Apocalipse 4:1 - Õꞌacʉ̃ Yere Ucũrĩ Turi

¹ Beꞌro yʉꞌʉ Juã ʉꞌmʉsepʉ ĩꞌamorõwʉ̃. Topʉ niꞌcã sope susucã ĩꞌawʉ̃. Sõꞌonícatero coroneta putipjʉ putiꞌcaro weronojõ bʉsʉꞌcʉta tja ucũwĩ. Aꞌtiro niwĩ yʉꞌʉre: —Aꞌtopʉ mʉjãtia. Beꞌro waꞌatjere mʉꞌʉrẽ ĩꞌogʉ̃tigʉ weeꞌe, niwĩ.

Tukano

¹ Be'ró yɨ'ɨ̂ João ɨ'mɨ̂sepɨ ĩ'yâ morowɨ. Toopɨ́ ni'kâ sope susukã́ ĩ'yâwɨ. Too dɨpóro coroneta putipɨhɨ́ putí'karo weeró noho bɨsɨ̂'kɨta taha uúkũwĩ. A'tîro niîwĩ yɨ'ɨ̂re: —A'topɨ́ mɨhátia. Be'ró wa'aátehere mɨ'ɨ̂re ĩ'yogɨ́tigɨ weé', niîwĩ.

Apocalipse 4:1 Iomraidhean Croise

Éxodo 1:1

Israe curuacjãrã Jacob põꞌrã cʉ̃ meꞌrã Egiptopʉ waꞌaꞌcãrã, aꞌticʉrã nicãrã niwã. Nipeꞌtirã nanʉcʉ̃ na nʉmosãnumia, na põꞌrãrẽ miacãrã niwã.

Éxodo 19:24

Õꞌacʉ̃ peꞌe Moisére nicʉ niwĩ: —Dija, Aarṍrẽ aꞌtopʉ miitia. Paꞌia, tojo nicã masã pũrĩcã aꞌtopʉ aꞌtisĩꞌrĩrã, cãꞌmotaꞌaꞌcarore ne yʉꞌrʉticãꞌto. Tojo weecãma, yʉꞌʉ narẽ buꞌiri daꞌrebosaꞌa, nicʉ niwĩ Õꞌacʉ̃.

Éxodo 24:12

Õꞌacʉ̃ Moisére aꞌtiro nicʉ niwĩ: —Yʉꞌʉ tiro ʉ̃rʉ̃gʉ̃pʉ mʉjãtinemoña. Mʉjãti, topʉ yʉꞌʉre coꞌteya. Yʉꞌʉ ʉ̃tã meꞌrã weeꞌque pjĩrĩrẽ mʉꞌʉrẽ oꞌogʉti. Te pjĩrĩpʉ yʉꞌʉ ojaꞌque nipeꞌtise yʉꞌʉ weedutiꞌquere mʉꞌʉ Israe curuacjãrãrẽ weregʉsaꞌa.

Mateus 3:16

Cʉ̃rẽ wãmeyeca beꞌro cʉ̃ majãnʉꞌcãcãta, ʉꞌmʉse pãrĩcaro niwʉ̃. Jesú Espíritu Santu buja weronojõ bajugʉ cʉ̃pʉre dijatacã ejapejagʉre ĩꞌacʉ niwĩ.

Marcos 1:10

Cʉ̃ ti maapʉ níꞌcʉ majãnʉꞌcãrĩ cura Jesú ʉꞌmʉse pãrĩcã ĩꞌacʉ niwĩ. Espíritu Santu niꞌcʉ̃ buja weronojõ bajugʉ cʉ̃pʉre dijatacʉ niwĩ.

San Lucas 3:21

Juãrẽ buꞌiri daꞌreri wiꞌipʉ sõrõatji dʉporo Juã pãjãrã masãrẽ wãmeyecʉ niwĩ. Beꞌro Jesú quẽꞌrãrẽ wãmeyecʉ niwĩ. Cʉ̃rẽ wãmeyegʉ ñubueri cura ʉꞌmʉse pãrĩcaro niwʉ̃.

San Juan 16:13

Espíritu Santu aꞌtigʉ, nipeꞌtisere queoro weregʉsami. Cʉ̃ diacjʉ̃ ucũgʉ̃ nimi. Cʉ̃ seꞌsaro ucũsome. Õꞌacʉ̃ ucũsere, cʉ̃ tʉꞌoꞌquere wereturiagʉsami. Beꞌropʉ waꞌatje quẽꞌrãrẽ mʉsãrẽ wereyugʉsami.

Hechos 10:11

Ʉꞌmʉse pãrĩcã ĩꞌacʉ niwĩ. Topʉ niꞌcãrõ suꞌtiro weronojõ bajuri caserojo nucũcãpʉ dijaticaro niwʉ̃. Baꞌparitise sumutori dʉꞌteꞌcaro nicaro niwʉ̃.

