Apocalipse 7:12 - Õꞌacʉ̃ Yere Ucũrĩ Turi

¹² Aꞌtiro niwã: Aꞌtiro waꞌato marĩ wiogʉre. Nipeꞌtirã ñubuepeoato. “Asistegʉ, masĩpeꞌogʉ nimi”, niato. Cʉ̃rẽ ẽjõpeoato. Nipeꞌtirã “Añuyʉꞌrʉami”, niato. Nipeꞌtirãrẽ dutimi. “Tutuayʉꞌrʉgʉ nimi”, niato. Aꞌte tojota ninuꞌcũato. Tojota niato, ni ẽjõpeowã.

Tukano

¹² A'tîro niîwã: A'tîro wa'aáto marî wiôgɨre. Niî pe'tirã kɨ̃ɨ̂re ẽho peoáto. “Asistégɨ, masî pe'ogɨ niîmi”, niiáto. Niî pe'tirã “Ãyú yɨ'rɨami”, niî e'katí peoato. Niî pe'tirãre dutîmi. “Tutuâ yɨ'rɨgɨ niîmi”, niiáto. A'té tohôta niî nu'kuato. Tohôta niiáto, niî ẽho peówã.

Apocalipse 7:12 Iomraidhean Croise

Jonás 2:9

Yʉꞌʉ pũrĩcã mʉꞌʉrẽ eꞌcatise oꞌogʉ, waꞌicʉrãrẽ wẽjẽ ʉ̃jʉ̃amorõpeogʉti. Mʉꞌʉrẽ ‘Yʉꞌʉ tojo weegʉti’ níꞌquere weegʉti. Õꞌacʉ̃, mʉꞌʉ niꞌcʉ̃ta masãrẽ yʉꞌrʉogʉ niꞌi”, nicʉ niwĩ Joná.

Mateus 6:13

Ʉ̃sã ñaꞌarõ weesĩꞌrĩsere cãꞌmotaꞌaya. Tojo nicã ñaꞌagʉ̃ ʉ̃sãrẽ niquesãcã, cãꞌmotaꞌaya. Mʉꞌʉ niꞌcʉ̃ta dutimasĩꞌi. Tutuayʉꞌrʉgʉ niꞌi. Mʉꞌʉ niꞌcʉ̃rẽta masã ẽjõpeorãsama. Mʉꞌʉ ninuꞌcũcʉ̃saꞌa’, ni sẽrĩña Õꞌacʉ̃rẽ.

Romanos 11:36

Nipeꞌtise aꞌti turi cjase, ʉꞌmʉse cjase cʉ̃ weeꞌque diaꞌcʉ̃ niꞌi. Cʉ̃ tutuase meꞌrã nipeꞌtise ninuꞌcũꞌu. Cʉ̃ ye niꞌi. Tojo weerã nipeꞌtirã Õꞌacʉ̃rẽ “Cʉ̃ añuyʉꞌrʉagʉ, tutuayʉꞌrʉagʉ nimi”, ninuꞌcũcãꞌrã. Tojota weerã.

1 Corintios 14:16

Ãpẽrã yere masĩtimirã ucũse meꞌrã diaꞌcʉ̃ mʉꞌʉ Õꞌacʉ̃rẽ eꞌcatise oꞌocã, apĩ mʉꞌʉ ucũsere tʉꞌotibosami. Tʉꞌotigʉ, “Tojota niꞌi”, nitamumasĩtisami.

2 Corintios 4:15

Ʉ̃sã mʉsãrẽ añurõ waꞌadutirã nipeꞌtisere piꞌetiꞌi. Mʉsã pãjãrãrẽ siape meꞌrã Õꞌacʉ̃ añurõ weecã ʉarã, tojo weeꞌe. Beꞌro pãjãrã aꞌtere ĩꞌarã, Õꞌacʉ̃rẽ eꞌcatise oꞌorãsama. Te meꞌrã cʉ̃rẽ “Añuyʉꞌrʉagʉ nimi” nírã, tojo weerãsama.

Colosenses 2:7

Cʉ̃rẽ nemorõ masĩnemoña. Mʉsãrẽ buꞌeꞌcaronojõta cʉ̃rẽ ẽjõpeonemoña. Ʉmʉcorinʉcʉ̃ Õꞌacʉ̃rẽ “Añuꞌu”, ni eꞌcatise oꞌoya.

Colosenses 3:17

Mʉsã Jesucristo yarã niꞌi. Tojo weerã nipeꞌtise mʉsã weesetise, ucũsetisere cʉ̃ yarã weronojõta weeya. Jesucristo cʉ̃ tutuase meꞌrã tere weeta basioꞌo. Cʉ̃ pacʉre eꞌcatise oꞌonuꞌcũcãꞌña.

Apocalipse 1:18

Catinuꞌcũgʉ̃ niꞌi. Todʉporopʉre wẽrĩwʉ̃. Niꞌcãrõacãrẽ catinuꞌcũcãꞌa. Yʉꞌʉ masãrẽ wẽrĩdutimasĩꞌi. Pecameꞌepʉ waꞌadutimasĩꞌi. Ãpẽrã quẽꞌrãrẽ “Pecameꞌepʉ waꞌasome”, nímasĩꞌi.

Apocalipse 19:4

Veinticuatro wiorã bʉcʉrã, tojo nicã baꞌparitirã catise cʉorã weronojõ bajurã Õꞌacʉ̃ wiogʉ dujiri cũmurõpʉ dujigʉre ẽjõpeorã ejaqueꞌawã. Aꞌtiro niwã: —Tojota waꞌato. Õꞌacʉ̃rẽ eꞌcatipeorã. Aleluya, niwã.