã weecʉ niwĩ. Dʉporopʉ Õꞌacʉ̃ cʉ̃ yarã masã Israe curuacjãrãrẽ yʉꞌʉ wereꞌque pejere weecʉ niwĩ. Mʉsã Jesucristore ẽjõpeorã niꞌi. Tojo weegʉ mʉsãrẽ mejãrõta weemi. Õꞌacʉ̃ marĩrẽ añurõ weeꞌquere ãpẽrãrẽ weredutigʉ tojo weemi. Õꞌacʉ̃ añuyʉꞌrʉagʉ marĩ ñaꞌarõ weeꞌquere acobojomi. Acobojo, naꞌitĩꞌarõpʉ níꞌcãrãrẽ marĩrẽ yʉꞌrʉomi. Tojo weerã niꞌcãrõacãrẽ cʉ̃ põꞌrã boꞌreyuropʉ nirã́ weronojõ niꞌi.

1 Pedro 4:11

Niꞌcãrẽrãrẽ aꞌtenojõrẽ oꞌosami. Pãjãrã waꞌteropʉ cʉ̃ ye queti weretutuasere oꞌosami. Aꞌtere wererã, cʉ̃ wereꞌcaro weronojõ wereya. Ãpẽrã, weetamurãnojõ quẽꞌrã Õꞌacʉ̃ mʉsãrẽ tutuaro oꞌoꞌcaro põtẽorõ weetamuña. Tojo weecã, masã “Jesucristo cʉ̃ weetamurõ meꞌrã tojo weeama” ni, eꞌcatise oꞌorãsama Õꞌacʉ̃rẽ. Jesucristo tutuayʉꞌrʉami. Cʉ̃ nipeꞌtirã buꞌipʉ, wiogʉ nimi. Tojo weerã marĩ cʉ̃rẽ eꞌcatise oꞌonuꞌcũcãꞌrã.