Hechos 7:56

Cʉ̃ narẽ ĩꞌagʉ̃, “Jãa, ĩꞌaña. Ʉꞌmʉse pãrĩcã ĩꞌaꞌa. Jesú, Õꞌacʉ̃ macʉ̃ masʉ̃ weronojõ upʉtigʉ cʉ̃ diacjʉ̃ peꞌe nuꞌcũgʉ̃rẽ ĩꞌaꞌa”, nicʉ niwĩ Esteba.

Apocalipse 1:10

Aꞌtiro waꞌawʉ yʉꞌʉre. Niꞌcã soorinʉmʉ Espíritu Santu tutuaro meꞌrã quẽꞌese weronojõ ĩꞌowĩ. Wãcũña marĩrõ yʉꞌʉ sẽꞌema peꞌe tutuaro ucũcã tʉꞌowʉ. Cʉ̃ ucũse coroneta putiro weronojõ bʉsʉwʉ.

Apocalipse 1:12

Cʉ̃ tojo ucũcã tʉꞌogʉ, yʉꞌʉ ¿noa niti? nígʉ̃, majãmiĩꞌawʉ̃. Sietepagʉ sĩꞌose uru meꞌrã weeꞌquepagʉre ĩꞌawʉ̃.

Apocalipse 1:19

Mʉꞌʉ ĩꞌaꞌquere, niꞌcãrõacã nisere ojaya. Beꞌropʉ mʉꞌʉ ĩꞌatje quẽꞌrãrẽ ojaya.

Apocalipse 11:12

Niꞌcʉ̃ ʉꞌmʉsepʉ nigʉ̃́ narẽ tutuaro meꞌrã aꞌtiro niwĩ: —Mʉjãtia. Cʉ̃ tojo nicã tʉꞌorã, na oꞌmecurua meꞌrã mʉjãawã. Na mʉjãacã, narẽ ĩꞌatuꞌtiꞌcãrã ĩꞌawã.

Apocalipse 11:19

Na tojo níca beꞌro Õꞌacʉ̃ wiꞌi ʉꞌmʉsepʉ nirĩ wiꞌi sope pãrĩwʉ̃. Ti wiꞌi poꞌpeapʉre niꞌcã acaro niwʉ̃. Ti acaro Õꞌacʉ̃ “Aꞌtiro weegʉti masã meꞌrã” ni, cʉ̃ ojáca pjĩrẽ cʉori acaro niwʉ̃. Tojo waꞌáca beꞌro bʉpo yaꞌbacã ĩꞌawʉ̃. Bʉpo paasere, tojo nicã mejẽcã bʉsʉsere tʉꞌowʉ. Diꞌta pũrõ narãsãwʉ̃. Yʉsʉase aco peri bʉꞌaꞌque peri paca bʉrʉwʉ.

Apocalipse 16:17

Beꞌro, seis beꞌrocjʉ̃, cʉ̃ ya bapa cjasere ʉꞌmʉarõpʉ piodijowĩ. Te beꞌro Õꞌacʉ̃ wiꞌi ʉꞌmʉse nirĩ wiꞌi poꞌpeapʉ wiogʉ dujiri cũmurõpʉ dujigʉ tutuaro meꞌrã ucũwĩ. Aꞌtiro niwĩ: —Nipeꞌtise tuꞌajanʉꞌcõpeꞌonoꞌo.

Apocalipse 19:11

Beꞌro, ʉꞌmʉse pãrĩcã ĩꞌawʉ̃. Topʉ cabayu butigʉ bajuawĩ. Cʉ̃ buꞌi pesagʉ aꞌtiro wãmetiwĩ. Queoro Weenuꞌcũgʉ̃, Diacjʉ̃cjʉ̃ niwĩ. Cʉ̃ masãrẽ queoro besegʉ niwĩ. Tojo nicã aꞌmewẽjẽgʉ̃ queoro weegʉ́ niwĩ. Tojo weegʉ tojo wãmetiwĩ.

Apocalipse 22:6

Beꞌro Õꞌacʉ̃rẽ werecoꞌtegʉ yʉꞌʉre niwĩ: —Aꞌte ucũse diacjʉ̃ nise niꞌi. Te níꞌcaronojõta waꞌarosaꞌa. Marĩ wiogʉ Õꞌacʉ̃ cʉ̃ weredutiꞌquere wereturiari masãrẽ wãcũse oꞌowĩ. Cʉ̃́ta cʉ̃rẽ werecoꞌtegʉre oꞌówĩ. Cʉ̃ yarãrẽ maata beꞌropʉ waꞌatjere ĩꞌodutigʉ tojo weewĩ.