Efesios 1:17 - Õꞌacʉ̃ Yere Ucũrĩ Turi

¹⁷ Õꞌacʉ̃, marĩ wiogʉ Jesucristo pacʉ añubutiagʉ nimi. Cʉ̃rẽ mʉsã ye niatjere aꞌtiro sẽrĩbosaꞌa: “Õꞌacʉ̃, Espíritu Santu tʉꞌomasĩse oꞌoato narẽ. Mʉꞌʉ ye cjasere añurõ ĩꞌoato. Nemorõ mʉꞌʉrẽ masĩdutigʉ tojo weeato.

Tukano

¹⁷ Õ'âkɨ̃hɨ, marî wiôgɨ Jesu Cristo pakɨ ãyú butia'gɨ niîmi. Kɨ̃ɨ̂re mɨsa yeé niiátehere a'tîro sẽri basá': “Õ'âkɨ̃hɨ, Espírito Santo tɨ'o masíse o'oáto naâre. Mɨ'ɨ yeékãhasere ãyuró ĩ'yoáto. Nemoró mɨ'ɨ̂re masî dutigɨ tohô weeáto.

Efesios 1:17 Iomraidhean Croise

Mateus 11:25

Narẽ tojo níca beꞌro Jesú cʉ̃ pacʉ Õꞌacʉ̃rẽ aꞌtiro niwĩ: —Pacʉ, mʉꞌʉ ʉꞌmʉse, aꞌti turi wiogʉ niꞌi. “Masĩyʉꞌrʉnʉꞌcãrã niꞌi” nirãrẽ mʉꞌʉ ye cjasere tʉꞌomasĩcã weeweꞌe. Ãpẽrã wĩꞌmarã weronojõ maata tʉꞌo ẽjõpeorã peꞌere tere masĩcã weeꞌe. Mʉꞌʉ tojo weesere wãcũgʉ̃, “Añuꞌu”, ni eꞌcatise oꞌoꞌo.

Mateus 11:27

Beꞌro Jesú masãrẽ ninemowĩ: —Yʉꞌʉ pacʉ nipeꞌtise weemasĩsere yʉꞌʉre oꞌowĩ. Cʉ̃ niꞌcʉ̃ta yʉꞌʉ nisetisere masĩpeꞌocãꞌsami. Yʉꞌʉ quẽꞌrã niꞌcʉ̃ta cʉ̃ nisetisere masĩpeꞌoꞌo. Noꞌo yʉꞌʉ masĩcã weenoꞌrã quẽꞌrã cʉ̃ nisetisere masĩsama.

Mateus 16:17

Jesú cʉ̃rẽ niwĩ: —Simó, Joná macʉ̃, mʉꞌʉ tojo ucũgʉ̃, diacjʉ̃ta ucũꞌu. Ne niꞌcʉ̃ masʉ̃ mʉꞌʉrẽ tere weretiapĩ. Yʉꞌʉ pacʉ ʉꞌmʉsepʉ nigʉ̃́ mʉꞌʉrẽ tere masĩse oꞌoapĩ. Tojo weegʉ eꞌcatiya.

Mateus 20:33

Na cʉ̃rẽ yʉꞌtiwã: —Ʉ̃sãrẽ caperi bajucã weeya, niwã.

Mateus 6:13

Ʉ̃sã ñaꞌarõ weesĩꞌrĩsere cãꞌmotaꞌaya. Tojo nicã ñaꞌagʉ̃ ʉ̃sãrẽ niquesãcã, cãꞌmotaꞌaya. Mʉꞌʉ niꞌcʉ̃ta dutimasĩꞌi. Tutuayʉꞌrʉgʉ niꞌi. Mʉꞌʉ niꞌcʉ̃rẽta masã ẽjõpeorãsama. Mʉꞌʉ ninuꞌcũcʉ̃saꞌa’, ni sẽrĩña Õꞌacʉ̃rẽ.

San Lucas 12:12

Mʉsã ucũrĩ cura Espíritu Santu mʉsã yʉꞌtiatjere weregʉsami, nicʉ niwĩ Jesú.

San Lucas 2:14

Õꞌacʉ̃ ʉꞌmʉsecjʉ̃rẽ eꞌcatipeorã. Nipeꞌtirã cʉ̃rẽ “Añubutiami”, ni basapeoato. Aꞌti diꞌta peꞌere cʉ̃ añurõ weenoꞌcãrã ejerisãjãse cʉoato, nicãrã niwã.

San Lucas 21:15

Yʉꞌʉ peꞌe mʉsãrẽ ucũmasĩatjere oꞌogʉti. Mʉsãrẽ ĩꞌatuꞌtirã ne niꞌcʉ̃ põtẽosome. Na “Tojo niweꞌe”, ni yeꞌsumasĩsome.

San Juan 14:17

Espíritu Santu mʉsãrẽ queoro buꞌegʉsami. Ãpẽrã aꞌti nucũcãcjãrã yʉꞌʉre ẽjõpeotirã cʉ̃rẽ masĩtirãsama. Tojo weerã cʉ̃rẽ moorãsama. Mʉsã pũrĩcã cʉ̃rẽ masĩꞌi. Cʉ̃ mʉsã meꞌrã, mʉsãpʉre ninuꞌcũgʉ̃sami.

San Juan 14:26

Yʉꞌʉ sẽrĩcã, yʉꞌʉ pacʉ Espíritu Santure mʉsãrẽ oꞌógʉsami. Cʉ̃ mʉsãrẽ weetamu, wãcũtutuanuꞌcũcã weegʉsami. Nipeꞌtise mʉsãrẽ buꞌegʉsami. Nipeꞌtise yʉꞌʉ mʉsãrẽ buꞌeꞌquere apaturi wãcũcã weegʉsami.

San Juan 16:3

Na yʉꞌʉ pacʉre, yʉꞌʉre masĩtiꞌque ye buꞌiri mʉsãrẽ ñaꞌarõ weerãsama.

San Juan 17:3

Masã mʉꞌʉ Õꞌacʉ̃ niꞌcʉ̃ nigʉ̃rẽ, tojo nicã yʉꞌʉre mʉꞌʉ oꞌóꞌcʉre ẽjõpeorã catinuꞌcũcãꞌrãsama.

San Juan 20:17

Jesú core nicʉ niwĩ: —Duꞌuya yʉꞌʉre. Yʉꞌʉ pacʉ tiropʉ mʉjãatiapʉ yujupʉ. Yʉꞌʉre ẽjõpeorãrẽ werego waꞌaya. “Aꞌtiro niami”, niña. “Cʉ̃, cʉ̃ pacʉ Õꞌacʉ̃ tiropʉ ‘Waꞌagʉ weeꞌe’, niami.” “ ‘Õꞌacʉ̃ yʉꞌʉ pacʉ, tojo nicã mʉsã pacʉ nimi.’ Apeye quẽꞌrãrẽ ‘Yʉꞌʉ wiogʉ nimi. Tojo nicã mʉsã wiogʉ nimi’, niami”, niña, nicʉ niwĩ.

Hechos 6:10

Cʉ̃rẽ na tojo weecã, Espíritu Santu cʉ̃ ucũcã, Estebare peje masĩse oꞌocʉ niwĩ. Tojo weerã na cʉ̃ meꞌrã ne ucũ põtẽoticãrã niwã.

Hechos 7:2

Cʉ̃ tojo nicã, Esteba yʉꞌticʉ niwĩ: —Acawererã, yʉꞌʉre tʉꞌoya. Õꞌacʉ̃ añurõ asistegʉ, nipeꞌtise masĩyʉꞌrʉagʉ marĩ ñecʉ̃ Abrahãrẽ ucũcʉ niwĩ Mesopotamia caldea masã nirõpʉ. Harã́ wãmetiri macãpʉ waꞌase dʉporo cʉ̃rẽ ucũcʉ niwĩ.

Romanos 1:28

Cʉ̃ weeꞌquere ĩꞌamirã, Õꞌacʉ̃rẽ ẽjõpeosĩꞌrĩtisama. Tojo weegʉ na wãcũmaꞌasere weeato nígʉ̃ cõꞌawãꞌcãcʉ niwĩ. Cʉ̃ narẽ cõꞌacã, totá na ñaꞌarõ weeꞌquere nemopeosama.

Romanos 15:6

Tojo weerã mʉsã niꞌcãrõpʉta wãcũsetirã, aꞌtiro weerãsaꞌa. Õꞌacʉ̃, marĩ wiogʉ Jesucristo pacʉre niꞌcãrõ meꞌrã “Mʉꞌʉ añuyʉꞌrʉaꞌa”, nirãsaꞌa.

1 Corintios 12:8

Aꞌtiro niꞌi. Ãpẽrãrẽ cʉ̃ masĩse oꞌose meꞌrã ucũmeꞌrĩcã weesami. Ãpẽrãrẽ mejãrõta cʉ̃ meꞌrã Õꞌacʉ̃ ye queti ojáca pũrĩpʉ ojaꞌquere tʉꞌomasĩ, weremeꞌrĩcã weesami.

1 Corintios 14:6

Aꞌtiro niꞌi. Yʉꞌʉ mʉsã tiropʉ waꞌagʉ, ãpẽrã yere ucũgʉ̃, weetamutibosaꞌa. Õꞌacʉ̃ yʉꞌʉre masĩse oꞌosere buꞌégʉ pũrĩcã, weetamubosaꞌa. Mʉsãrẽ Õꞌacʉ̃ weredutiꞌquere wereturiagʉ quẽꞌrã, weetamubosaꞌa. Tojo nicã mʉsãrẽ apeyere buꞌenemogʉ̃, weetamubosaꞌa.

1 Corintios 2:10

Te añuse marĩ masĩtiꞌquere Õꞌacʉ̃ Espíritu Santu meꞌrã marĩrẽ masĩcã weemi. Espíritu Santu nipeꞌtise diasayʉꞌrʉnʉꞌcãsere Õꞌacʉ̃ cʉ̃ weesere masĩpeꞌocãꞌmi.

1 Corintios 2:8

Ne niꞌcʉ̃pʉta aꞌti turicjʉ̃ wiogʉ aꞌtere tʉꞌomasĩticʉ niwĩ. Tʉꞌomasĩrã pũrĩcã, Jesucristo marĩ wiogʉ añuyʉꞌrʉagʉre curusapʉ wẽjẽtibopã.

2 Corintios 12:1

Marĩ basu añurõ ucũcã, wapamarĩꞌi. Tojo nimigʉ̃, ucũgʉ̃ti. Marĩ wiogʉ quẽꞌese weronojõ yʉꞌʉre ĩꞌoꞌquere weregʉti.

Efesios 1:3

Õꞌacʉ̃, marĩ wiogʉ Jesucristo pacʉre eꞌcatise oꞌorã. Cristo yarã niyucã, Õꞌacʉ̃ marĩrẽ añurõ weecʉ niwĩ. Marĩrẽ maꞌígʉ̃, nipeꞌtise ʉꞌmʉsepʉ ejeripõꞌrã cjase añusere oꞌocʉ niwĩ.

Efesios 3:5

Dʉporocjãrã Õꞌacʉ̃ judío masã nitirãrẽ ñeꞌegʉ̃sami nisere masĩticãrã niwã. Niꞌcãrõacã pũrĩcãrẽ Espíritu Santu meꞌrã cʉ̃ yarã, cʉ̃ besecṹúꞌcãrãrẽ weremi. Tojo nicã tere cʉ̃ weredutiꞌquere wereturiari masãrẽ weremi.

Efesios 4:13

Tere wee, marĩ aꞌmerĩ weetamurã, Õꞌacʉ̃ macʉ̃rẽ nemorõ ẽjõpeonemorãsaꞌa. Cʉ̃rẽ añurõ masĩrãsaꞌa. Tojo nicã Õꞌacʉ̃ ʉaronojõta queoro weemasĩnemorãsaꞌa. Õꞌacʉ̃ beseꞌcʉ Cristo nipeꞌtisere añurõ niseticʉ niwĩ. Marĩ cʉ̃rẽ ẽjõpeori curuacjãrã quẽꞌrã cʉ̃ weronojõta nisetirãsaꞌa.

Filipenses 3:15

Nipeꞌtirã Jesucristore añurõ ẽjõpeorã yʉꞌʉ níꞌcaronojõta wãcũrõʉaꞌa. Mʉsã mejẽcã wãcũcã, Õꞌacʉ̃ mʉsãrẽ diacjʉ̃ wãcũcã weegʉsami.

2 Timoteo 2:25

Mʉꞌʉ buꞌesere tʉꞌosĩꞌrĩtirãrẽ añurõ pajañaꞌse meꞌrã narẽ “Aꞌtiro peꞌe añurõ weeya”, niña. Õꞌacʉ̃ na ñaꞌarõ weeꞌquere dʉcayugʉsami nígʉ̃, tojo niña. Na dʉcayurã, diacjʉ̃ cjasere ẽjõpeorãsama.

Tito 1:1

Yʉꞌʉ Pablo Õꞌacʉ̃rẽ daꞌracoꞌtegʉ Jesucristo besecṹúꞌcʉ niꞌi. Cʉ̃, cʉ̃ ye quetire weredutigʉ cũuwĩ. Õꞌacʉ̃ cʉ̃ beseꞌcãrãrẽ añurõ ẽjõpeocã ʉasãgʉ̃ yʉꞌʉre cũuwĩ. Tojo nicã narẽ Õꞌacʉ̃ ye, diacjʉ̃ cjasere masĩdutigʉ cũuwĩ. Queoro Õꞌacʉ̃ ʉaronojõ weedutigʉ tojo cũuwĩ.

Santiago 2:1

Marĩ wiogʉ Jesucristo añuyʉꞌrʉgʉre ẽjõpeorã, masãrẽ ne dʉcawaaticãꞌrõʉaꞌa.

2 Pedro 1:3

Õꞌacʉ̃ cʉ̃ macʉ̃ Jesucristore marĩrẽ masĩcã weecʉ niwĩ. Cʉ̃rẽ masĩrã, cʉ̃ tutuaro meꞌrã marĩ cʉ̃ ʉaro añurõ nisetimasĩrãsaꞌa. Jesucristo añuyʉꞌrʉagʉ, nipeꞌtise añurõ weegʉ́ marĩrẽ cʉ̃ yarã nidutigʉ pijicʉ niwĩ.

2 Pedro 3:18

Marĩ wiogʉ Jesucristo marĩrẽ yʉꞌrʉogʉ peꞌere masĩnemoña. Cʉ̃ marĩrẽ maꞌimi nisere masĩrã, cʉ̃rẽ nemorõ ẽjõpeowãꞌcãña. Nipeꞌtirã niꞌcãrõacãrẽ, beꞌropʉ quẽꞌrãrẽ Jesucristore “Añuyʉꞌrʉami”, ninuꞌcũcãꞌrã. Tojota nirõʉaꞌa. Tocãꞌrõta ojaꞌa. Pedro

Apocalipse 7:12

Aꞌtiro niwã: Aꞌtiro waꞌato marĩ wiogʉre. Nipeꞌtirã ñubuepeoato. “Asistegʉ, masĩpeꞌogʉ nimi”, niato. Cʉ̃rẽ ẽjõpeoato. Nipeꞌtirã “Añuyʉꞌrʉami”, niato. Nipeꞌtirãrẽ dutimi. “Tutuayʉꞌrʉgʉ nimi”, niato. Aꞌte tojota ninuꞌcũato. Tojota niato, ni ẽjõpeowã.